احترت بموضوع الرداده ()

السلام عليكم…

الحمدلله ولدت بالسلامه عقبال سلامة الحوامل منكم وفرحة العرايس ياارب

آنا احترت بموضوع الرداده بصراحه مو عارفه منو أختار خصوصا إني حيل خايفه وعندي عوار بكل جسمي وعظامي وبطني حيل مترهله فمادري أي رداده أنسب لي

شرايكم بأم ناصر إللي تطقطق الجسم وتجي مره وحده بس وتآخذ 30 دينار ؟؟

أو أم علي إللي تستخدم الطابوقه بس ما عرفت جم مره لازم تجي للنفاس وجم تاخذ ؟؟

يا ليت تنصحوني بنات أبي الأفيد من بين الردادات ومو عارفه أختار

حبيبتي ام جاسم وايد زينه بس قوليلها تقعد وياج نص ساعه على الاقل اتيي ثلاث ايام وتاخذ خمسين دينار

والله ما ادري انا بعد احترت مثلج ناس تمدح و ناس تذم ما تدرين منو تيبين اتخافين بعد تعورج و الا تقلب رحمج بصراحه شكلي انا بيب وحده صينيه تسوي مساج و بس

انا جربت ام قيصر بكل مرّه ممتازه

وانشاء الله هالمره بخليها تجيني

واللي اعرفه احسن من اللي ماعرفه مابي اجازف مع ردادات جدد

الحمد لله على سلامتج
شوفي حبيبتي دام انج محتاره .. انا اقولج كلميهم احسن وشوفي كل وحده شلون طريقتها وشنو تسوي
عشان لا تجازفين وتييبين اي وحده وما يعجبج

مشكورين إللي ردوا وجزاكم الله خير

انا بجر و ما اعرف للردادات و محد من اهلي ررددت بس سمعت عن ام جاسم و اتصلت عليها و كان كلامها وايد زين و تنصح و ان شا الله اذا ولدت بالسلامة ايبها

ام قيصر فاااااااااااااااااااااااااااااشله نصيحه لوجه الله لاتجربينها

أحسن وحده أم جاسم ماشاء الله عليها ترديدها عجيب يريح الجسم وطريقتها 3 أيام بس والله من اول يوم راح تحسين بالفرق

انا جربت ام جاسم بيض الله وجها صراحه 3 ايام دهان واخر يوم طقطقت عظامى مكانها وردتهم عاد الجسم مفجج بعد الولاده

أنا عن نفسي جربت أم علي ورتحت لها، بولدي وبنتي خوووش مره ، ما شالله عليها