شي غريب صار وياج عقب الولاده على طول تعالي قولي لنا

وحده قريبه مني حييييل صار لها شي غريب مو عارفين شنو السبب احيانا نقول من الكمام واحيانا نتوقع شي نفسي .. والله اعلم ..

الله يسلمكم من اول يوم ولدت فيه وكانت تقول انها ماتحس برجولها للحين مع انها ولادتها ما كانت ماخذه فيها ابرة ظهر والحمدلله طبيعي بس الي فهمناه ان الكمام ظل معاها تقريبا 5 ساعات وعقبها نامت شوي وصحت ماطولت بعد الولاده والتعب مانامت شي عرفتوا يادوب ساعه او اقل وعقبها ثاني يوم كان استقبالها وهي ماكانت صوب الناس بس منسدحه وتشوفهم يتحركون وتكلمهم بس لحظات وتفصل عنهم تروح عالم اخر بس كل هذا وهي واعيه مانامت الليل كله والبيبي على فكره مو عندها عند النيرس وثالث يوم طلعت بيتها وهي للحين مو نايمه شي من يوم ولادتها يادوب نص ساعه بسسس ومن رجعت وبان عليها كل شي عدل مو قادره تمسك بنتها مو حاسه بشي من جسمها تمشي شوي شوي تتحرك شوي شوي تتكلم بس مافي احساس الماي حار يحوشها ماتحس فيه والبارد نفس الشي حاولنا نغزها بابره دبوس ماحست فيها ؟؟؟؟ وضعها حييييل محيرنا وللحين مانامت شي كلمنا الصيدلي وخذينا حبوب اعشاب منومه كلت 2 قعدت اربع ساعات مافي نوم فجأه تقوم من بيننا تقول انا بروح بطلع خلاص بس وجنها بتتطلع من البيت عرفتوا شلون تغيب وياحياتي تطالع البيبي وتقول حرام ماعندها ام خلاص والله تحطيييم لاخر درجه البنت تقول اروح الحمام بس لاني خايفه ما احس بنفسي !!! الي فيها شي غريب ماعرفنا شنو حله؟؟

وديناها الطبيب قلنا ابره منوم ترتاح لانها 5 ايام مو نايمه غير ساعه ومفرقه البنت جنها مهلوسه عطوها الابره شفناها جنها نامت طلعنا وثاني يوم اكتشفنا انها صحت عقب 3 ساعات وردت على حالتها ..

مريتو بهالشي تعرفون احد مر بهالشي تكفون نبي نعرف شنو الموضوع وشنو السبب وشنو يكون الحل ..