|
|
انا اراجع عندها من بدايه حملي و الحمدلله كل شي ماشي تمام .. بس قبل اسبوعين كان موعدي عندها .. دقت السكرتيره و قالت لا تيين عندها ولاده .. بعدين اجلته لمده اسبوع .. بعد اسبوع دقت و قالت نفس الكلام .. قلت عادي انطر قالت لا عندها ولاده ثانيه تعالي باجر .. و نفس الشي صار عاد صج انبط جبدي قتلها شوفي اي وقت اهي موجوده اليوم دقي و انا ايي .. و للحين ما دقت .. انا حاسه بالسالفه فيها انه .. :/
و الغريب ان اللي ترد السستر الهنديه مو المصريه و التليفون مو مشغول نفس قبل ..
في احد يراجع عندها بليز يرد علي ؟
كنت توني واصلة العيادة جان تدق علي الهندية قالت مدام انتي وين قتلها انا ياية قالت اذا انتي بالبيت لاتيين الدكتورة عندها ولادة جان اقولها مومشكلة كاني تحت الحين أصعد اشوف شسالفة
ولما صعدت فوق كانت الصدمة دخلت وعطيتها كرتي وقالت استريحي
قتلها الدكتورة موجودة قالت موجودة ودخلت عليها عادي طلع ماعندها ولادة ولا شي
وقبل لا ادخل لما كنت قاعدة انطر كانوا يدقون على البنات يقولولهم لاتيون لما ندق عليكم ( الدكتورة عندها ولادة )
مرة ردوني وانا واصلة حولي
والمرة الثانية دشيت العيادة لقيتها فاضية بس 3 موجودين .. قالت عندها ولادة مستعيلة وماخلوني ادش عليها
ومرة دقوا علي توني طالعة من البيت
حتى عصبت قلت بروح حق احد ثاني مو معقول ولادات في هالكم
وفي هالفترة كله السستر اهي الي ادق مو المصرية .. حتى ماتعطيج مجال تتحجين معاها
بس مواعيدها كلش موشي مره اتصلو علي قالو تعالي ساعه6 رحتلها ودخلوني عليها ساعه 10بليل !!!!!!!!!!
هذا اخر يوم رحت لها توووبه وعلى طول غيرتها رحت للدكتوره لينا بمستشفى المواساه وايد زينه وخياطه ممتاز
خلاص عجزت المفروض تتقاعد
والي مو عاجبته يغيرها….
ترى اهي دكتوره وايد من البنات وانا مجربتها على 3 من عيالي واهلي كلهم ,, وكل دكتوره او دكتور يصير معاهم خطأ طبي
انا اول امس كنت عندها ودقو علي الساعه 6 وقالولي لا تيين لما ندق لان زحمه وراح تنطرين وايد ودقو علي 8 ورحت وكان جدامي 2
ولما رحت ياتها حاله ولاده بس خلصتنا وطلعت
الي مو عاجبته الدكتوره مو ملزوم يراجع عندها
والي تقول شالت رحم بنت خالتها
الله انشالله يصبرها
بس يمكن كان من مصلحتها تشيل رحمها
يعني الدكتورة مو مجرمه مني وطريج تشيل الرحم الا فيه سبب طاريء ومساله حياة وموت