الحمل او السفر ساعدوني

السلام عليكم بنات كويتيات
انا حامل بالشهر الاول يعني توني حامل بسافر بتاريخ 2-8 ماليزيا اشتنصحوني فية اسافر اولا؟؟ دكتورتي قالت لي ما انصحج بس اذا مصرة اعطيج ابر مثبته وانا محتارة ؟؟؟ خاطري حيل بالسفر…..

حبيبتي اذا دكتورتج نصحتج تأجلينهااا طيعيهااااا
واذا على الابر المثبتة انا اخذ ابرة يومياااا بالبيت اسمهااا هايبووور
اول مرة رحت المستوصف عطوني اياهااا بالفخذ وعلمتني الطريقة
وااايد سهلة وما تحسين بدوخة او شي عااادي
استخيري يا قلبي واللي كاتبة ربج بصير ان شاء الله

حبيبتي البيبي اهم
السفر لاحقه عليه

صلى صلاه الإستخاره ……..

مشكورين على الردوود الحلوة

من صجج بالاول وماليزيا يعني سيااحه وحركه

انا بالرابع ومتردده على السفر مع انه هم بخاااااااااطري وانا سويت السفره والحين متردده

عادي انا سافرت ماليزيا وكنت حامل بالشهر الاول

الحمدلله ماصار شي

وولدت بالسلامه

اذا هذي اول حمال لج وتوج في البجر مانصحج،، بس اذا عندج عيال من قبل روحي لان عاده الوحده ااذا توها حامل في البجر ماتعرف اذا كان جسمها يستحمل الحركة او لا

صراحة ردودكم ريحتني شوي

طبعا لا لا تسافرين

انا لما دشيت الرابع سافرت البحرين جم يوم ورديت وطبعا بعد نجره مع الدكتوره

لاحقه عالسفر

انا دكتورتي ما انصحتني بالسفر

وطبعا طعتها … الزم ما علي سلامة اللي في بطني لاحقين ان شاء الله على السفر الصيف شطوله كل سنه يطول اكثر من اللي قبلها لوووووووووووووووووول

مانصحج تسااافرين لان وااايد خطر خاصتا باول الشهووووور لاحقه عالسفر انشالله

مشكورييين بس حيل محتاجة السفر

والله انج نفس حالتي ابي اسافر
انا توني داشه الرابع والله من كثر ما حنيت على السفرة
رحنا انا وريلي بنقص التذاكر جان ينزل علي مااااااااااااااااااااااي وبعدها نزيف دم
والحين قاعده بالبيت و بخاطري السفرة للحين <——— ماكو فايدة مني ما اتوب
بس الكل زفني وقالي انسي السفرة خلااااااص

انا المفروض اسافر اخر سته يوم عرفت اني حامل كنسلت خفت الصراحه