اهميه ابره الرئه

شلونكم بنات

بسالكم عن ابره الرئه يقولون يعطونها حق اللي فيها توام

ياليت اذا احد يعرف عن هالموضوع

اي حبيبتي لازم تاخذها لانه متوقع ولادتها مبجر ..
انتي سئلي دكتورتج متى تاخذينها ..
اللي اعرفه بداية الثامن ياخذونها ..

موشرط للحوامل الي فيهم توأم
حتي الي يولدون ولاده مبكره

علي حسب حاله الحامل ووضعهااااا

اي ابرة الرئة للولادات المبكرة واهي تحتوي على كرتزون يساعد رئة البيبي على الاكتمال عشان مايحطون البيبي بالشيشة فترة طويلة أو مايحطونه كلش
عادة يعطونج اياها قبل موعد ولادتج باسبوع

مو شرط حق اللي فيهم توم حتى اللي عندهم ولادات مبكرة واللي حالتها ريسك او خطرة يعني ف اجهاضات من قبل بمعنة ثاني حق الحالات الخاصة اكثر شي واتوقع تقدرين تطلبينها ويصرفها لج الطبيب اذا بغيتيها هي ابر كرتوزون جرعتين كل 24 ساعة

حبيبتي مثل ما قالو البنات مو شرط توم يعني انا كان وضعي طبيعي وكلشي اوكي بالاسبوع 34 يعني بالثامن يتلي طلوق رحت الطبيب بنفس اليوم وغزوني اياها على جرعتين وعقب جم يوم ولدت والحمدلله بنتي ما حتاجت الشيشه لو مو غازتها جان حطوها بالشيشه

thnx