حمل بالغربه !!

سلام بنات شلونكم شخباركم ..

بنات حبيت اخذ رايكم شرايكم بالحمل بالغربه و بعيده عن اهلج و تدرسين وباجيلج 4 سنين دراسه ؟!!

واللي تعرف احد حمل واهيه تدرس وبغربه عفيه تفيدني .. انا حيل محتاجة رايكم .. شلون التعب و الحمال والنساة ؟!!

وبعدج عن اهلج وامج ؟!!

عفيه بنات فيدوني .. يزاكم الينه ان شاء الله

شدعوه بنات ..

ليش ماتردون علي :s

رفع
رفع
رفع

لأحلى صغيرووووووونة الله يرزقج بالذرية الصالحة يكونون بصحتهم وعافيتهم يااااارب

انا ماجربت بس احس وايد وايد وايد صعبه بروحه الحمال صعب نساة ولوعه وثقل بس فتره وتعدي

بس اذا يبتي الياهل يبي له مجابل من قلب راح يلهيج عن دراستج

هذا رايي و الله يوفقج يارب

الله يهون عليج معليه يلقلبي اعتبريه جهاد وصبري نفسج واحتسبي الاجر

بعد عمري زهووووره ماقصرتي يا عمري ..

بعد عمري تسلمين عالدعوه الحلوه مثلج .. يارررررب الله يسمع منج .. حبيبتي انتي الله يوفقج دنيا واخره وينولج اللي فبالج ياااارب ..

اممممم نفس راي اهلي .. تسلمين حبيبتي عالرد .. ماقصرتي

حبيبتي مشكوره ماقصرتي .. الله يكتب اللي فيه الخير يااااارب .. انا احاتي الياهل بعدين شلون اذا انا اداوم وادرس والياهل اول الاشهر ماينام عدل ومادري شنو خايفه وايد من هالسالفه وامي ابيها يمي وقت ولادتي .. فما ادري الله يكتبلي اللي فيه الخير ياااارب

حبيبتي انا اقول صعبه ,., بعيده عن اهلج ومثل ما قالو لج الياهل يبييله امجابل ,., احنا اهني بالكويت ندرس وانحمل ونولد تطلع روحنا

حبيبتي انا حملت بالغربه بس بالنسبه لى كان حملي وااايد سهل وخفيف حتى ناستي واللى يساعد اكثر ويطمن انج بتكونين تحت اشراف ناس فاهمه وحريصه على استقرار وضعج بفتره الحمل بس اللى شوي يتعب بعد الولاده وضع يديد وسهر مع البيبي بس هم خلال هالفتره كانت الدكتوره تتصل بريلي ويوصونه على وانه لازم يراعيني اكثر لان الام تمر بفتره يسمونها اكئتاب مابعد الولاده فحتى بهالفتره كانوا يتابعوني بس بشكل عاام وايد اريح واحسن من الكويت

اب
اب
اب
اب
اب

عادي حبيبتي شنو المشكله !

ترا عنااااااااااااايتهم تهبل وولادتهم رووووووووووووووووعه

ياربي يهون عليييييييييج

شوفي لو كنتي بس مرافق لزوجج وماعندج دراسه من كلللل قلب اقولج سويها وحملي واولدي برا لان صج صج عنااااااااااايه مابعدهااا عناايه بسس بما انج تدرسين لا واايد صعبه منو بيمسك الياهل واذا سهرتي وياه بليل شلون ودوام الصبح وشغل البيت وريلج مادري موجود ولا تدرسين بروحج؟ منو بوديج الطبيب انا اشوف اذا امج تضمنينها تيي تقعد معاج فتره طويله يعني شهرين عالاقل في احد يمسكه الصبح بس بروحج لااا صعبه حبيبتي اعرف وحده حملت وولدت علبو عادي وتضغط على روحها ماقدرت وقفت قيدها كورس

ثانكيو بنات اللي رديتو علي ..

ماقصرتو

اختى ماقدرت تكمل دراستها ..دراسه وحمل وغربه صعبه حيييل.

حبيبتي نصيحه مني كلش لا تفكرين بالحمل الحين ..
شوفي انا ادرس بره بروحي و ريلي بالكويت و هالسنه اخر سنه حقي الحمدالله و حملت و ولادتي راح تكون شهر 12 و ريلي واهلي كلهم بيكونون موجودين يعني حزة ولادتي
و امي بتقعد عندي شهرين و عقب البيبي بيرد وياها الكويت و انا على شهر 4 بكون متخرجه ان شالله .. يعني وضعي غير عن وضعج
بس حدي حدي تعبانه نفسيا بشكل ما تتصورينه .. صج انه رفيجاتي معاي و مو مقصرين بعد عمري بس الوضع بيكون غير لما تكونين حامل بين اهلج و بديرتج

يعني اوكي انتي صح ريلج معاج بس انتي بغربه و راح تتعبين وايد بروحج و خصوصا انج للحين تدرسين و بعدين انتي جدامج اربع سنين دراسه و ريلج بعد يدرس فا وايد راح تتعبين ويا البيبي .. و صدقيني %100 مارح تقدرين توفقين بس دراستج و البيبي و انتي بالغربه .. و حرام تتغربين و تضيعين سنين من عمرج بالغربه و اخر شي ما تقدرين تكملين دراستج ..

حياتي حاسه فيج وربي أنا بغربه وهذا اول حمل لي ونفسيتي زيرو دوام ونسات وغربه ربي يسهل علينا يارب