|
|
السلام عليكم …
خواتي انا الحين بشهري التاسع
واداوم بمعهد خاااااايس الله لا يوريكم اقعد من صباح الله عشان الزحمه والجو لا يعلى عليه بصراحه
واول ما اوصل المعهد …. للاسف ماكو مصاااافط وقاطينه بين برااااحه عووووده وحولينها عماير بحولي
ولا ازيدكم من الشعر بيت….المصافط فووووووول والريايل مخوووزز بالبنات هناك يخرعون …بالغصب اطلعين مصفط المهم اصفط بعيييد واروح لي باب المعهد مشي
شسوي بعد؟؟؟؟ واول ما اوصل الاقي الأصنصير طاااااااااااااااابووووووووووووووور
على ما يوصل دوري الا حضرت الأساتذه بيقولون لي غياب وعدت الساعه ومن هالحجي…فأضطر اني اصعد الدري والله لا يوريكم الدور الثاني والله تعب يهد الحيل ونظام المواد من كلاس لي كلاس تنتقلين….يعني العبو بأعصابي مره فوق مره تحت مره بالدور الثاني …ولا الأساتذه منفسين مادري على شنو عشان ما راح يسافرون الظاهر!!!! خو العطله قربت
المصيبه ان يستلمون معاش ما يحللونه اففف …
ليلحين ما خلصت تدرون الحامل لازم كل شوي حمام…ولا بالتاسع…انا اعترف والله على طريييييف واسويها عزكم الله…وما اقدر امسك نفسي بسرعه انحسر وامي قالت لي هالشي طبيعي لأني بأواخر الشهر
تخيلو ان الأستاذ يقول ما ينفعش كل شوي تخرجي من الحصه!!!!نعم اي شي؟؟؟ استحي عاد انا…
ولا الطامه الكبرى لمن الاوح الحماااام …يلق لق من النظافه مابي اوصف اللي اشوفه حشى مو معهد بنات .. حته الروضه ابرك منهم…وتخيلو الماي بالحمااام يصلخ يعوووور ما اقدر اغسل بالغصب….تعبت والله تعبت…..gif "Eh S(2)")
وتدرون شاللي يقهر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وحده معاي بالكلاس تقولي انا متزوجه ريلي يقومني من الفراش مالي خلق اقوووم واداوم اول اسبوع كله غياب وسكوني انذار اول والثاني بالطريج انتي حامل شلووون اداومين ؟؟؟
وي وي وي….اعوذ بالله…انا انصدمت يوم قالت جذي رفيجتي ردت عليها تقول قولي ماشالله..
وان يا حسرتي جنه احد معطيني كف… ما اعرف اقولها قولي ماشالله
ويوم التسجيل كان تعب ولويه وروحي وتعالي وصعدي ونزلي
انا احوووس وفي بنات معاي قاعد يخلصون شغلهم وفي بنات خلصو قاعدين
يوم رديت البيت ولا يوصلني مسج من رفيجتي…وتقولي :شلونج شخبارج؟؟ومبروك عالحمال
رديت الله يبارك فيج..جان اتقولي بالمسج اللي وراه انا بنصحج لأنج اختي وتعزين علي…قلت لها شنو؟؟
قالت عوذي نفسج كل ما تيين المعهد..لأن انا واقفه ولا اسمع بنات بالطاوله شافوج وانتي ماره ولا يقولون :هاذي صغيره وحامل واحنا بعدنا ما تزوجنا….امبييييه انصدمت و وريت ريلي المسج حته ريلي انصدم حيييل
وبالتالي يا خواتي شحصلت ؟؟؟
والله العظيم
اني مرضت وفجأه جسمي كله يعورني ماني قادره اتحرك ويوم ريلي رد من الدوام شاف حالتي انصدم قام طار فيني الطبيب
ولا الدكتور يقول فيج سخونه وحرارتج مرتفعه..وفوق هاذا الله يبعد عنكم الشر صار فيني عزكم الله التهاب بالبول
قعدت بالمستشفى وتحاليل وحالتي حاله وعطوني درب ومضاد حيوي وانا لا تشوفوني جثه مو قادره اتحرك احس جسمي كلللله يعورني ودوووخه امي ماتت من الخرعه يوم درت وصارلي 4 ايام عالحاله طلعت نتيجة التحليل عاد الدكتور قالي سوينا التحليل عشان انعرف نوع البكتريا اللي فيج ونعطيها الضاد الحيوي المناسب له وهذي البكتريا خطر هالطفل…فلازم استمر عالأدويه والحين مو قاعده اداوم وصكيت فوق 10 غيابات
في بعذر وفي بدون عذر …ولي 15 يوم
انزين ولمن اولد قالو لي لج اسبوع فقط…انزين وانا بفترة النفاس يعني اداوم؟؟؟ ما اقدر والحل يا خواتي فيدوني…
انا مابي اضيع الكورس علي والغلط من الهيئه ما خلتنا انداوم الا بعد ما الناس عطلت شنو هذا ؟؟؟
شسوي تكفووون ابي حل ؟؟؟؟
انا حملت مرتين وانا بالمعهد والحين انا بالتاسع توني تخرجت والحمدلله جيت نسبه حلوه
وانا شطووول بطني ..
وعندي ميداني الاسبوع الجاي وازيدج راح اولد بالميداني والميداني الغياب فيه بعذريخصم عليج باليوم 3 درجات
يعني خمس ايام واداوم بهالحر والخيسه …
اللي عنده طموح وحاب يخلص مايهتم لهالاشياء
واذا كلش موقداره وقفي قيدج
اهم شي بهالوقت صحتك وصحة البيبي وبخصوص الدراسة ان شاء الله كله يتعوض بعدين
وارقي نفسك دايما واقري المعوذات والله يحفظلك حملك ويتمملك على خير
منو اهم صحتج ولا دراستج ؟
الله يسهل عليج وماتشوفين شر
انا كان فيني التهاب بول وخذيت تحاميل كانستين وكثرت من السوائل والرقية والحمدلله راح..اقولج شي ومابي اخرعج وااايد يقولون ان التهاب البول عيييييين
سلامتج كله اجر انشالله
سلامتج كله اجر انشالله
من البيت واقري المعوذات عشان ربي يحفظج من اعيون هالمشفوحات واقري على بطنج بعد
اما الدراسه اذا انتي تعبانه وقفي قيدج كل شي يتعوض والدراسة مو طاايرة انشاالله عقب الولادة
وعالكورس الياي اداومين وامورج تمشي انشاالله اهم شي صحتج وصحة البيبي وماتشووفين شر ..
سلامتج كله اجر انشالله
يصير في الحوامل دايم اصلا حتي بالبنات شكو عين وهالخرابيط
اذا انتي تعبانة وقفي قيدج والدراسة والكلية كلها تعب اكيد ما كو شي سهل
حملنا وولدنا واحنا نداوم وامتحنت فاينل وانا بالنفاس
ويمكن فيج صخونة عادية كملي علاجج وما كو الا العافية
واذا علي الاساتذة او الدكانرة كلميهم يراعون البعض طبعا
الله يهون عليج
اذا انتي تعببببانه
انا بولدي كنت بالمعهد ووقفت قيدي نزل معاي دم واضظريت اوقف قيدي
لانه اول مولود .. لي
واااااااااااااي الله يكون بعوونج ويقومج بالسلامه انتي والبيبي
