|
|
السلام عليكم بنات
شلوونكم؟
امس كانت مراجعتي و مثل ما تدرون دكتورتي سافرت و بعد استشارات بيني و بينكم رحت
حق الدكتووره دلال السالم
المهم قالتلي الاسبوع الياي فحص داخلي تبي تشوف اذا مفتوح الرحم ولا لا و قالتلي بقيس لج
الحوض انا الصراحه هذا اللي خرعني شلون بتقيس لي الحوض!!
اخاف تدخل ايدها كلها!! اللي عندها فكره عن طريقه فحص الدكتوره دلال السالم تنورني و اللي تعرف
شلوون يقيسون الحوض تطمني لاني خفت بصراحه
و شكرا مقدما..
اهو يضايق شوي
مالج شغل بمبالغه بعض البنات
الحين يخافون الفحص وما يخافون من الطلق و الولاده والتشقق!!!!
مره اسمع بتقيس الحوض بالفحص الداخلي!
شمووخ اي مبين عليها حبووبه و خووش دكتووره الله يسخرها ان شاءالله
وطريقه الفحص انها تدخل اصابعها لعنق الرحم عشان تعرف اذا مبطل عندج الرحم ولا لا والسالفه ماتاخذ دقيقه يعني لاتحاتين وخليج ريلاكس ,,
والله يسه عليج يارب.
وعن الفحص الداخلي خلج ريلاكس لان اذا توترتي وخفتي راح يعورج
واهو اصلا مايعور لان تدخل بس صبعين كلها دقيقه وخلاص
الله يسهل لج ان شاءالله
بس انا لما كنت اطلق يات الدكتوره وحطت ايدها وبطلت صبعينها الي عالاجناب صار شكل حذي /m داخل عرفتي شلون تقول بشوف الحوض هني انا بجيت لاني اصلا كنت خايفه وتعبانه من 14 ساعه طلق ههه وشديت روحي والبيبي صعد فوق وصارت لويه :
فانتي شوفي اهي اول ما تحط صبعها اخذي نفس عميييق وخليج ريلاكس مو زين حق البيبي و مايعور الي يذبح بس الم سخيف واحساس اسخف عرفتي
والدكتوره انصحتني بعد ما ارتفع من الولاده اروح اسوي اشعه حق حوضي عشان اشوف اذا صغير ما اتعب روحي المره اليايه سيده قيصريه بدل ما اتعذب بالطلق ومايفتح الرحم عرفتي
لا تخافين كل وحده تجربتها غير عن الثانيه .. وحده يمكن تحس ان الفحص شي خيال ويلوع الجبد ووحده تشوفه عادي عرفتي
لا تحاتين ماكو احسن من انج تنطرين وتشوفيج تجربتج بروحج 
الله يسهل عليج