شلون طريقة الاستقبال بمستشفى

يعطيكم العافية حبيباتي وخواتي بالمنتدى
عفية ما اعرف ودي تفيدوني اذا بسوي استقبال بمستشفى شلون الطريقة والسيرفس والاكل حق يومين استقبال شلون الطريقة وصواني الاكل؟واذا اتفقت مع وحدة شلون تسوي لي على يومين لان ما اعرف وابي افكاركم واول مرة راح اسوي وابي شي سنع ياريت مساعدتكم حبيباتي

حبيبتي تكونين مجهزه اغراضج يعني حاجزه الحلو والسوالف اللي بتضيفين فيها الناس وتتفقين مع المحل او الحرمه حسب ماتحبين انج من تدشي شهرج يكون مضبط باي وقت وتعطينها التاريخ لدخلتج التاسع والمحتمل من وقتها الولاده ومتى يصير التوصيل حسب ما تحبين وتكونين شارية الاطقم للتقديم يعني في ناااس تحط بصواني وفي ناس بمجسمات وفي ناس تفنتق بسلال انتي وذوقج وبالنسبة للمشروبات طبعا الجاي والقهوة والبيالات والستيكانات تكون كشخه حلوة مجهزتها وفي ناس تسوي سكر تقديم حق الجاي تلاقين في تاجرات عندنا بالمول يبيعون وفي بالمحلات وتحصلينهم في مجمع اللي فيه محل بياع الورد جبال مستشفى دار الشفا في محل يبيع سكر مواليد ومناسبات وتوزيعات الكاكاو انتي وذوقج يعني تبينه جاهز او انتي تسوينه وتودينه معاج للمستشفى اذا ولدتي انشالله
والكفر للمستشفى انتي وشنو ماتحبين يعني تبينه بسيط جاهز او انتي تتعاملين مع مشاغل حريم ولا محلات تفصلج او تصميم وفي عندنا بعد بالمنتدى حريم يفصلون لج اطقم كامله وحتى يسوون لج التوزيعات اذا بغيتي
واذا تحبين سوالف التزيين تقدرين تتعاملين مع محل ورد تتفقين معاه يسويلج فازات او اي شي حق استقبالج للمستشفى

ولبس الاستقبال للمستشفى انتي وذوقج بعد يعني تبينه بسيط ولا في حركه نفس ديباجج وبس
اتمنى اكون فدتج واسفه على الطواله

حبيبتي تسلمين بس اذا اتفقت مع محل للمعجنات والاكل اتفق معاهم على يومين ايبونه لي؟ويعطوني وحدة حق السيرفس لان افضل الامبراطوري بدار الشفا