|
|
السلام عليكم 
بغيت اعرف منو جرب ابره الرئه وهل اهيا تخلي الوحده تكمل شهرها وتطول انا بعد يومين ادش الاسبوع 36 وعندي طلق والرحم مفتوح وانصحتني الدكتوره اخذها بس اللي اعرف انه بالاسبوع 34 تكتمل الرئه شنو رايكم
ما عندي فكرة الله ييسر لج أمورج وتفرحين بشوفة ضناج بصحة وعافية ياااااااااااااااارب
اي انا ختها 4 مرات بعيالي واهي تخلي الرئتين تشتغل وقت لاسمح الله انولد البيبي مبجر بس الحمد لله انا اصغر واحد من عيالي ولدة
بالاسبوع 35 والحمد لله طلعوه ماحتاج للحضانه
بالاسبوع 35 والحمد لله طلعوه ماحتاج للحضانه
حبيبتي انا عطوني ابره الرئه علشان البيبي لان ولدت باخر السابع اول الثامن هالايام يعني وقالو علشان تفتح رئه البيبي ويقدر يتنفس
الي يعطون هالابرة الحكومه بس
انا ماخذيتها ولا مره والحمدالله ماكو الا العافية
انزين حبايبي اهيا بس مره وحه تناخذ وتاثر انج تطولين بشهرج
انا ما اذكر صراحه ناسيه هالشي
يفيدونج البنات ان شاء الله
هلا اختي انا توني ماخذتها اول مادشيت الثامن11 الشهر لان عندي قبل ولاده مبكره والافضل انج تاخذينها وماتاثر ان شاءالله حتى لو كملت اشهرج والله يتمم عليج وتولدين بالسلامه
حبيبتي انا ماخذتها بشهر السابع معطتنياها دكتوره ماجده اليتامي
حبيبتي عادي تاخذينها
انا اخر حملتين كله اولد مبجر في الاسبوع 35
و طريقتها تاخذين وحده و بعدها ب 12 ساعه تاخذين الثانيه بنفس وقتها
يعني لو ماخذه الساعه 10 الصبح لازم يعطونج مره ثانيه الساعه 10 بالليل .
و تاخذينها عشان تتفتح رئه البيبي و يصير عاذي يطلع قبل التاسع
و في بعضهم ما يحتاجون حضانه .
و ربي يتمم حملج و تولدين بالسلامه
موفقه
انا عطونياها دار الشفا مرتين الصبح وبالليل علشان كنت حامل بتوم واحتمال تكون ولادتى مبكره وفعلا ولدت اخر الثامن
للرفع
مشكورين علي الردود بس جم سعرها