|
|
السلام عليكم
بنات انا من اصول قبلية لكن عايشه بالديرة ومتحضرة جدآ واهلي كذلك
موضوعي اليوم عن صبغ الشعر
انا هذا اول حمال لي ( عسى الله يتمم علي يارب واولد بالسلامة )
احنا عندنا عادة غريبة ان اللي تطلع من النفاس لازم تصبغ شعرها لا ولازم أشقر
سواء كنتي عبدة جلحة سحت مزيونة لازم اشقر يعني إني طالعه من النفاس
ولازم اسوي نيولوك
انا مع سالفة النيولوك
انها بفترة النفاس تسوي لها ملابس يديدة تخيط يعني
وتشتري قمصان نوم وهالسوالف لريلها وتسوي حمام مغربي وتتنظف عدل
بس سالفة الشعر احس مو ضرورية حيل
وانا وحده كانت عقدتي الشعر
قبل العرس طاح بشكل مو طبيعي كنت أبجي كنت بس اشوف شعور البنات واذكر الله
والله كنت كل ما اطلع من الحمام أبجي حيل أبوي يخترع شفيني واقوله ان شعرري اشوفه بالبانيو يطيح اسود خصل خصل
فـ صار الشعر عقدتي
الحمدلله والشكر لله بفضل الله خف التساااقط وفترة كئيبه وعدت
ولاني مابيها ترجـع لي قاعده أحاول ما اسوي شي يخربلي شعري
مثل الكيراتين الكل يحن سويه قبل العرس
انا شعري مو جعد بس يلتف
ومن كثر ما استخدم الستريتر صارت لفته أقل من قبل بوايد
المهم فـ الحين انا وايد قاعده افكر
اني مابي اصبغ
يا ربي مابي مو غصب
مالي خلق يطيح وتصير مشاكل بشعري وارد لمعاناة اول مالي خلق بجي وحالة نفسية
الحين مرتاحه الحمدلله والشكر للـه
وكل وحده صبغت شعرها صار منتتتتتتتتتتتتف يلوع الجبد
ما يحلى الا بالإعروس مع السشوار يطلع واو واذا سوته بالبيت يطلع منتف يبين عليه
طبعآ 10% اللي اشوف صبغتهم ونعومتهم واااو
الحين مشكلتي اني لما اطلع من النفاس ماني صابغه شعري مابي
بحط حنا و سوالف كركديه وجذي عشان يصير كستنائي
انا شعري حيل أسود
هل تشوفون ان عادي الوحده ماتصبغ دامها بجر
؟
وهل ضروري لتغيير اللوك الصبغ ؟ والا عادي
انا مرت ولد خالتي شعرها كثييف ماشاءالله وعندها بنتين ولي يومكم ما صبغت
و رفيجتي حضرية شعرها حرير وعندها بنتين وتقول ماني صابغه اخاف
انتو شرايكم ؟
ووووووووووووويع صار شعري امشعشع يعني مجعد ولما تسلحين تشوفينه جنه ليفه وابفتره حمال الشعر يطيح وايد انا خف شعري
اذا ماتبين قوليلهم ماي بس سوي نيو لوك بشعرج تشترين قمضان نوم لان راح ادشيله جنج عروس الكل يقول اذا تنفستي عدل تردين حق زوجج جنج بنت
بس انا مادري ما اشةف هالشي لان انا عمليتي قيصري انتي اهتمي بنفسج بوقت نفاس يعني طيحي من وزنج قصي شعرج شوي مدرج بس مو وايد سوي
بس نصييييحه لا تصبغين شعرج انا صبغته وتحسفت لان شعري صاير ليفه وانا من طبيعه شعري ناعم
اي انا اهتميت فيه احط سدر وأكل حبوب و الحمدلله لاحظت تغيير بسيط الحمدلله
يكفي ان التساقط قل
شكرآ عالمرور ياعسل
بتصبغين اختاري لؤن يناسبج
مانتي صابغه شي راجع لج
برؤحنا كلها شعرتين ؤنعابل فيهم
خلج عالأشياء الطبيعية أحسن إذا تحطين حنه .. اخلطي معاه قهوة عربية وقفشة خل يخلي لونه بني حلوو نفس لون القهوه إذا تبينه أغمج حطي كاكاو طحين بس هذا ما جربتها للأمانه .. جربت القهوة وروووعه بصراحة..
كركديه نفس ما قلتي بابونج بعد ..هم يغير اللون كتغيير يعني ..
حطي قفشة ملح مع الحنه يمنع التساقط .. واهتمي بأكلج وإن شاء الله يتحسن شعرج ..
تقومين بالسلامة يارب ..وربي يتمم لج على خير ..
بس الحق ينقال الاشقر يخرب الشعر شعري تقطع وتووووبه اصبغ هاللون بعد
اذا انتي بيضا صبغي درجات البني حلوة وتعطي اضاءه للويه
موووفقة
ترا مو شرط ولا اجبار ومو الكل يسوي جذي
وايد اعرف ما ااصبغو نهائيا
ومو شرط الاشقر
يعني الي اساسا صابغه اشقر قبل الحمل اكيد اذا بتغير بتعدل الصبغه بتصبغ جذور او تغمجه
مو شرط النيو لوك بالاشقر
يصير نيولوك بالاسود والغوامج وهذا الي انا بسويه
واذا خايفه علا شعرج لا تحطين فيه شي وماعليج من احد
كل واحد حر بنفسه سواء صبغت اشقر او اسود او احترق من الصبغ كل واحد كيفه المهم عاجبها وعاجب زوجها
والله يسهل عليج
بس فكرة الكركديه حلووه
ولو تبين تقصينه تغيرين من شكلج يكوون افضل
والقرار يرجع لج طبعا
انا نفسج بكر ومحتاره اصبغ ولا لا
مع ان كل اللي حولي يقولون اصبغي
غيري من شكلج وللحين متردده
الله يكتب اللي فيه الخيير
اولا ماحب الشعر القصير علي ولا القذله ماعندي جبهه جبهتي صغيره فالقذله كلش مو شيء ووجهي صغير وملمووم كلش مو حلو طايح عليه الشعر
بصيلات شعري ضعييفه ماتتحمل الصبغه كلش وعييت وللحين يحاول وانا نفاس حدي تعقدت لدرجة بديت اتراجع وشكلي بصبغ بني لون واحد
بس للحين قاعده افكر لان كلش ماحب الحنه وماحب احط شيء بخاطره ~