احساسي اني حامل بس التحليل سلبي

سلام عليكم بنات
موضوعي اني حاسة اني حامل: اييني حارج و لوعة بعد الاكل او اذا مو ماكلة تلوع جبدي من ريجي, متغيرة علي روايح كلونياتي و كريماتي, وريحة ريلي , صايرة وايد انام و اييني عوار و نقزات تحت البطن و الحوض و الصدر يقزز, اخر دورة 22-2-2011 يعني متأخرة علي.

حللت تاريخ 25 و 28 مارس تحليل منزلي اول ما قوم الصبح كله ماكو نتيجة.
قبل فترة و حملت و الله كتب يطيح بالثاني و كان تحليلي مايبين بالبيت بس بالهرموني طلعت حامل فالحين متخوفة يكون لا سمح الله حمل ضعيف شسوي؟

اسوي هرموني ولا تو الناس؟

سوي تحليل دم يبين اكيدواتوقع والله اعلم اانج حامل الله يرزقج

الله يرزقج انشالله وتبشرينا انج حامل
سوي تحليل دم وانشالله خير
والاختبار المنزلي عادي وايد يغلط

سوي تحليل دم .. و انشالله حامل .. و ليش تخافين اذا الحمل ضعيف بالعكس علشان بسرعة تروحين تاخذينلج مثبتات ؛)

روحي سوي تحليل دم اذا مابين سوي تحليل هرموني في وايد بنات ومن ضمنهم ارفيجتي ما يبن عندها الحمل الا بالتحليل الهرموني روحي عشان اذا في حمل يعطونج مثبتات وان شاء الله حامل وتبشرينا يا رب

الله يرزقج بالذريه الصالحه

حبي فكي عمرج سوي تحليل دم
وان شاء الله يارب تكونين حامل وتفرحين بشوفته

ماقصرتوا و عسى الله يصلحكم و يصلح عيالكم و ازواجكم حبايبي بروح الاسبوع الياي المستشفى و للعلم شربت دارسين و زنجبيل قبل موعدها بس مانزلت . الله يستر و يرزقنا بالي نبي

تحليل الدم يبين أضمن
و تحليل البيت ترا نطري عليه 5 دقايق
مرة سويت و طلع مافي شي و قطيته بس مو مصدقة حاسة إني حامل
قمت رديت شفته ولا في خط وردي خفيف و طلعت حامل

سوي تحليل دم احسن وتطمني

لا مو تو الناس على الهرموني بالعكس الهرموني يبين لج لو حامل باسبوع بس
وقبل الدورة

انا سويته قبل الدورة بـ خمس ايام و بين معاي نسبة الهرمون وقتها 60 الحمدلله

سوي هرموني و توكلي على الله بإذن الله مضمووووون لو قال صفر يعني مافيه واذا اكثر احتمال كبير حامل

والله يرزقج يا رب باللي تتمنين حبيبتي

سوي هرموني وراح يبين معاج بسرعه
وياااااارب تكونين حامل

بتوكل على الله و احلل وانشالله ابشركم اذا كنت حامل، واذا مو مكتوب لي حمل خيرة عشان ولدي الحواس الله يحفظه

تسلمووووون عالردود

ححلي هرموني اذا عارفه ان دمج مايبين بسرعه ولا تحاتين لو حامل وضعيف جان ما تتنسين