اليانسون للاطفال

والله انا ولدي الحين عمره 3 شهور لما كان نفاس وربي ماخليت شي ماعطيته عشان الغازات تخيلي بطنه متفوخه وصلبه متروسه هوا

وغازات ماخليت دوا بالصيدليه ماشريته ولافي فايده يبجي ماينام من الغازات والمغص لما اختي الكبيره قالتلي شربيه

يانسون وكراويه وربي سويتله وعطيته يومها ارتاح ومابقى صاروخ فبطنه ماسمعناه يومها هههههههههههههه

انا اقولج الطريقه::

ملعقه صغيره يانسون وملعقه صغيره كراويه , نصف كوب ماي صغير( استكانة الشاي)

فوريهم فوره وحده وعطيه بالرضاعه مقدار رقم واحد بس لانه توه صغير ولما يطلع من النفاس عطيه رقم ونص

طبعا مره وحده باليوم وياريت يكون بالليل عشان ترتاحين من ازعاجه وتناميم عالاقل كل ساعتين وصدقيني طفل النفاس ما

يبجي الا من حفاظته تكرمين مضايقته او يبي حليب او المغص اللي فبطنه

وفي ملاحظه اللي يقولج عطيه كمون لا تعطينه الا اذا كان فيه امساك شديد تكرمين لأن الكمون يسهل بطن الطفل

والافضل ان الطفل لا يسهل تكرمين عشان اولا ما يمشق وثانيا عشان ما يضعف وعلى فكره عجايزنا يالبدو

يستانسون اذا صار بالجاهل امساك يقولون الامساك زين له يكبر مقعده هههههه يعني قصدهم يمتن الجاهل

واذا كان فيه امساك انطري يومين اذا ما خرج تكرمين عطيه نفس كمية اليانسون والكراويه بس بدال اليانسون حطي

كمون وكراويه ونفس المقدار بالضبط

اتمنى اني فدتج انا بجريه وعرفت هالسوالف من اختي الكبيره وزوجات اخواني واي شي تبين بعد انا حاضره والله

يخليلج البيبي ويحفظه ويجعله من الذريه الصالحه واسفه عالاطاله

يزيد المغص

وشكرا