احسن طريقه للرضاعه الطبيعيه "" تعالوااااااا ""

انا مثلك بحملي كنت ناوية ارضع طبيعي 100 ب 100، وربي يشهد علي اني شديت الهمة، هههه، ناوية على حرب انا.

المهم، ارتكبت اخطاء تقتل الرضاعة الطبيعية.

اولا، ما بحثت عن الموضوع، بمعنى كانت عندي فكرة خاطئة عن اسلوب الرضاعة الطبيعية، عبالي البيبي بيحط الحلمة بتمه وخلاص. نوووووو،

اولا، لازم تستعدي لآلام الثدي خصوصا الحلمات بالاسابيع الاولى، والله اني كنت ابكي لما بنتي ترضع مني، بس الحمد لله في كريمات آمنة بالصيدلية اقل مافيني اقول عنها معجزة، تخفف الالم بشكل مو طبيعي. يعني، المسالة الاولى يجاوزتها بنجاح، رغم انو الاغلبيه بيتركو الرضاعه مشان هالسبب.

ثاني شيء، بعد الولادة مباشرة، الساعات الاولى من حياة البيبي مهمه، راح ينزل منك ماي، مو حليب، هاذ يا حبيبتي مهم مهم مهم جدا، صدقيني في ناس بيعصرو صدورهم ويمسحو هذاك السائل ظنا انو ولا شيء، السائل راح ينزل يمكن لمدة 3 ايام، بعدها راح يشرف الحليب، نفس الشىء النقطة هاي طبقتها.

بس بس بس الغلط الكبيييييييييييييير، اني كنت برضع طبيعي وصناعي بنفس الوقت، يعني رضعة من الصدر ورضعة صناعي، اكبر غلط عملته و ندمانة عليه قد شعر راسي،

راه فهمك

اللي عرفته بس مؤخرا، مافي ام بالعالم ما عندها حليب مشان مولودها الجديد، هايده رزقه من رب العالمين، بس احنا الله يهدينا نبغي كل شيء بالسهل و السريع، وما في مساندات و تشجيع من احبابنا و اصحابنا.

اللي يجعل الحلبيب ينقص او يختفي، الرجيم او الاكل الغير السليم، يعني، لا افراط ولا تفريط، واهم شيء بالاكل النوعية مو الكمية، وهالنقطة غفلت عنها صراحة،

ثاني شيء، الزعل و البكي، ما عاش من زعل الامهات الجدد والله، ويا شين الغربة اللي بكتني طول الاربعين.

المهم، بلا ما نقلبها دراما، ههههه.

ثالث شيء، الراحة،

صحيح انو صعبة، بس لازم المرضعة تريح حالها ولو بغفوات سريعة، كل ما غفى البيبي اغفي انت كمان. وفين اللي يطبق، انا كنت لما بتنام بنتي الشويتين اللي بتنامن، هوب….. بتفرج على حريم السلطان، مالت علي.

المهم، لو احترمت النقاط الثلاثه ما في سبب مشان ما يكون بصدرك حليب.

برجع للرضعة الصناعية، حطي ببالك انو الغدد المنتجة للحليب مثل شيء مصنع، تخيلي، كلما رضع البيبي، كل ما زاد الحليب،

سو، احفظي القاعدة، رضعة زيادة، كمية زيادة.

ولما بتعطي الرضعة الصناعية، في مسالتين،

اول شيء، طريقة رضعة البيبي للحلمة تختلف تماما عن رضعته للرضاعة، واعلمي انو عملية الرضاعة من الثدي مو سهلة ابدا على البيبي، يعني المسكين بيعمل مجهود مشان يرضع، اما بالنسبة للرضاعة فاسهل ما يكون، الحليب جاهز و بيسيل بسهولة،
وبالاخير اكيد انو البيبي راح يفضل الطريق السهل، و راح يرفض صدر امه بعديها، او مثل حالتي، رح يرضع شوي و يتعب، مرات راح يبكي مرات راح ينام، شفتي كيف.

آخر شيء، الثقة الثقة الثقة، كوني واثقة من نفسك، لو اتبعت اللي فوق ان شاء الله ما راح ترضعي طبيعي شهووووووووووووووووور،

في طريقتين مشان تعرفي انو مولودك بياخد اللي يكفيه، احسبي عدد الحفاظات المبلولة باليوم، يعني، لو ب24 ساعة البيبي بلل 6 حفاظات على الاقل (بلل يعني الحفاظات تكون ثقيييلة من الماي) كوني متاكدة انك بالطريق الصحيح،

ثاني شيء الوزن، لو البيبي بيزيد وزنه بعد كل مراجعة شهرية كوني فخورة.

اعيد و اكرر، الرضعة الصناعيه، حتى لو واحدة بتهدد رضاعتك الطبيعية، لانو الصدر ما راح ينتج اكثر من المطلوب، لو البيبي مثلا ما بيرضع بالليل، ما راح ينتج بالليل، يعني بالمعنى التجاري، العرض يساوي الطلب.

و ادعي لي يزيد حليبي و ارضع حبيبتي طبيعي. و الله يسهل ولادتك يا رب