|
|
بنات خل الي خبرة بالولاده وفيهم الشجاعه اعلمونا اول بوادر ان خلااااااص قرب قرب طبعا الولاده وياج الطلق شنو اتسون او تشربون عشاااااااان يحمى وتروحون المستشفى ولا قايلين لكم ماما انتي 4 او 5 او6 سانتي بليز ردوووو.
ومن الخرعه خفت اشوف شنو اهوا وتميت ساكته وحسيت مره ثانيه في شي ينزل عزكم الله
ومن الخوف ماشفت شنو
وبعدها قمت احس بعوار بظهري يمسك فيني دقيقه ويروح عرفت انها صاااااااااااااااارت
وقمت من فراشي بسرعه ولبست عبايه بس وكان برررررررد ومطر
وانا وريلي ركض على المستشفى والطلق كان ايني كل خمس دقايق بسياره
ويوم رحت المستشفى عرفت انه الجيس انبط عندي
وقام ايني طلق حامي وعلى طول فحص ونزلوني الولاده
الدكتور قالي 4 سانتي ودوها غرفة الولاده
وانا ويهي صار عليه علامة استفهام لاء لاء دكتور الله يهديك موجذي بسرعه مهدولي الموضوع وانا بجر
واشوقهم ينزلوني غرفة الولاده ومنظر باب غرفة الولاده وممنوع الدخول لاءءءءء موصج احس كنت مستانسه على خايفه لاني اقول واخيرا بشوف بنوتي حبيبتي
والحمد الله ولدت بسلامه
بس انا سمعت تجارب وايد بنات ايهم طلق خفيف بالبيت
يروحون ياخذون شور وينظفون المنطقه عدل ويزهبون جنطتهم ويروحون المستشفى
والله يسهل على الحمل بنات المنتدى
ولادتي الاولى ببنتي جاني الطلووق وانا مآأدري انه هذا الطلووق وقعدت واستحملت العوااار وشربت دارسين ورحت بنام ولا العواار حييل زاد علي وقمت ابجي وحسيت اني بروح الحمام تكرمون ولما قمت من الفراش ولا نزل مني ماي الجنين وعلى طوول عالمستشفى وفحصوني ومفتوح الرحم 4 سانتي ودخلوني ولاده
وولادتي الثانيه كانت العام
خلصت شهري وماجتني بوادر الولاده مااحس لابعوار ولااا شي
ورحت موعدي وفحصتني الدكتوره والرحم بس مفتوح 1 سانتي عطتني موعد ثاني يوم الصبح عشان تعطيني تحاميل فتح رحم وطلق صناعي
ولما رحت ثاني يوم فحصتني ولا الرحم مفتوح 4 سانتي وعطوني طلق صناعي وولدت
وولادتي الثالثه
شربت الخرووع وجاني طلوق بس كان بارد وشربت زنجبيل زاد العوار ولما رحت المستشفى عطوني طلق صناعي ودخلوني ولاده ورحمي مفتوح 3 سانتي
يعني الشغلات اللي تحمي الطلق عندي الدارسين والزنجبيل والخروع مانفع معاي بثاني ولاده بس نفعني بثاني ولاده
ماعندي خبره بس ان شاء الله يفيدونااا
انا اتمنى اروح المستشفى ويقولولي 5
رحت المستشفى
كشفيات ماكشفيات وتحريض
بدى معاي الطلق ..