متى تاخذ الحامل فيتاميناتها؟؟

السلام عليكم..
خواتي بغيت اسالكم انا صارلي اسبوع وقمت اكل فيتامينات برقننت بلان وفوليك اسيد وبقالي اسبوع على ما اشوف اذا انا حامل ولالا..

فا هل الفيتامينات تضر الجنين لو صار في حمل اذا كليتهم ولالا في اول شهر ؟؟

شدعوه بنات 5 مشاهده ولا وحده ردة؟؟

نبي خبرتكم..انا اذكر باول حمال حقي باول شهر صارلي 4 اسابيع عطتني فيتامينات وفوليك اسيد ..فا في بنات خرعوني لما سويت سيرج يقولون مايصير..لازم فوليك اسيد 3 شهور الاولى وبعده تاخذين فيتامينات؟؟؟

انا خذيت الفولك اسيد من عرفت اني حامل واصلا تاخذها اللي تبي اتحمل قبل الحمل واتساعد عليه

انا الدكتوره كتبتلي برقنا بلان اول ما حللت و طلعت حامل من اول شهر بديت اخذهم ما خذيت الفوليك اسيد
واصلا البرقنا بلان تاخذينهم قبل الحمل واثناء الحمل وبعد الحمل عادي ما يضر

اممممممممممممممم
امممممممممممممم
مادرررررررررررررررري

عادي انا قبل الحمل بشهرين اخذ فولك اسد وبيبي اسبرين ولمن حملت كملت عليهم برقنا بلان

انا من لما عرفت اني حامل اكل الفوليك اسيد ولما راجعت دكتورتي بأول مراجعه وصفتلي برقنا بلان
بس امي قالتلي اخلي برقنا بلان ما آكلها تقول من عرفنا الحمل والولاده ماشفنا هالحبوب ولا عرفناها وتقول ان هالحبوب تكبر الجنين حيييييييييل وتخليني اولد قيصري وانا والله سمعت كلام امي اهي احسن من احسن دكتوره بالكويت

انا اكل فوووليك اسد ، ومثبتات الله لا يحدج عليها

انا الي اعرفه ان الفوليك اسيد اول ثلاث شهور وبعد تقدرين تاكلينهم قبل الحمل والبرقنابلان من الشهر الرابع بس في دكاترة يعطونه من اول شهر سإلي دكتورتج احسن

حبيبتي اللي تقول البرقنا بلان يكبر الياهل حيل وممكن يخليج تولدين قيصري ترى مو صحيح
انا من اول شهر اخذ البرقنا بلان وولدت بنتي وزنها 2,750 وكل اللي اعرفهم نفس الشي اكبر ياهل نزل منهم وزنه 3 ونص
واصلا في دكاتره ما يوصفون الفوليك اسيد بس برقنا بلان ودكتورتي منهم
الياهل يكبر حسب تغذية الام و طبيعة جسمها في بطن يربي و بطن ما يربي وكله كتبة الله تولدين طبيعي والا قيصري
بالعكس انا اشوف هالحبوب وايد مهمه للحامل لانها عباره عن حديد واشياء ثانيه
وسامحيني اذا ضايقتج بس حبيت اقولج اللي اعرفه

والله مادري بس الي اعرفه فولكس اسيد في الاشهر الاولى بعدين الرابع برقنت بلان

بعد قلبي ما قصرتو..انا اليوم بس كليت برقنان بلان لان كاتبين عليهم(قبل الحمل واثناء وبعد الحمل) ممكن تاكلينهم..وفيه نسبة 1 مل غرام فوليك اسيد وقطعت الفوليك اسيد الي اخذه لان فيه 5 غرام الله يعز الحكومه يوصفونه بالمستوصف حق الحامل..فا خفت ترتفع نسبة الفوليك فا تركته وخليتني على الفيتامينات والله يكتبلي حمل لاني قاعده احس بالاعراض من افرازات عزكم الله وتصلب الصدر ونوم

اابرقنا بلان عادي تاخذينه قبل الحمل لان عالعلبه كاتبين before , during , after pregnancy

يعني قبل وخلال وبعد الحمل يعني عاادي .. بس الفوليك اسيد تاكلينه اول ماتعرفين انج حامل ..

هذا اللي اعرفه

اللي أعرفة ان ما يفضلون فيتامين اول ٣ شهور لان في فيتامين a و هذا اذا زاد ممكن يسبب تشوهات اسم الله عليكم ، أنا دكتورتي قالت لي حتى جزر و جبدة ماكو لان فيهم وايد فيتامين a