|
|
السلام عليكم ورحمة الله وبركاته ..
خواتي العزيزات وامهات المستقبل الله يسهل عليكم اموركم ويحفظ اعيالكم
ابي استشيركم واسئلكم في بعض الامور
بنات انا ابي اولد برويال حياة قيصريه طبعا بس مترده ناس اسمعهم بالمنتدى يمدحونه وناس تذم
وكل الي حوالي الاغلبيه لم سئلتهم يذمون وحترت بين الذم والمدح فحبيت اسوي موضوع يتعلق بكل شي لرويال حياة وتجارب الخوات ونستفيد من بعض
اولا :_ شلون ولادتكم كانت برويال __ سهاله ؟ تاذيتوا ؟
ثانيا شلون عنايتهم الطبيه ؟ مو الفندقيه ؟ شاطرين ؟
ثالثا :_ اخر شي الدكاتره ؟
رابعا :_ شلون الاسعار جم كلفتكوا الولاده ؟
خامسا :_ سويتي استقبال بقاعه الي تحت ؟ او بنفس الغرفه ؟
سادسا :_ جم كلفكوم الاستقبال برويال ؟
سابعا :_ سمعه ان كل شي بالاستقبال من رويال كل شي حلو وقهوه والمعجنات والفرش والورد ويمدحون شغلهم ؟
هل جربتوا شعلهم ؟ وجم خذوا ؟ او ياخذون؟
يعني فيدوا بالتفاصيل وجزاكم الله الف خير
وادري خواتي ما راح تقصرون
ياليت اللي ولدوا فيه يقولون لنا ..
مشكورة حبيبتي على الموضوع 
وفعلا اتمنى باجي الخوات ينورونه ونستفيد يارب
انا ولدت ولدي برويال حياة
والحين حااااامل وانشاااله باذن الله بولد هناك لان بصراحة اللي يجربه يعوووووف غيره
بجاوب عالاسئلة سؤال سؤال والسهال اطلبيها من رب العالمين:
اولا :_ شلون ولادتكم كانت برويال __ سهاله ؟ تاذيتوا ؟
ج) الحمدالله سهااااله بفضل رب العالمين وووووووناسة
ولا اذي ولا هم يحزنون لان<<<<<بنجهم وااايد حلو
ثانيا شلون عنايتهم الطبيه ؟ مو الفندقيه ؟ شاطرين ؟
انا مروا علي سسترات روووعه شوية عليهم
ثالثا :_ اخر شي الدكاتره ؟
دكتورتي امل عبدالعزيز (((((حبيبتي))))
رابعا :_ شلون الاسعار جم كلفتكوا الولاده ؟
انا تكلفت للامانة بسبب اني خذيت غرف ولادة خااااصة وطولت فيها ولان ولدي حبيبي كان تعبان ودخل العناية المركزة ولاني طحتله بالميني بار وطلبت من اكلهم للعايلة كلها لان لذييييذ مووووت طول مدة الاقامة
خامسا :_ سويتي استقبال بقاعه الي تحت ؟ او بنفس الغرفه ؟
للاسف كان ودي بس لاني تضاااايقت على ولدي كنسلته وسويت بالبيت بعد ماطلع بس استقبالي كان بغرفتي لان هم حلللوة
سادسا :_ جم كلفكوم الاستقبال برويال ؟
—–
سابعا :_ سمعه ان كل شي بالاستقبال من رويال كل شي حلو وقهوه والمعجنات والفرش والورد ويمدحون شغلهم ؟
جربت المطعم شي عجييييييييييييييييييييييييييييييب
هل جربتوا شعلهم ؟ وجم خذوا ؟ او ياخذون؟
عموما احسبي حسابج يكون بجيبج اقل شي 1000 دينار لانج عملية هذا بدون الاستقبال والاستقبال اصلا يبي سعره بروح
اتمنى اكوووون فدتج
لان صج تحسين براحة نفسية من تدخلين و شفت وايد من اهلي وصديقاتي ولدو هناك مشالله شي راقي والسسترات داشين وطالعين عليهم ومحد منهم ذم شي
ونبي ان شاء الله شي الزين..
وننطر مشاركات باقي الخوات العزيزات
روعه الولاده فيه عنايتهم حلوه راقي اكله فـــــــــضــــــــــــــــــيع
دكتورتي فوزيه القطان تبارك الله على ايدينها دكتورة ممتازه
كلفتني بس 620 دك مع الادويه
اسال الله ان ييسر ولادتك
والله اليوم عاد قاعده اسأل البنات في تجمع الي يولدون شهر 7 و8 و9 لان نفس الحالة حمواتي البارحة كانوا يقولون سامعين انه الممرضات موشي بالمستشفى وانا بجر ومتابعتي مع دسامر الريس وناويه اولد برويال حياة ان شاء الله بس كلامهم خرعني علشان جذي قلت اسأل المجربين احسن من الي سامعين وان شاء الله الله يسهل علينا ونولد بالسلامة يارب.
|
المشاركة الأصلية كتبت بواسطة ام علي الصراف
 سلام حبيباتي
والله اليوم عاد قاعده اسأل البنات في تجمع الي يولدون شهر 7 و8 و9 لان نفس الحالة حمواتي البارحة كانوا يقولون سامعين انه الممرضات موشي بالمستشفى وانا بجر ومتابعتي مع دسامر الريس وناويه اولد برويال حياة ان شاء الله بس كلامهم خرعني علشان جذي قلت اسأل المجربين احسن من الي سامعين وان شاء الله الله يسهل علينا ونولد بالسلامة يارب. |
بسالج حبيبتي شرايج بالدكتوره سامر ؟؟؟
انا بعد اراجع عنده وماباقي شي واولد انشالله
|
المشاركة الأصلية كتبت بواسطة أم فطفوطه
بسالج حبيبتي شرايج بالدكتوره سامر ؟؟؟
انا بعد اراجع عنده وماباقي شي واولد انشالله |
والله اختي انا راجعت حاليا مرتين عنده والاثنين عندي موعد وياه بعد بصراحة زين ومحترم ويطمنج مو من الدكاترة الي يخرعونج يعني الحديد نازل عندي وايد وقلت له اخذت حبوب حديد 6 اسابيع قال بكتب لج على ابر حديد تاخذينهم مدة ثلاث اسابيع مرتين بالاسبوع وعقب حللي وان شاء الله الاثنين بيشوف تحليلي انا شفت انه زادت النسبة الحمدلله بس مادري اذا احتاج بعد اولا؟
ويوم شاف تحليل الدم الشامل الي فيه كولسترولي مرتفع وانا اصلا ماعندي من قبل وكنت خابفة قال عادي اصلا انتي لاتحاتين شي لان الحين الياهل نفس الاسفنجة يسحب منج مع اني مسويه انابيب بامريكا والحمدلله حملت بس يعاملني مثل اي حامل طبيعي يقول لاتحاتين انتي حالج حال اي حامل طبيعي الحين والله يسهل علي الولادة ويقر عيني وعين زوجي بالذرية الصالحة ويسهل على كل حامل ياربز
ورفيجتي بعد ولدت عنده بس قيصري قبل اسبوعين وتمدحه بعد وكل شي تساهيل من رب العالمين
الله يسهل عليج وعلى كل حامل يارب.
اولدي وانتي متطمنة
انا والده فيه شهر 3 … قيصرية
روعة…خدمة وعنايه وهدوء والسسترات عجيبين
انا دكتورتي دلال السالم
بصراحه اخذت غرفه كامليا اللي بالدور الثالث واستقبلت فيها ما اخذت غرفهم مالوت الاستقبال
وكلفتي هالغرفة 1760 تقريبا…. 4 ايام
بس لاتحاتين..كانت تطلع عليهم اشاعات لانهم يدد…بس الحين تمكنوا
السستر اللي بغرفه الولادة كانت بالهادي 17 سنة خووووووووووووووش سستر
الله يسهل عليج
ياريت تفيدونا وخاصه اللي جربوا الدكتوره امل عبدالعزيز
وانتي والكل يدرون انه ماكو مقارنه بين الاثنين .. وهل تتوقعين ان عناية الصباح احسن من رويال حياة .. هذا الكلام كله خرابيط .. وانتي روحي وافتري على المستشفيات وشوفي اللي يريحج .. وتوكلي على الله .. انا ولادتي ومراجعاتي كله عند رويال حياة .. وحط فلوسك بالشمس واقعد بالذلال . واغلب اللي يذمون خايفين من الاسعار .. بس صدقيني الدكاترة اللي عندهم اغلبيتهم استشاريين وانا مجربتهم .. وكانو ابمستشفيات حكوميه يوم من الايام يعني عندهم خبرة اكيده ..
ودلعي روحج .. وتخلين بخاطرج .
والعناية والصحه .. هذا مستشفى مو لعب يهال فاتحينه خربوطه .. لا حبيبتي هذي ثقة ومسئوليه
يعني لا تسمعين كلام البعض اللي خايفين على الفلس .. ومهملين نفسهم واللي يذمونه ترى مو مجربينه .. تعالي تجمع مراجعات امل عبد العزيز وشوفي البنات شكثر عاجبهم المكان والدكتورة والعناية كلها
وغيرها خالده المجيبل
وغيرهم في شكثر بس انا افضل دكتورة مرة
يعني عن تجربه .. واهلي كلهم والدين فيه .. اقولج ان المستشفى متفووووووق بكل مافيه .. المواعيد عندهم شوي مؤذيه بسبب الزحمه والضغط بس الباجي كلشي اوكي
روحي وشوفي بنفسج