|
|
السلام عليكم
شلونكم بنات
بسأل اللي عندهم خبره وحملوا من قبل
شنو اعراض الطلق ؟ شنو تحسين فيه بالضبط ؟ الالم وين يكون ؟؟
عوار يخليج اتعرفين ان الله حق واتناقزين انقذوني وماتردين على اكبر راس 
يبدا خفيف جنه اول يوم دورا وينتهي بعواصف ترابيه
الله يسهل
انتي من قلتي اعرف ان الله حق وانا غاسله ايدي
عوار يخليج تدرين انه ولادة لانه صج ما تتحملين وتححسين شي مو طبيعي
انا بولادتي في بنتي .. اول ما انسدحت على فراشي حسيت بألم بظظهري وحسبت وراه بخمس دقايق جاني الم في بطني وعرفت عقبها ان هذي الولادة لان امي قالت لي جذيه اول شي يبدا عوار الظهر بعدين البطن .. وبعدين تحسين بنفس الشد يروح ويرد واحسبيه اذا اقل من خمس دقايق هذي ولاده
في حريم يوم الموعد مع الفحص يكتشفون انهم مفتوحين بدون شعور بالالم
و فيه حريم ييلهم مغص الامساك
و فيه حريم ييلهم ترجيع و اسهال
و فيه نزول الماي الهادي او مخاط
و فيه الام لا تطاق
وكل ماله يزيد الالم وتقصر المده تصير كل خمس دقايق
يظل مده ساعتين ثلاث محتمل بس وقت الطلقه تاخذ لها جم دقيقه ما تقدرين اتسوين شي ولا اتحركين ولمى تروح تمارسين حياتج بشكل طبيعي لمده ربع ساعه بس
في بدايته عاد انتي تسبحي زهبي شغلج جان في شي ناقص
اذا صار كل 5 دقايق اهني روحي المستشفى
والله يهون عليج
ونادى حمواتي يقعدون عندي وهو راح يجيب لي زيت خروع ووقتهاا حسييت اني ابي الحمام عزكم الله ولما وقفت ولاينزل مني ماي الولاده وحماتي دقت على زوجي جى طيراان كانت الساعه11 بالليل وولدت عالساعه 4 الفجر …
بس صج صج معاناة …
الله يسهل عليكم يا حوامل
انا كان عوار الطلق عندي بارد…كله بظهري,,بلش عوار بظهري من لما بدا شوي شوي يزيد ومستمر لما خلاص تحسين ان فيج ضغط من تحت وشي بيطلع…….والسهاله من الله حبيبتي…اهي جم ساعه وعقب كلشي ينتهي ماجنه فيج شي
ولاتحاتين ولاتخافين
بس لما ياني ما كنت ادري انه طلق كان عبالي غازات
انا حسيت ان عوار حيل و لا يحتمل لما عطوني طلق صناعي
و على طول عطوني كمام
بس انشالله الله يسهل عليج و تولدين بدون طلق صناعي
لان الي اعرفه عوار الطلق الصناعي اضعاف الطلق الطبيعي