|
|
السلام عليكم
اتمنى الجميع يكون بخير ويرزق كل متزوجه الاطفال الصالحين
بنات انا بنت عرسي قريب وذبحني التفكير ومشكلتي هي اني مسويه عمليه اكياس مبايض قبل سنتين للمره الاولى كان في كيسين حجمهم كبار على المبيض اليمين واليسار واحد كان فيه دم والثاني ماي والحمدلله شالوهم بعمليه فتح البطن والتحاليل سليمه
وعملت وحده ثانيه قبل شهر لان رجعت معاي الاكياس بس بمستشفى خاص والدكتور قال ان اكبر غلط يفتحون البطن عشان الاكياس لان منظار كافي وفتح البطن يسبب التصاقات وفعلا لما سوالي المنظار الرحم كله التصاقات واصله للقولون والمبيض اليسار صار تحت الامعاء وطلعوه وشال الاكياس وقالي انتي صرتي مرأه طبيعيه الان ولما تتزوجين راح تحملين باذن الله
بس بنات انا خايفه حيل خاااااايفه منوو مثلي وربي رزقها ومنو عندها تجربه نفس تجربتي تطمني الله يطمن بالكم لاني بين وقت والثاني اخاف تطلعلي اكياس جديده وانا على وجهه زواج
اختي الكريمة
طولي بالك وان شاء الله خير
وتحمل وتجيب بس شغلت الكياس شي عااادي اكثر الحريم اعرفهم يصير فيهم ويحملون وهو فيهم وينفجر مع الحمل
وتوكلي علي الله بعد ماااتزوجين يشيب راسك من الامراض الي تصيب الحرررريم هذا شي بسيط
بس ادعيلي ربي يرزقني بولد متعافي ويشفيني ربي
اب
اب
ماعندي فكره بس الله يرزقج الذريه الصالحه يارب
ودام الدكتور طمنج ان شاء الله ماكو الا الخير
اكيد اهو ماره عليه حالات مشابهه لحالتج ، ولو كان في اي شي اكيد ببلغج او بيعطيج علاج
انتي متوتره عشان عرسج قرب واي موضوع حتى لوكان بسيط تضخمينه لانج تحاتين
هدي بالج حبيبتي وماكو الا العافية ان شاء الله
ومبرووووووووووووووووووووك يا عروسة 
وحده من أهلنا يوم كانت بنت صار معها كيس حجمه كبير حيل يقول الدكتور
حجمه نفس حجم جنين بالشهر الخامس
وسوولها عملية فتح بطن وشالوه
وتزوجت وحملت من اول شهر وولدت طبيعي الحمدلله
والفال لش ان شاءالله
بس الي يقلقني مرات احس بالم بخصرني اليمين وكله اوسوس ان جيس جديد فحيل خايفه ان يطلع جيس قبل الزواج وبعدين ماحمل الا بعمليه او شي جذي