بنات منو فيكم اتعرف هالمره + سؤال خاص

السلام عليكم

شلونكم بنات عساكم بخير

قربت الولاده وماباجي عليها شي واكيد الغالب محتار ومايدري من وين ياخذ ادوية النفاس

بالذات البجر اتحس نفسها ضاااااايعه ماتدري وينها فيه

سمعت عن مره امدحوها وقالوا انها زينه بس انا ما اعرفها ينقال لها ام نشمي شلون دوياتها بنات وهل في احسن منها؟
ومن وين تاخذون ادويتكم النفاس

الشي الثاني وهو احم احم بقول السؤال وانا امغمضه والله منحرجه

بنات انا بجر ومادري البجر اتسوي تجميلي او لا في ناس يقولون انها اترد مثل اول وفي ناس قالوا العكس ان
المنطقه مدام توسعت صعب ترجع
والله حدي محتاره مادري شنو الصح

فقلت مالي غير خواتي كويتيات يفيدوني بهالموضوع

ما اعرف ام نشمي

بالنسبه للتجميل احس مبجر عليج بجر لان فعلا البجر ترد انا عن نفسي ما سويت

انا اعرف وحده بالرقه اسمها ام بدر الديحاني حلوه حيييييييييييييل كل خواتي ياخذون من عندها

والله احنا مقصه انا ابجري اشتريت من مره ب30 دك وماحسيت بالفرق يعني شنو حلبه وحبه سوده وخرابيط بالعشرات لا وامكن يوصل الاميه
شنو هالفسق

الحين ببطني الثاني خذيت من بو طلال الي يعرض شغله بالجمعيات ورحت محله عطارة الطبيعة الي بالاندلس نظيف وخبره كل شي علي دينار وشويه خذيت كل شي ماتعدي العشره لانه هذا سعره الاصلي

وكله نفس الشي بس الحريم شلون ينصبون علينا بالحجي المنمق

كل الاجانب معتمدين عالطبيعي ماي خضرا مشي وسوائل حاره

حتي خبير الاعشاب الاول بالسعوديه جابر القحطاني يقول عليكم بالتمر والماي وقشر القهوه وبسسسسسسسسسسسسسسسسسسسس لامردود ولا حسو ولابطيخ

نصيحه خلج من شغل الحريم وجربي من شغل الجمعية نظيف وجاهز

اول شي الله يقومج بالسلامه ..

التجميلي لاحقه عليه مو الحين بعد الثالث او الرابع ..

انا نفسج بجر وكنت خايفه تتوسع المنطقه

بس الكل زفني قالو انتي مو صاحيه انتي توج بجر مع الاهتمام يرد كل شي مثل ما كان واحسن لووووووول

انا بقولج نصيحه والله راح تدعيلي استعملي قشر القهوه تلقينه بالعطاره والله العظيم مفعوله مو طبيعي يضوووق المنطقه حييييييييييييييييييييييييييييل ويردج بنت

والاهم من كله هذا يضعف ..

ولاتنسين تحاميل البوثيييييل قنبله هالتحامييييييييييييييييييييييييييل عندي احسن من البيتاديييييييييين

وعن الادويه عندج الطبيخه اشتريها من الحواي مخلطها وخالصه واشربيها بعد الوجبات الثلاث واهم شي اول الايام لين يصير لج 20 يوم لانها تنزل الوصخ والدم الباقي تكرمييييييييين

والحلبه والعسل اول عشر اياااااااااااااااااااااااااااااااااااااااام ضروووووووووووووووووري تقوي الظهر لازم قلاص حليب مع الحلبه الريوق وبالليل .. والعصيده اولعشر ايام سويها بالحلبه .. وبعدين سويها بالرشاد شويه لاتكثرينه لانه يعور البطن شووي او حطي معاها ام الكركم تضيييج بعد ..

وحطي بأكلج حلبه .. وخلي اكلج حاااررر مرقوق قبوط تشريبه دجاج محشي بالادويه وكثري الفلفل يطرد الهوا ويضيج بعد ..

هذا اللي سويته بنفاسي وطلعت ماشاء الله .. التزمي بهالنظام وخلي عنج البارد حتى الماي لاتشربينه حيل اول الايام على الاقل اول عشرايام لاتشربينه لانه بطنج بيكون منتفخ ومليان وتزيدينه بالماي عوضي الماي بشغلات ثانيه شوي لج عصيرالشمندر مع التفاح والجزر والعسل مو طبييييييييييييييييييييييييييييييعي يووورد الخدود ويعطيج باووووور ومنعش

ايه وقشر القهوه فوحي الماي وبعدين كتي عليه قفشه من قشر القهوه المطحونه وخليها تفوح نفس القهوه العربيه بعدين اشربيها قبل الوجبات الثلاث .. واشربيها الصبح على الريج ..
والله يهون عليج يارب وتقومين بالسلامه ..

والله ادري في حريم الله يهداهم يبالغون بالاسعار ويقصون علينا
وفي حريم ماشاء الله صج فاهمين فودج تاخذين من الثقه علشان جذي انا قاعده اسئلكم

المشكله اني ما اعرف بسوالف الادويه وامي نفسي موذاك بهالسوالف
بالنسبه لابو طلال ما اعرفه ولا ادري انه له ادويه بالجمعيات شكلي بمر عليه على يوم

عبث طفله مشكووووووره يالغاليه والله صج صج حيل فدتيني ياربي في ميزان اعمالج

بنات بالنسبه للمشد شفت واحد بالجميع شكله حلووو شنو نوع المشدات اللي فادتكم ومن وين اخذتوها
والمشد الاندونيسي زين او لا

بالنسبة لأدوية النفاس
اشتريها من اي وحدة معروفة او سويها بنفسج النت مو مقصر
الاهم من انج تشترينها الالتزام فيها

التجميلي سوي
وعقب كل ولادة سوي
بدون وسوسة ولا محاتاة
وكل شي يرد اوكي طبعا انا اتكلم عن تجربة
الله يهون عليج

فدييييييييييييييييييييييييييييييييييتج مشتااااااقتلج اخيييييييييييييييييييييييييرا بينتيييييييييييييي

حبيبتي الله يسهل علييييج ان شاااء الله

وعلي انا بعد

وانا عن نفسي شريت من خبيره اعشاب وكاااان شغلها حلو ونظييف وعنها شاي اعشاااب يضعععف حيييل

ودوا القهوه مالها بعد جذي

بس بولادتي هذي بخفف من الادويه يعني بس باخذ تمره بالادويه <<تسويها يدتي او طلبيها من خبييره

والحلبه بس باول 10 ايام

ودوا القهوه وهم حق بعديييين اياام الدوره

بسسسسس لا تكثرييين واايد منها

والله يسهل عليييج ياااااااااااااااااا رب

زهور مثلي انا ماعرف شي ولا امي حبيبتي ما تعرف
قاعده افكر اخذ من خبيره الاعشاب شغلها ب45

خواااااااااتي لايقصوون عليكم هالحريم الي يبيعون ادوية النفاس على 30 والي 35 دينار شنوو هذا بوق اشكره

روحووو مطحنة سمراء عدن في منطقة شرق وقولوو ابي ادوية النفاس

يعطيكم كل شي من حسو ولهوم وحلبه ورشاد وغيره ودواا مع سكر نبات نفس الخلطه حق البيبي حق الغازات

والله رحت شريت من عندهم كل شي حق النفاس طلع علي 11 دينااااااااااااار تخيلووو الفرق !!!!!!!!!!!!!!!!!!!!!!

والله لايقصوون عليهم وهالمطحنه قديمه ومعروووفه حيل بشغلها كله شغل ايد نصيحه جربوها وادعوولي

فديتكم والله يا بنات ما قصرتوا

هالموضوع ضاع وباليالله لقيته

كنووووووش فديتج والله انا بعد مشتاقتلج شخبارج وشالدنيا فيج
اانا يمكن بعد عرسي ب 8 شهور يالله شبكت انقطعت بالمره