|
|
السلام عليكم
بنات انا باجي على دورتي 4 أيام وان شالله ماتنزل يارب دعوااااااااتكم
وكنت متفائله هالشهر بالحمال مع اني كل شهر اتفائل ههههه وطبعا قبل كل دوره بجم يوم تطلعلي جم حبه في جبهتي اوفي جسمي عشان قرب الدوره واليوم اشوف الحبوب بعد طالعه ومع اني كنت متفائله بالحمل هالشهر بس من شفت الحبوب تكدر خاطري .gif "Eh S(2)")
فحبيت اسأل الحوامل والامهات هل قبل لاتعرفون انكم حوامل وقرب الموعد اللي المفترض يكون دوره يطلع لكم حبوب في بشرتكم والا لا طمنوني ؟ لاني اعرف ان اعراض الحمل زي اعراض الدوره بس قلت يمكن لحبوب ماليها خص بالموضوع كلش بس مادري ابي اتطمن
اكيد بتقولو ماعندي سالفه بس وربي تكدر خاطري من شفت الحبوب وخاصه اني متفائله
دعواتكم ربي يرزقني ويرزق كل منتظره بالذريه الصالحه يارب
|
المشاركة الأصلية كتبت بواسطة البارونة شوشه
 السلام عليكم
بنات انا باجي على دورتي 4 أيام وان شالله ماتنزل يارب دعوااااااااتكم وكنت متفائله هالشهر بالحمال مع اني كل شهر اتفائل ههههه وطبعا قبل كل دوره بجم يوم تطلعلي جم حبه في جبهتي اوفي جسمي عشان قرب الدوره واليوم اشوف الحبوب بعد طالعه ومع اني كنت متفائله بالحمل هالشهر بس من شفت الحبوب تكدر خاطري فحبيت اسأل الحوامل والامهات هل قبل لاتعرفون انكم حوامل وقرب الموعد اللي المفترض يكون دوره يطلع لكم حبوب في بشرتكم والا لا طمنوني ؟ لاني اعرف ان اعراض الحمل زي اعراض الدوره بس قلت يمكن لحبوب ماليها خص بالموضوع كلش بس مادري ابي اتطمن اكيد بتقولو ماعندي سالفه بس وربي تكدر خاطري من شفت الحبوب وخاصه اني متفائله |
والله يا اختي انا من النوع اللي ماتطلع لي حبوب نهائي لا بالوجه ولا بالجسم
بس لما حملت طلعت لي كم حبه بخدي وماعرفت شنو سببها ،، وهي بصراحه اعراض الحمل بالاول نفس اعراض الدوره ،، فاتمنى من الله ان تكوني حامل ،، وانتي سوي تحليل في البيت وربي يكتب لك الخير
انا طلعتلي حبه بويهي وجسمي قب كله حبوووووووووووووب قبل لا احلل
ان شاء الله تكونين حامل
انااول مره يصيير فيني جذي
وجهي صار يخخخرع موحبووب جبال حمر
وطوولوو عقب بقاا اثرهم جنه حرق والحين الحمدلله
اختفى سبحان الله
ووكلي امرج لله ترى اهم اسباب تاخر الحمل التفكير اشغلي نفسج وربي هو الرزاق
انا ما طلعلي حبوب و كنت حاسة بأعراض الدورة كلها و شايلة الحمال من بالي نهائيا.. لدرجة إن حزتها ما كان عندي فوط صحية و كل ما أطلع أنسى أشتري و لما أرد أقول يا حسرتي الحين تنزل الدورة بأي وقت وانا مو مجهزة نفسي..
أهلي يسألوني أقولهم إنسوا موضوع الحمال هالشهر الدورة نازلة نازلة..
و سبحان الله ما أدري شنو خلاني أروح الصيدلية و أشتري تحليل و أتفاجأ إني حامل..
الشهر اللي قبله كنت أتحرى أيام التبويض و زدت مرات الجماع و تفكيري كله أبي أحمل و ما حملت..
صدقيني كله من التفكير..
وكلي أمرج لله و إنسي الموضوع شوي لا تحطين في بالج إنج تبين تحملين..وصدقيني بإذن الله راح تحملين..
عسى ربي ينولج مرادج و يرزقج بالحمل السليم عاجل غير آجل يا حبيبتي..
انا قب ويهي كله حبوب صار مثل الحساسية
انا سبحان الله احس بأعراض الدوره نفسها ومارحت حللت لأني كنت أنطرها
أعراضها حبوب في الوجه ونفسيه زفت وألم في البطن ومالي خلق اكل شي
لين تأخرت علي 3 ايام قلت لزوجي مالي خلق اروح احلل جيب ليت شريط التحليل المنزلي
وسويته وطلعت حاااااااااااااااااامل بغا يوقف قلبي وزوجي ما صدق قال البسي بسرعه خلينا نروح نتأكد تحليل دم
والله والله تدرين شنو انسي سالفه الحمال راح تحملين
انا لاحضت هالشغله الشهور اللي قبل لا احمل فيها دايم افكر بالحمل ونفسيتي تتعب بس الشهر اللي حملت فيه والله والله قلت قسم بالله ماراح اهتم
ان حملت خير وبركه وان ما حملت الحمدلله على ما كتبه ربي لي وريحت نفسيتي والحمدلله رزقني ربي
ياااااااااااااااااااااااااااااااااااااااارب
حبيبتي دايما ادعي ربج ولا تيأسين واستمري على تفاؤلج ( تفاءلوا بالخير تجدوه ) وان شاء الله ما تشوفين الا كل خير والي يفرحج ويسر خاطرج يااااااااااااااااااااارب
ويارب يرزقج ويرزق كل محروم
ان شاء الله تحملين ويكبر وتربينه
امين يارب
وربي يوفقكم وينولكم اللي في بالكم ويسعدكم يارب ياكريم