|
|
أبي أسألكم عن المجلس الطبي للحامل
آنا بآخر السادس وقبل أسبوعين صار معاي نزيف والحمدلله
وقف الحين لأني ريحت بفراشي وأخاف أداوم وأتعب
وينزل معاي دم مره ثانيه
خائفه من الولاده المبكره لا سمح الله
عفيه شلون آخذ اجازه من المجلس الطبي؟
لازم اطلبه من الروضه أو اروح على طول للصباح ؟
ويصير يعطونياها للولاده إنشاءالله ؟!!!!
وإذا رفضوا يعطوني إجازه عااااادي اصكها طبيات للولاده؟؟؟؟؟؟
أو يفصلوني ؟؟؟؟؟؟ ( والله خايفه )
آسفه أزعجتكم بقرقتي بس مالي غيركم خوات
و لمن تروحين موعد اللجنة اخذي طبياتج خل يعتمدونها
بس بالواسطه كل شي يسير
اخذيه للمنطقه ويحتاج توقيعهم بعدين لمستشفى الصباح عشان تاخذين موعد ويفضل ان زوجك هو اللي يراجع
عشان ماتتعبيين
واذا تقدرين حاولي تداومين لين موعدك لان احتمال يطول لان بعد 15 يوم طبيه يبدا الخصم من الراتب
واعتماد الطبيات صارت صعبه مايعطونك من المنطقة ورقة اعتماد الطبيات الا اذا كانت عندك اجازه مرضيه لمدة
اسبوعين ( متواصله )وحتى المستشفيات الخاصه مايعطونك الابدخول المستشفى اما المراجعات العاديه ثلاثه ايام بس
اتمنى اني افدتك ومابي منك الا الدعاء ان الله يسهل علي ولادتي ويتكرمون المجلس الطبي علي ويريحوني اخر شهر
لاني على موعدي بدخل التاسع 
، المطلوب:أول شيء تطلبين تقرير بحالتج من الدكتور إلي تراجعين عنده ثاني شيء تاخذين لامانع من الناظره إذا كنتي مدرسة وبعدين تروحين قسم الإجازات بالمنطقة التعليمية وتعطينهم اللامانع مع صورة التقرير الطبي وهمه عليهم الباجي وعقب ماتخلصين من المنطقة التعليمية تروحين مستشفى الصباح مبنى المجلس الطبي إلي يكون مقابل التغذية مادري أذا ادلينة … هناك تقدمين كتاب المنطقة التعليمية إلي راح يعطونج إياه ويقولولج روحي مبنى (حديثي الولادة)هناك يعطونج موعد للمجلس الطبي
أدري حستج بس هاذا إلي مريت في بس بعدين ارتحت … ألزم ماعليج صحتج وإذا على اللوية والتعب يصير زوجج يسوي كل هذا مو شرط إنتي.
اقدر اقدم مره ثانيه يا ربي ااحاتي يا ربي
انا جربت اني اخذ طبيات حكومه وخاص لما ولدت وبديتهم من اخر السابع