القيصريه فيدوني بليييز

السلام عليكم حبيباتي شلوونكم الله يسهل عليكم انشالله الي ماولدت والي ولدت

بنااات بليييز انا عليميه توني والاده قيصريه وعندي اسأله لي راس هههه لانه ماني عارفه ولي عافيكم الي عندها خبره تفيدني

البطن متي يفش
وشنو شي الي لازم اكله والممنوع اني اكله بل نفاس

متي اربط بطني
عادي اسوي حمام مغربي بعد لاربعين

وايي معلومه عندكم فيدوني واكيد في مثلي وايد بيستفيدون

ماااااعرف وان شاءالله البنات يفيدونج وربي يسهل عليييج

الحمدلله على سلامتج حبيبتي انا بطني طول وايد وايد على مافش اخذ جم شهر يا الله فش والصراحه ماربطت بطني لان دكتوري قالي لاتربطين بس سوي تمارين عشان تقوين العضلات وعن الاكل الله يسلمج الفلفل والشغلات الحاره ممنوعه وماتقدرين تاخذين الادويه والحسو الا بد 20 يوم والليمون والبيبسي والشغلات البارده ممنوعه هذا اللي اتذكره الحين

لاتاكليين اشياء تتفخ البطن من الرقي والبطيخ
ولاتاكلين الموز البديان العيين يعني القبوط اكليه بس لاتاكلين العييين
اكلي ادويه النفاس من خامس يوم من الدوره عادي
وانا خذيت ادويه النفاس من الخبيره الاعشاب اللي بالمنتدى عجيبه ادويتها والله
ولاتشربين الحليب لانه بسبب غادزات للبطن واستمري على ادويتج ملوت الطبيب
لاتشربين اشياء بارده شربي ماي عادي بس كل شي دافي شربي شاي اعشاب انا ماخذته من الخبيره الاعشاب
شربي دارسين زعتر
اكلي بيض مفيوح ام مغلي
اكلي خبز اسمر اوتوست اسمر لانه مايسوي امساك
لاتخليين روحج يوعانه موزين اكلي وهم لاتاكليين وااايد اكلي عادي
وبالنسبه حق بطنج من 20 يوم ربطي بطنج فيه جزام من الصيدليه حق البطن ربطيه وانتي حاطته على السرير نامي عليه على ظهرج ولفيه عشان بطنج يدش دااخل عرفتي
ولاتشيلين اي شي ثقيل موززين ديري بالج على الاقل 3 اشهر
ولاتنسين اخذي حبوب مانع من يوم32 او على حسب دكتورتج متى تقولج تاخذينهم
وحطي تحاميل قبل ماخلصين الاربعين ب8 ايام تحاميل البيتادين وحده بليل وحده الصبح لمده اسبوع
حيل تنظف والله
ولاتنسين استخدمي غسول خارجي اتغسلين فيه اذا دشتي الحمام مره باليوم كافي اي غسول مطهر
ويبيلج عقب ماتكملين 21 يوم رداده من عياده زينه وبالنسبه لي انا ايب من عياده مساعد السعيد ادق عليهم من عقب ولادتي بجم يوم عشان احجز عشان عندهم ضغط ولما ايني الدور ويدقون على وايوون طبعا انا حيل ارتاح لهم لانهم مومثل الحريم اللي تلعب فيج وتكسرج ومادري شنو تسوي لانه انا صارت فيني يبت وحده اسمها ام ناادر الله يسامحها العبت فيني لعب
المهم هذي العياده بالعكس يسوون لج مساج ترتاحييين عليه وتعرف حق القيصريه عرفتي وتعطج تمارين اتسوينها يعني والله انصحج فيهم حيل
والجلسه ب20
وبالسبه حق الحمام المغربي عادي سويه قبل ماتطلعين بجم يووم مومشكله بس لاتيي صوب بطنج قوليلها وبس
واي اتفسار انا موجوده وبالخدمه
وانا والده قيصريتين وهذي الثالثه ان شاء الله

بس تكفييين مابي منج الى الدعوه انه الله يرزقني الطفل السليم المعافى الطبيعي يارب يارب يارب
والف مبررروووووك وتتربي بعزج ياربوتشوفينها عرررروووس يارب يارب يارب

الحمدلله علي سلامتج اول شئ ومبروك ماياج
1- الابتعاد عن الاكل اللي فيه وايد بهارات وفلفل والحوامض والنشويات مثل المكرونه والعيش وخليج علي الخبز الاسمر علشان الالياف خصوصا ال 25 يوم الاولي
2- بعد 7 ايام او 10 ابدي شربي شوي زعنتر مراميه بس كوب باليوم
3- خليج علي النعناع المغلي من 4 يوم والشاي الاخضر علشان لايصير معاج غازات وامساك
4- ابدي اكلج بشوربه خضار سواء بالغدا او بالعشا بدون شعريه او قليل شعريه
5 – انا مايبت رداده ولا ربطت بطني وبطني خف بعد 15 يوم ولاده وصار شكله افضل بعد الاربعين يعني ماطولت وايد
6- حاولي تمشين بعد 7 ايام حتى لو بهاز مشي بسرعه خفيفه ولاتهدين نفسج
7- الجرح الخارجي يلتام بسرعه يعني قبل 10 ايام انتي مافيج شئ بس الجرح الداخلي يظل لي 5 شهور رطب فديري بالج من الحركه السريعه من النط وحتى الكحه القويه موزينه للجرح
8- لاتشيلين شئ ثقيل وتدزين شئ ولاتسوين مساج شوفي انا 7 سنين من قيصريتي مااخليت احد مسك بطني
9- لا تحاتين سهاله من رب العالمين بس نصيحه من اخت جربت الامساك وانتى كرامه لاتخلين نفسج ترا يذبح الامساك مع القيصريه
10 – واهم شئ اهتمي بنظافه مكان الجرح يعني الممسحات والمرهم والسبري التزمي فيه وجميع الادويه اللي صرفتها لج المستشفي لين يخلصون او المده اللي كاتبينها لج للاستعمال
انشالله اكون فدت باللي اذكرة

ماقصروا البنات

ماشاء الله كنت بقولج كل اللي عندي بس البنات ما قصروا يعطيهم العافيه

والحمدلله على سلامتج ومبروك ما يااااكم

مشكوووووووورين يعطيكم الف الف عافيه ماقصرتو الله يعطيكم الي بالكم انشالله بحق السميع العليم

وام اميره حبيبتي ممكن رقم العياده

وشاكرتلكم حبي

ماعندي فكره اشالله البنات يفيدونج

اب

اب

انا بطني طول على ما فش
وسويت مغربي بعد شهرين وكنت هم خايفه
نظفي مكان الجرح باستمرار بمره وبيتادن المحلول وايد زين
عشان لا يلتهب عليج لا سمح الله
بالنسبه لي انا ماربطت بطني خفت
والاكل ابتعدي عن الاشياء الحاره كثر ما تقدرين
وان شاء الله البنات يفيدونج اكثر

ماشاءالله البنات ماقصروا

ام اميره شلونج مع القيصريه؟؟

صج كل مره العوار يزيد عن المره اللي قبلها ولانفس العوار ؟؟

انا بجري قيصري والحين مادري حدي محتارة اذا حملت اقولهم لاتحاولون واولد قيصري خاصه اني مافكر اييب اكثر من 3 او 4 يهال ولا احاول واجرب يمكن اولد طبيعي

وبعد ولادتج الاولى يعني بولادتج الثانيه حاولوا معاج وعطوج طلق صناعي ولا مايصير؟؟

حبيبيتي ليش ولوج قيصري نجمه ولدتج؟ يقولون ماقامت تسوي قيصريه ؟
شنو السبب اللي قالتلج عنه لان انا ولدتني وحسيتها استعيلت علي مادري؟؟
والحمدالله عاى سلالالامتج والله فرحت لج حبيبيتي ان الله عوضج ياااربي يخليلج البنووووته وتشوفينها عرووووس
انا عني ماسويت شي بس شربت حليب بالدارسين وماربطت بطني وعقب خمس شهور رجع بطني

هلا تكوره
والله العوار يزيد كل مابطني يكبر عرفتي
انا عقب ماحملت في بنتي الثانيه على طول عطوني موعد عمليه لانه قالي الدكتور ماتقدرين طبيعي لانه فيه خطوره على وعلى رحمي
لاني حملت عقب ينتي الاولى ب6 اشهر
والحين اكيد قيثصريه بعد تحدد مصيري والله كريم الله ياجرني يارب يارب يارب

وهذا رقم العياااده
22666288 حجزي الحين عشان يمديج وادعيلي

مشكورين ماقصرتو ووفا جيكي الخاص رديت عليج