تنصحون ب اللولب ومنو جربتة بليز ابي نصيحتكم ضروري

السلاام عليكم
ودي اركب لولب وفي ناس انصحتة وناس قالت انة ياذي ويسوى التهابات صج هل حجى يابنات في احد تاذى منة او صار فيها التهابات من الولب بليز الى مجربينة نصايحكم واذا في شي احسن من الولب ان يمنع الحمل بليز قولولي شنو اهو وابي دكتورة زينة تركبة لي بمستشفى الهادي او السلاام اذا تعرفون وسلامتكم وتسلمون وانطر ردودكم

والله مادري اذا يسبب التهابات .. بي اختي شرت و ودته لعياده ركبو لها والحمدلله مافي الا العافيه وماحملت لووول …

ان شاء الله البنات يفيدونج ..

شوفي يا قلبي
قبل لا اقرا موضوعج كنت بنزل موضوع عن اللولب
توني مركبته صارلي 5 ايام
تركيبه شوي يعور مو وايد
وبصراحة تنزل علي افرازات بنية مخلوطة بخيوط دم
الحين هذا عاشر يوم دورة وما تنظفت

يمكن ما طاح علي بس ماني شايلته بنطر

بالنسبة لمستشفى الهادي دكتورة بهواني ايدها خفيفة حيل وماتعورج

و الله نفس سؤالي هم خايفة اركبه

اهو اول ماتركبينه لازم ينزل دم بس مايسبب التهابات وانا ركبته مرتين بس ارتحت معاه اكثر من حبوب منع الحمل

اهو صج على طول اوجاع في البطن واحيانا يسبب استحاضه بس بعد الواحد شسوي لازم منه

اسمع يمدحون الهرموني يقولون انه احسن وانتي سألي دكتورتج وراح تعطيج خيارات

حبوبه انا ركبته وكنت ميته خوف ان يعور بالتركيب انا فحص واموت من العوار بس والله ركبته ولا حسيت اب ولااااااا شي الحمدلله وركبته عند د/نهاد حسني كانت عند ماجده اليتامى والحين اهيه بالسلام واااي تهبل صج ماتعورج وتركبه اشوي شوي وبالراحه وتطمنج وتهديج واهيه الي مولدتني بعد الله يجزاها خير على روحها الي تهبل…

المهم ناس قالولي يسبب نزيفلكن والحمدلله ما سببلي نزيف بس ساعات دورتي اتطول انا عادة اتيلي 5 ايام ومع اللولب ساعات 6 وساعات 7 وساعات مثل ما اهي وراااااااااحه وامان لج وللزوج لان زوجي ماكن يرضى اخذ حبوب وتاثر عالنفسيه وتاخر الحمل …الخ

عاد غلطتي اني ما راجعت عقب ما ركبته المفروض اول ما اركبه اراجع عقب شهرين وبعدين عقب كل 6 شهور وانا كشت لي يوم من الايام ياتني الدوره وحاشني نزيف مو طبيعي الي من كثره خقيت وكل نص ساعه ادش اغير بدون مبالغه يوم ودوني العياده ولا طلع متحرك وسحبته وعقبها مار رحت ركبت تعيزت

ان شاءالله عقب هالولاده بروح اركبه وانتظم بالمراجعات

انا ركبته مرتين مره قعد فيني 3 سنين ومره سنتين الحمد الله من احسن ما يمكن ولا يعور بتركيبه
ركبته عند دكتوري محمود الاسطل
وانصحج فيه لانه اذا تبين الحمل تقطينه علا طول باذن الله تحملين

لا ديروا بالكم تركبون هرموني والله انا ركبت وزفت مالت عليه وع اللي صنعه بعد ياي نزيف موطبيعي ومانسبني بعدين رحت ركبت العادي يحلاته واهم من هذا ماتحاتين انج حامل

بس ديري بالج انج ماتشيلين شي ثقيل لانه يطيح و2 شي همن الدوره تطول اذا اول مره مركبته يمكن 10 ايام اذا توج مركبته وبعدين اذا يتج الدوره مره 2 اذا 5 ايام تصير 6او 7

وبعدين تتعودين عليه ولاجنج مركبه شي وماتحسين ابد بشي جذابين قبل بنات يقول راح تحسين فيه وتتاذين كله جذب وماعليج من حجيهم

واذا اي سؤال امري

صح كلام مغروره بالضضضضبط وعلى طاري اللولب الهرموني اعرف وحده ركبته والحين تروح تعالج الدوره ما تييها كللللللش مادري انا من اسمه احسه يخرع هههههه العادي اشزينه والله ولا تحسين فيه

والله بنات حتن انا استفدت قايله بركبه بس هلبنات يخرعون يعور ومادرى شنو ونزيييف وانتو مشاله تمدحونه

الحين اللولب يظل افضل من الحبوب تلعب بهرمونات الجسم

خواتي حطوه اكثر من مره والحمدلله ماشي معاهم

تسلمين بعد عمري على افادتج وماقصرتي وبليو قوليلي شنو راح يصير معاج بعدين اذا انقطعت الافرازات عنج ولا لاء واهم شي جم كلفج كلة مع فتح الملف وسعر الدكتور ؟؟

مشكورة على الافادة ما قصرتي حبيبتى

اى والله هذا انا الي خايفة منة عوار البطن اسمع الكل يشتكي