|
|
السلام عليكم ورحمة الله وبركاته
ابيكم تساعدوني ناويه ان شاءالله اسوي استقبال بعد الاربعين وراح يكون بالبيت
وابيكم تساعدوني بالافكار
فكرة التوزيعات شنو اليديد الحين
وحلو القهوه من وين اييبه
وابي بوفيه اكله لذيذ
ولا تبخلوووون علي باي شي تعرفونه
ويعطيكم العافيه
غير جذي ماعندي فكرة
بعد بناااااااات ساعدوني
لازورد لا يطوفج للاسقبالات وايد فنتق و دارج وايد هالنوعية من البوفيهات
يبته لاستقبالي و اختي حطت عنه موضوع بالمنتدى
هذا الرابط
تجربتي مع بوفيه لازورد بإستقبال اختي حياكم مع الصور
طبعا ديكورات البوفيه كله عليهم
حلو القهوة روحي شوبان حولي .. سلفرينا السالمية.. غورميه حولي
التوزيعات عندج كاكاو ارماني وايد حلو.. جوديفا وايد حلو.. و الحين راحت موضة توزيعات و اشكال و علب و جذي.. كاكاو راقي و بس.. ممكن الكاكاو يكون محطوط بعلبة مالت المحل و ملفوف بشريطة و جذي. بس علبة داخلها مصحف اة شكل ما انصحج لان وايد تكررت هالشغلات و صارت قديمة
اذا تبين معجنات تقديم بي كيك وايد حلووو شغلهم عندهم ميني معجنات و ميني كبة
تعبي على اكسسوارات المكان.. رتبي مكانج عدل و بالبساطة كل شي يبين وخري عن الخبة عشان يبين شغلج
وعندج الصافي هم نفس الشي فطاير ومعجنات وانا يبتهم باستقبال ولادتي الكل مدحه الصور مااعرف انزلهم بايفون عندي
الصافي رقمهم22555466