ممكن سؤال عن شرب الخروع

مرحبا يالغاليات والله يهون عليكـــم وعلـــي

حبايبي بغيت اسأل متى اشرب الخــــــروع

لاني مليت وتعبت وايد انا الحين بالاسبوع

37 وتعبانة حيل وثقلانة امانة اذا عادي

اشربه هاليومين او لأ عفية ردو علي

بسرعة بنتظاركم على احر من الجمر

افااااااااااااااااااااااااااااا محد رد علي

حبيبتي انا نفسج بالاسبوع 38 بس محد نصحني اذا مو مفتوحة ولا سانتي ماانصحج لان اييب الطلق ويتعبج بس مايفتح الرحم وعشانج للرفع

اذا صج تبون النصيحه لا
انا كنت بخسر ولدي بسبة الخروع
استعيلت على نفسي و انا شربته و كان باقي على ولادتي خمس ايام
و طبعا ما ياني الطلق منه بس سهل بطني
و لما ياني الطلق بعدها بيومين و رحت المستشفى
و بطت الدكتوره الماي عشان يحمى الطلق لقت ان البيبي مسهله بطنه
يعني مسوي كاكا داخل بطني
و قالتلي اذا ما ولدتي بسرعه ممكن البيبي يشرب الماي و يتعب وايد
فما تسوى
صبروا يومين ولا حتى اسبوع انتو تحملتو 9 شهور

يا حبيبة قلبى والله ذكرتينى بخواتى اخر الشهور يبجون بس عسى الله ياجركم و
الجنه تحت اقدام الامهات
اختى بالنسبه لسؤالك فيه ناس تشربه وسبحان الله تولد وفيه ناس تشربه وما استفادت الا اللوعه تكرمين طيعينى لا تشربينه والياهل ينطر ساعته اللى الله قسمها انه ينزل فيها مثلا بالله الياهل بينزل بس ايده مرتفعه يجاوب الابله لووووول والله فيه يهال عسرين سبحان الله فانتى لشربتيه تستعيلين الولاده لكن لنطرتى تنزل ايده وسهالات والله يا ما بنات انخلعوا عيالهم بسبت شربهم للخروع وساعات من الله فانتى الخصم والحكم آنا قلت لك رايي وانت بكيفك انتى قويه وقدها نطرتى 9شهور تميها الله يتم لك العافيه وتفرحين وكل الخوات بشوفة اولادكم وبناتكم باذنه تعالى

ايهبل الخروع بس مايصير لين يفتح سانتي

والله ماادري بس مرت اخوي شربته مع عصير منجا صار فيها اسهال ومافتح شي

هاي حبيبتي شلونج
حبيبتي انا يوم كنت حامل وصلت لي الشهر التاسع قبل لا اولد بيومين جان اروح واصب غرشة الخروع ابعصير برتغال واشربة كلة هذا كان الساعة 11 بليل بعدها اب نص ساعة جان اييلي تكرمين اسهال طول الليل وانا بالحمام من لسهال والساعة 6:30 الصبح نمت وكان رمضان حزتها
المهم بعدها قمت من النوم على عوار بطني عبالي سهال عادي قمت رحت الحمام ولا يطلع ماي من الفتحة اللي يطلع منها البيبي عاد انا مو مستوعبة شالسالفة جان امش شوية بكلينكس ولا اشوف لونة وردي شفاف وروح تحت حق امي واقولها السالفة قالتلي يالله يالله روحي بسرعة غسلي جسمج ودقي على ريلج خل يودينا الطبيب بس وبعدها اب 6 ساعات جان اولد وعلى فكرة حطولي طلق صناعي بس الحمدلله سهالات
والله يسهل عليج يارب

ديري بااااااااااااااااااااااااالج مو زين

مشكووووووووووووووووووووووووورين حبايبي انا يوم رحت حق الدكتورة وفحصتني قالت الرحم لين بس للحين مومفتوحة هذا الكلام يوم الثلاثاء قبل يومين وراح تشوفني يوم الاحد الجاي وتقرر اذا تولدني او لأ لأني جننتها ابي اولد تعبت الله يكتب اللي فيه الخير

اختي شربته مع عصير مانجا تقووووووول ياليتني ماشربته وقبل جم يوم والده ماشربت شي غير الدارسين

والله يوم شربت الخروع تحاتي الطلق او عوار المعده تعب حيل

السهاله من الله اشربي دارسين ومعرووووووف واظن الكل يشربه عشان يحمي الطلق

دشي على بروفايلي و اقري قصة ولادتي من المواضيع اللي كابته
مابي اخرعج بس انا الله ستر علي
وخري وخري عن الخروع ترى بهذلني و بغى يولدوني قيصريه اب سبته

انا كنت بشربه بس حفت من كلام البنات

خفت من كلامكم

بس انا دكتورتي انصحتني اشربه

مو الحين قبل موعد ولادتي بيومين

لان فيني طلق ومفتوحه