ضروري خالدة المجيبل !!

مرحباااااااا بنااااااااااااات

حدي مستعيلة و ابي اجابة حق سوالى
و بدش بالموضوع….بنات انا حامل و قررت انشالله اولد برويال حياة…و سمعت انه وايد يمدحونه و يمدحون الولاده فيه
بس البعض يقول اذا بولد فيه اييب دكتوره من بره
و بنات انا اللحين محتارة لانهم يقولون انه دكاتره رويال حياة مو شي
هالكلام صج بنات وله مو صج؟؟
صج دكاتره رويال حياه مو زينييين ؟ و اذا زينيين بنات مو جربت خالده المجيبل ؟؟
انا بجر و مو مجربه احد و مدحولى خالدة بعرف اكو احد ولد عندها و شلون طريقتها بالولاده؟؟؟
لانى الصراحة ودي اولد عندهااا ……………بلييييييييييييييز بنات جاوبونى بسرعة اروحلها وله لا؟؟.

اول شي تولدين وتقومين بالسلامه انشالله انتي والبيبي وتكونون بصحه وعافيه ومالج شغل باللي يقولونه انا اعرف وحده ولدت عند الدكتوره خالده ووايد تمدحها ومراجعاتها كانت كلا عندها وفي ناس بعد مدحولي الدكتوره خالده وايد والله يسهل ولادتج انشالله

خالده المجيبل تهبل
يمدحونها البنات
ورويال حياة حاله حال كل المستشفيات
يذمونها ويمدحونها استخيري وتوكلي على الله

حبيبتي انا وحده ضحيه من ضحايا اهمال رويال حياة .. كنت اراجع عند عماد غزاوي .. وكنت متوفخه زلال وضغط مرتفع والاخ اللطيف كل ما اروحله يقولي مافيج شي ويتطنز علي .. فجاه بيوم من الايام وانا بالثامن حاشني عوار وركضت رحتلهم طبعا رحت الساعه 7 وقبلها الياهل كان يرافس بطني .. دخلوني الطوارئ ماسوولي سونار حطولي جهاز التخطيط وتكرمين ارجع دم اييوني دكاتره الطوارئ يطالعوني ارجع دم ويمشون عني اقولهم نادو دكتوري يدقون عليه مايي على بو انه عنده مراجعين وماقتلج قبل لا اروح دقيت عليه قتله اني تعبانه وحايشني عوار يقولي اخذي بنادولتين ونامي واذاا زاد العوار تعالي باجر متخيله ؟؟!! الله وكيلج كانوا حاطيلي درب وكلساع يغشى علي انام واقعد واهم مخليني لي الساعه 11 فجاه يقولون حق ريلي البنت فيها دوده زايده ودها السلام لانه ماعندنا جراحه متخيله؟! والدكتور اللطيف ماكلف على نفسه يمرني بس كلم ريلي بالتلفون وقاله مافيها شي بس ودها السلام .. طبعا خلو ريلي ياخذني بالسياره مو بالاسعاف ولا شي رحت السلام انصدموا الياهل ماااااااااااات وكان عايش لما كنت برويال حياة متخيله؟؟!! وخاشين التخطيط مال الياهل .. طلعت عندي نزيف داخلي صارلي بسبب انفصال للمشيمه اسمالله عليج والمششيمه منفصله بسبب الضغط المرتفع اللي ياني من الزلال وانه ماتعالج .. موضوعي اهمال طبيييييي بحتتتتتتتت .. وكنت اغشي واقعد من النزيف الداخلي اللي فيني .. السلام قالو حالتي حيل خطره ومحتاجه 12 جيس دم ومنغير فتح البطن وماراح ينطرون اكثر من نص ساعه وضغطي مرتفع 3 اضعاف المعدل الطبيبعي .. قدر الله وماشاء فعل .. صار اللي صار وذبحو ولدي الله يذبحهم علي سوووه فييني .. وبعدها بس اللي صار رويال حياة نعفس بموضوعي والغنام وبترجاني انه يبي يعوضني باي ششكل ود.عماد هم يترجاني انه لايضيع مستقبله .. انا وكلت امري بيد رب العالمين عسى ربي يجازيهم ومارفعت عليهم لا قضيه ولا شي قلت حقي رب العالمين اللي ياخذه ..وهاذي كل قصتي .. ترى والله هاذي قصتي الصجيه
وااذا انا منقصه امني بالله اني مو مزيده شي من عندي ..وادعيلي ربي يعوضني خير

بعد عمري بنوته الله يعوضج خير يا رب

تسلمين نيلفار حبيبتي واللهم امين

القصة واايد تعور القلب

عسى الله يعوضج يارب .. و انشالله الله يتمم على صاحبة الموضوع

البنوته الله يعوضج ان شاءالله بالذرية الصالحة الي تترس بيتج

حبيبتي انا الحين اراجع عند دكتورة خالدة ومثلج اول مرره و واااااااايد امدحولي اياها .. وانا ارتحت معاها رحت موعد واحد ليلحين

بس معروف انه رويال حياة تجاري مو صحي !! وانا كنت بييب دكتورتي من برره بس مثلج مدحولي خالدة فقلت بتوكل على الله واللي

الله كاتبه بيصير .. وانا وحظي ؟؟ في ناس وايد اعرفهم ولدوا برويال حياة ومستانسين وماكو شي .. وهم ناس وايد ولدوا وحاشتهم مآسي

عند رويال حياة !! فمادري شقولج ؟؟ الظاهر المسالة مسالة حظ على ستاف الممرضات بحزة ولادتج لانهم اهما الخوارة بالمستشفى

شوفي دكتوره خالده ممتازه كانت بالصباح تخصص الاطفال الحالات الصعبه اهي و دكتورماجد الشمري بعدين راحت رويال حياة واهو فتح عياده بالجهرا ويولد بخاص والكل يمدحهم و اهما اللي كانو ماسكين حالات الحمل الصعب والاجنه اذا فيهم شي

والله انا نفسج اختي ودي برويال بس وايد قالولي ييبي دكتورتج من بره احسن !!

انا اللي اعرفه بعد الصباح اشتغلت ويع د.معصومه مخصيد بعيادتها وانا راجعت عندها هناك ولوعت جبدي بسلوبها وبعدين اطلعت وراحت رويال ما ادري بس اعتقد ان الدكتوره معصومه اكرشتها من كثر الشكاوي عليها

اب اب اب اب

ان شاء الله تقومين بالسلامة …….. والله سمعت عنة والكل مدحلى ايااااااة
والدكتورة خالدة الكل يقول فضيعة وعجيبة ولادتها …….. موفقة

انا اختي توها والده برويال حياه بس جابت دكتورتها من بره وهي ناهده العلي طبعا تجنن
واهتمام المستشفى كان وايد زين