|
|
مساء الخير
.gif "Eh S(17)")
بنات ودي أخذ رأي اللي مجربين الولادة القيصريه او سامعين عنها من ناس قراب لهم
انا ولاداتي السابقة كانت طبيعية ولله الحمد والمنه ، بس هذي الولادة 95% راح تكون قيصرية بسبب ظروف صحية
ولادتي وحمالي السابق كان يصير فيني نوع من انواع الزلال واكان بطني ينتفخ وكل جسمي ينتفخ حيل حيل وبطني يصير كبير و طبعــــــــــــــا بعد الولادة الكرش تصير جميلة جدا 
.gif "Eh S(16)")
صار فيني كرشة كبيرة وغير الكرشة ترهل فضيــــــــــــــــــــــــــــيع بالبطن !!!!!!!!!!!!
يعني بطني من تحت نازل لدرجة ما اتصورونها ( متدودل ) ومسكر على البكيني !!!!
ادري لوعت جبدكم بس الحمدلله على كل حال
يعني الجلد الزايد من تحت تقريبا نازل 3 سم !!!!
أنا اللي سمعته ان القيصرية جرحها يكون على خط البكيني . وأنا خط البكيني مالي مخشوش داخل السفطه الي صايرة من الجلد الزايد
وخفت لا سمح الله ان هلشي بعد الولاده يأثر على الجرح بما انه بيكون مخشوش ومقموت تحت الجلد المترهل فممكن يتلوث الله لا يقول مع العرق و القمته !!
ففكرت اني اذا سويت القيصرية باذن الله اقص معاها الجلد الزايد اللي تحت !
لاني سمعت ان في دكاترة مع القيصرية يسون شد بسيط للبطن
أنا ادري ان علميا وصحيا مايصير تسوين مع القيصرية شد او شفط لان البطن يكون متمدد مو بالحجم الطبيعي
بس انا قصدي ان يقصون الجلد الزايد و افتك منه ومره وحده الجرح يكون واحد و ما يكون مندعس تحت الثنيات !!!!
ودري ان الكرش ماراح تخف ولا تروح لان يبيلها شفط
شراااايكم بتفكيريي يا بنات
منو مجربه الشد او قص الجلد مع القيصرية ؟؟
ومنوو احسن دكتور شاطر للقيصريات ؟
وشكراااااااااااااااااااا جزيييييييلا
ناطرة ردكم و نقاشكم بهالموضوع
ودعواااااتكم لي الله يتمم علي ويهون علي وعلى كل حامل ويرزق الجميع
.بس نصيحتي لاتعبثين بنفــسج بسـوالف الشفــط..لانــج راح تحملين مــره ثانيه وبترد الكـرش يعني لاطبنا ولا غدا الشــر… وترا القيصريه سهـلااااات صح اول 10 ايام صعبه بس بعدين يرد كل شي طبيـعي…وأنا و عمـاتي قيصرياات وعماتي لهم كرش يعني لا التهبت والا شي ,,ودكتورتي رشمـي مشاءالله تهبل قيصريتهاا بالهادي.. واللــه يهون عليــج
انا كنت افكر بس ان يقصون لي الجلد الزايد مره وحده
بلانسبه للحم النازل ماعليج يوم العمليه لما تنامين على ظهرج يصعد لفوق وعااااااادي يقصون
ان قصدج شد بسيط هالشي يسونه بدار الشفا انا سأله لاني انا نفسج
بعدين ياقلبي انتي بالنسبه للبطن اللى بينزل كل يوم تعقمينه وتنظفينه لازم لانه راح يصير في رطوبه انا كنت احط شاش
والله يقومج بالسلامه
وكل ماهتميتي بنفسج وخلي الجرح يتهوااا لااا تغمتينه
وبس سهالات ،،. وصدقيني طبيعي الجرح يضير احمر وحكه بسيطه
سوا بطن طايح او مو طايح
الله يهون عليج
في شي اسمه شد وشفط وبعض الدكاتره يسوونه بس كلش ما انصح فيها والدكاتره اللي يخافون ربهم هم ماينصحون فيه اثناء العمليه لان رحمج كبير ومرتفع يكون
وفي شي مثل ماقلتي مجرد انهم يشيلون اليلد الزايد الي نازل وترى مايشيلون وايد انا توني سائله دكتورتي وقالتلي اسويلج عادي بس تشيل شي بسيط يمكن 2 سم او 3
وهذي مامنها خطوره لانها بنفس وقت العمليه ونفس الدكتور يسويلج اياها مو يدخل دكتور تجميل ويسويلج وبدال الساعه تقعدين 4 و5 ساعات
وهم انتي سالي عنها زياده وسالي دكتورج انا عن نفسي احتمال كبير اسويها وعلى فكره انا مسويه قيصريتين وهذي الثالثه انشالله والله يسهل علي وعليج
بعد ممكن تعطوني رايكم
وشكرا للي ردوا
اليوم كانت مراجعتي وسألت دكتورتي عن هالموضوع وقالت ممكن اشيلج الجلد الزايد وتكشط شوية دهون
بس طبعا ماتشيله كله بس يترتب شكل البطن عالاقل
وبعد العملية يوصفون مطهر وكريم عشان يلتئم الجرح
وطبعا بعد كل تسبوحة تنشفين مكان الجرح عشان لايرطب ويلتهب
وسالفة الشد مانصحج فيها مو زييييين
انا دكتوري قالي مستحيل اسويلج شد لأن رح يخترب شكل بطنج لأن الرحم مارجع مكانه ولا عضلات البطن
واحتمال يصير نزيف خلال العملية
بس يمكن يقدرون يقصون شوية من الجلد .. بس هذا غير عن الشد عرفتي
والله يسهل عليج