|
|
بنات انا تو جايه من دكتورتي وتقول خلصت التاسع والبيبي مو نازل بالحوض بس عطتني اسبوع اخير تقول اخر فرصه لج بعد الاسبوع او اولدج قيصريه انا ميته من الخووووف 
مع انى امشي كل يوم وامشي على البحر بعد واصعد درج بس كلش وتو قبل يومين تبطل الرحم 2 سانتي
بس تقول الدكتوره مااقدر اعطيج طلق صناعي عشان البيبي مو بالحوض ولاني والده قبل قيصريه واهي تبي تولدني طبيعي
احد يعرف شلون ينزل البيبي بالحووووووووض واللي ما تعرف يا ريت تدعي لي بولاده طبيعيه الله يجزاكم خير
:0bee2e8d89:
حاولي تحبين نفس الياهل سبحان الله يلف الياهل وينزل تحت بوضعه الطبيعي
بس هذا يعتمد على وضع البيبي وراسه وين بلضبط اذا فوق او مايل
انا ولاداتي قيصريه وكل ولاده الياهل مايل
ولادتي الثانيه كان البيبي مايل ومن دخلت التاسع لف الياهل بس مانزل الراس
صار الراس فوق وولدت قيصريه والحين هذا حملي الثالث وولادتي قيصريه
الله يكفيج شر الولاده القيصريه وتولدين طبيعي انشاءالله
بس ادعي ربج واقري قران وربج يسهلها عليج
وتبشرينا ان شاء الله ..
ان شاء الله تولدين طبيعي …و ترا عادي ينزل الراس تحت وقت الولاده خاصه للي سبق لها الولاده قبل يعني غير عن البجر
وترا الطريقه اللي قالتلج الاخت حبيبتي حاولي تقعدين قعدة الحمام العربي راح تنزلج الياهل بسرعه
خاصه انه الرحم عندج فاتح و انا كنت اتبع ها الطريقه عشان يفتح عندي الرحم زياده
ف كنت امشي عقب اسوي هاالحركه اوقف و ايلس افتح ريولي طبعا مايلس ع الارض يعني اسوي وضعيه الحمام العربي 10 مرات و ارجع اكمل مشي
حتى وقت الطلق تسوين ها الحركه تفتح الرحم عندج اكثر و فيه ناس يحبون بعد لانه يساعد وااايد
