|
|
السلام عليكم ورحمة الله وبركااتة انة محتارة بموضوع الحمل الى جد اشغلنى وايد وكل شهر اتعب اكثر من الشهر الى قبلة الموضوع بختصار انة متزوجة من 8 سنوات وللة الحمد اللة رزقنى بولد الحين عمرة 5 سنوات اللة يطولى بعمرة وخلية لنااطبعا يوم احمل بولدى طبيعى لاعلاج ولاخرابيط المهم بعدة بسنة وشوى تقريباا حملت وبالشهر ال3 طحت وتعورت والحمدالله على كل حال طبعا بعدها قعدت سنتين ماحملت قررت انة وزوجى نشوف طبيب ونعمل فحوصات المهم طلع ريلى عندة لزوجة ودوالى واخذ علاج وللة الحمد بس مو مانع للحمل المهم قررنا نعمل تلقيح صناعى للمرة الاولى واخذت ابر هرمون واغزهم كل يوم الى يوم التلقيح عملتة وماصار حمل بعد شهر رجعت وعملت التلقيح للمرة الثانية وتم الحمل بس شهر وطيحت والحمد الله على كل حال رجعت وعملت تلقيح للمرة ال3 وماصار حمل طبعاا ماستسلمت كملت وعملت تلقيح للمرة الرابعة وهم ماحملت الحين طبعاا انة محتارة ارجع اعمل تلقيح للمرة ال5 او اسوى انابيب عطونى رايكم ؟
و سوي تحليل للاجسام المضادة عشان تشووفين فيج اجسام مضادة اللي تمنع الحمل او تموت الاجنة
و لازم بعد تراجعين عند دكتورة او دكتور
انا بحالتج انصحج بدكتور ماجد الشمري او خالدة المجيبل وايد وايد ينفعون حق هالحالات من بعد رب العالمين
انصحج انج تقرين سورة البقره كل يوم وتتصدقين وتجتهدين بالدعاء وان شاء الله ربي يرزقج من خيره وفضله
وتترسين البيت صبيان وبنات ….. اللهم آآآآآآآآآمين
سوي اشعة الصبغه وبتحملين باذن الله من غير تلقيح صناعي
يمكن يشوفون ان حالتج تحتاج شي ثاني اخاف اللي تسوينه ابر التلقيج مو زينه لج
صج شوي تعب بس الحملله على كل حال
احسن حل غيري دكتورج و شوفي شنو يقول