المشيمه نازله هالشي خطر؟؟

السلام عليكم..

مرت اخوي الله يتمم عليها حامل بالاسبوع ال20 ..

هالفتره تعبت راحت الطبيب قالوا لها ان المشيمه نازله بس الحمدالله مافي نزيف ..

شنو تنصحونها فيه ؟؟ ومرت عليكم كثل هالحاله؟؟

اهي خايفه من هالشغله..

ومشكورين..

اب..

مشكوره مس شوقر..

حبيبتى المشيمه مالها علاج
غير انها تنام وترفع رجولها
سبحان الله اللى اوجد لكل عله دوا الا المشيمه مالها علاج؟
غير الراحه
انا عندى انفصال بالمشيمه والله كريم
عسى ربي يقومها بالسلامه لكم
ويقوم كل وحده حامل
اميييييييييييييييييييين يارب العالمين

خليها تشرب 3ملاعق نشا مع قلاص ماي وانشالله تكون بخير انا صار معاي جذي شربت نشا والله المشيمة ارتفعت وطبعا هذا بفضل ربي سبحانه……………. النشا مراح يضرها اذا الحمل زين يرفعه وواذا الحمل موزين ينزله سبحانه الله

الراحه الراحه الراحه

اهم شيء الراحه و لازم على طول تنسدح على ظهرها

ارتاااااااااااااااااااااحي اختي ارتاح وايد

أهم شي الـراحــة

قد ما تقدر تقلل المشي , صعدة الدري ونزلته , الجماع

انا ظلت مشيمتي نازلة لي نص الخامس تقريباً وقالت لي الدكتورة اذا دشيتي السابع وما ارتفعت مشيمتج راح نولدج قيصري

يوم دشيت السابع سويت سونار والحمدالله ارتفعت المشيمة

خل تدير بالها على نفسها وان شاء الله ما عليها شر

ترتاح
مافي جماع
ماتشيل شي ثقيل
وماتتحرك تكرمين الا للحمام واكلها وبسسسس
واله يتمم عليها ياارب بس ترا مافيها خطووووووره لاتحاتي علاجها الراحه ’’

انا بحملي هذا نازلة عندي المشيمةمن اول اشهور الي الشهر السادس والحمدالله ارتفعت بالسابع والحمدالله انا الحين بالتاسع
بس مثل ماقلو البنات الراحه ماتتحرك وغيره بس لازم تاخذ ابر مثبة او حبوب ولاتحاتي والله يكتب الى فية الخيره لها

انا تدكتوري الله يجزاه خير قالي علاج المشيمه النازل بس انج تريحين ضهرج وماتمشين واجد وقالي اوعك ترفعي رجليكي لان اذا رفعتي رجولج راح يسير ضغط واحتقان على المشيمه فأفضل شي انج بس تاخذين الراحه التامه مع مشي قليل عشان مايصير معاج تجلطات والاكل الصحي والحبوب اللي يعطيها الدكتور الله يقومها بالسلامه وتفرح بالبيبي

أهم شئ الراحة والنوم على ظهرها

انا صارت لي بالرابع وبدون نزيف الحمدلله بس قالي ريحي ورفعي رجيلج فوق مخده او وهي نايمه على السرير ترفعهم شوي على الطوفه

وان شاءالله مالها شر

عسى ربي يتمم عليها امين

جزاكم الله خير بنات..

انا بعد امس قالتلي الدكتورة المشيمة نازله بس راح ترتفع مع تقدم الحمل

وانا حيييييل خايفه

بس شلون تقولون تنام او تريح على ظهرها لانه هالطريقه تقلل الاكسجين وانا جربتها حسيت بختنق

والله يسهل عليج يارونه وعلي وعلى كل حامل ويرزقنا بالذرية الصالحه

قولوا امين