ابشركم نزل العوار وسويت تنظيفات عند دكتورتي بس عندي استفسار

الحمدلله يابنات مشكلتي اللي كانت متعبتني انحلت من رب العالمين الحمدلله الحمدلله

ما كليت دوا ولا حبوب
بس كنت اشرب دارسين و زعتر

و قبل امس بالليل حسيت بعوار مثل اللويه شي يتفقص يعور

تقريبا مثل الدوره بس كل شوي يزيد

خوفني العوارقمت على اذان الفجر لقيت ريلي قاعد قلتله بطني حيل يعورني

انسدحت على القنفه و غفيت

وفجأه بوووووووووم !!
انا صرخت

من الخوف و الله قمت ارجف

شي انفجر فيني
و قام يسيح مني سائل حار يخرع
و مره ثانيه بوووم بس مع عواااار شي يدز بطني
و بووووم و لا احس شي طلع مني

طحت عالارض من الخوف و ريلي اشفيج و مو عارف يتصرف
نادا خالتي —-> اهي سمعت صرختي ولقاها جدام الباب

ولا تساعدني اروح الحمام
و ادخل و اول ما فصخت و لا شي نازل مني متعلق
جان اصرخ من قمت راسي و خالتي تقول قوي قلبج قوي قلبج

المهم انا قمت ارجف و لا فجأه يطيح الشي هذا شفت شكله يخرع مثل اللحم متكلكع و لونه اسود
وله زعانف ماادري بس لمحه وصديت

انا ما قفلت الباب
المهم خالتي دخلت علي لفتني بعباتها و قالت يالله و خذت العوار بكيس معاها انا مو حاسه بشي كلش

ريلي على طول راح لدكتورتي اللي اهي فيرجينيا بالمواساة

خذوا تحاليل دم
فحوصات
و دخلوني العمليات و سوتلي تنظيفات بنج كامل ما ادري شنو صارلي
بس اللي عرفته ان المشيمه ما نزلت لان سالتني الدكتوره قلت ما ادري و خالتي قالت لا ما نزلت بس الجنين

والنزيف كان وايد

طلعت من العمليات و انا دايخه والحمدلله وايد ارتحت

استفساراتي :

التنظيفات تكلف 250 دينار؟ مع الغرفه و الادويه و الفحوصات وصلت 400 دينار !!

الولاده عيل كم ؟

والله ميزانيه !

شنو لازم آكل ؟

في دوا معين لهالحاله ؟
يعني الاجهاض ؟

متى انظف؟

امس انا طلعت من المستشفى احس وايد خف الدم وايد و الحين انا في بيت ابوي
الدكتوره تقولي بس ينقطع الدم تكونين تمام يعني ما في شي يمنع الجماع بس امي تقول لازم اقل شي 15 يوم ( من وين لها الخبره ما ادري اعرفها كله من تجارب رفيجاتها)
و انا خايفه ما ابي احمل على طول ابي شهر شهرين اريح

متى ارجع شقتي ؟

انتو من تجربتكم شنو تنصحوني ؟

والحمدلله مره ثانيه

الحمدالله يا عيون والله كنت احاتيج وانا اتابع مواضيعج

الله يعوض عليج

السلام عليكم ورحمة الله وبركاته
اختي حمدلله على سلامتج ومعوضه خير انتي الحين تعتبرين نفاس وصح كلام الوالده الله يخليها لج واللي عليج انج تسوينه انج تاكلين ادوية النفاس وكل شي يخص النفاس وسلامتج

قطوووووووه فديتج ما تقصرين

و ان شاء الله ابشرج بحملي قريب

حزينه مشكوره ياقلبي عالنصيحه يعني 15 يووووم
بنات ابي برنامجكم شنو؟

حمدلله على سلامتج
ومعوضة إن شاء الله

الحمدلله على سلامتج … قريت موضوعج الاولي و كنت احاتيج ..

الحمدلله عالسلامه والله يعوضج بتوأم يارب

الحمد لله على سلاامتج صح كلام امج واهتمي بنفسج نفس النفاس بالضبط

والله يعوضج يارب

الحمدلله على سلامتج , و عسى ربي يعوضج بالخير. انا نفسج اجهضت بالبيت بس ماحتجت تنظيفات, راح تعيشين صدمه و حاله نفسيه قوي قلبج. انا خذيت لهوم و تمر برشاد و شاي زعتر او دارسين و نظفت 20 يوم تقريبا. بس رحت حق كذا دكتوره كلهم منعوني احمل لأن بطانه الرحم كانت وايد سميكه للحين على وضع الحمل لازم جسمي يرتاح 3 أشهر و خلال هالاشهر استمريت عاللهوم وقت الدوره . الحمدلله الحين انا حامل بس وايد اوسوس. الله يتمم

الحمدلله على السلامة
و الله يعوضج ان شاء الله

لا حبيبتي انتي جنج نفاس ،، اكلي ادويه ودفي نفسج ولا تروحين لبيت ريلج قبل عشرين يوم او شهر ، العوار الرحم يتعب فيه حييييل مو مثل النفاس الله يعينج لازم تدارين نفسج عدل

على قولتهم تعتبرين نص نفآس ..
يعني من اسبوعين لـ 20 يوم تصيرين حآلج حآل النفآس ..,
وحمدلله عالسلآمه .. بس فعلآ المبلغ مبآلغ فيه شدعوه 400 على تنظيفآت ويوم بالمستشفى ..!

الحمدالله على كل حال
الله يعوضج
اهم شي ديري بالج على نفسج و اكلي اكل حار و شربي اشياء دافيه ولا تنسين الحسو

وحاولي تمنعين الحمل 3 او 4 شهور علشان ترتاحين و تستعدين

الله يسلمج يا قلبي الله يعوضني ان شاء الله الحسو ما اعرفه و امي و خالتي ام ريلي يابولي لهوم و مردود و شاي اعشاب !

الله يسلمج ياقلبي

[QUOTE=LuLiTa;26420104]الحمدلله على سلامتج … قريت موضوعج الاولي و كنت احاتيج ..[/QUOTE ]

الله يسلمج يالغاليه
عساج ما تحاتين غالي يارب

يارب يارب انت قادر على كل شي يارب توم بنت وولد

بعد عمري والله الله يتمم عليج يارب حملج و تبشرينا بولادتج طفل سليم معافى بس ارتاحي و لاتجهدين نفسج ولا توسوسين وايد

صراحه انا من ناحية الصدمه حدي مصدومه و النفسيه من اول ما عرفت ان الجنين ميت و انا نفسيتي تعبانه بس الحمدلله

الله يسلمج يالغاليه و الله يعوضني و يعوض كل محرومه

صراحه وايد يعورني ظهري و بطني يلويني

جزاج الله خير عالنصيحه يالغاليه

شفتي اشلون !! يعني مو انا بس استغربت !! حتى انا اللي ما ادقق انتبهت حق هالسالفه وايد 400 يعني اغلى من الولاده الطبيعيه و غرفتي عاديه يعني مو مالت استقبال ولا فيها فخفخه !
غير جذي انا عندي ملف و الدكتوره اراجع عندها

صراحه ودي اعرف اسعار المستشفيات الثانيه بس عساني ما احتاج لها مره ثانيه

الحمدلله على سلامتج
و ارتاحي و شربي دافي و مثل النفاس حسو و مردود و لهوم و شوربات و عصيده و ديري بالج من الهوا البارد
و أجلي الحمل شهر شهرين لمن تعرفون اسباب موت الجنين و تسوين فحوصات شامله احسن لج