ساعدوني الطبيب يهاوش

السلام عليكم

بنات انا كل ما اروح زياره لدكتور ويقيس الوزن يكون زايد كيلوين شسوي الحين 4 اسابيع على هالحال وهاوشني الدكتور يقول انتي بطوطه وزنج قاعد يزيد شسوي شسوي شسوي والله ببجي

واي ياقلبي
من سمعك قبل فترة انا وكبرياء نبي نسوي ريجيم

صدق احس روحي بنفجر

نفس حالتي واذا قلت بسوي رجيم قالو ياثر على الحمل ياربي شسوي راح انفجر لووووووول

والله الدكتور قالي يأثر على البيبي وانا طحتلج بجي واكل زيااده انا اذا حاشني خوف اكل يارب شسوي

بنات روحي دكتور تغذيه قولوله مو ريجيم بس اكل متوازن وصحي او دشو دايت سنتر

ان شاءالله ما ياثر اختي في كل حمال يزيد وزنها 30 او 40 كيلو وماشاءالله ما اثر عليها ولا على البيبي والله وصل وزنها 109 لووول

وعلى طول بعد الولاده شهرين تنزل كل الوزن الزايد

نفس حالتي ابي اضعف

امممم ،، حبيبتي بس حافظي على أكلج … وانتي مو بيدج اذا زاد بهالسرعه … يعني داخلج بيبي … لا تحاتين ان شاءالله مافيج الا العافيه … ولا تحرمين نفسج من الأكل ((بس عاد مو تمصخينها))

أنا أول ما رحت للدكتور … كنت اشوف البنات ببداية الحمل كلهم يضعفون الا انا زايده كيلوين … فقلت للدكتور … قالي "عليج بالعافيه"

بس حطي بالج هم المتن الزايد ممكن ((ممكن)) يأثر بعدين عالولاده …

الله يعين الجميع يارب

لك الحمد ياربي اكلي عدل و لا تكثرين بالحلو و مو تاكلين اكل رجيم مو زين يعني اكلي مثلا غداج بس كميه ياهل و كثري من الفواكهه و لا تشربين البيبسي و لا تاكلين حلويات و ككاو و كيك و لا تكثرين من المعجنات خليج عاديه اكلي عن نفسج مو عنج و عن الياهل و خلي اكلج متوازن اكلي سلطات ترى و الله مفيده لج و للبيبي عرفتي اشلون و لا تصيرين بليده على ابو حامل ما تتحركين كلش لا خليج عاديه يعني تحركي شوي و ريحي تحركي شوي و ريحي لأن في بنات على ابو حمل ما يتحركون فماينهضم الاكل عندهم

/
.,

يـاربي شكثـرِ اعــاني..

طلعت مـوبس آنـاأٍ..وياي قـروٍب..

بس آنـاأٍ من الشهـرٍ السـادس بـدا يـزيدْ..

مـع إنه اكلـي مو ذاك الــزوِدْ..

.,
/

حياتي .. اذا انتي حاسة نفسج قاعدة تزيدين وهالشي مو من اكلج ..

انتي عاد بالهشي حاااولي تعادلينه بأكلج .. يعني لااازم تخففين ..

الزيادة دايما ماتكوون من اول الاشهر .. لانه خووفيج تزيد بنص و اخواخر الشهور ..

ويأثر هالشي على ريلج وظهرج .. وايد راح تتعبين .. تدرين انا بأول حمال بس اضعف

لين الشهر الساادس يلاااااا متنتج شوي .. بس بعدين تفخت شوي .. وريلي وظهري كانو

حيل متعبيني موووووو شوي .. مع اني بس زدت 8 كيلو بطووووووول حمالي .. يعني اقل من الوزن الطبيعي ..

وروحي .. حق دكتوور تغذية .. وقوليله انا مابي ريجيم .. ابي اكل ما يتفخني ويكون مفيد حق الياهل ..

انا يوم ضعفت كنت اروح حق دكتور تغذية .. عشان مابي شي ينقص الياهل .. وبما اني كنت قاعدة اضعف ..

والحمدلله كان اووكي ..

فأنتي دير بالج .. عشان صحتج .. وبعدين عشان الياهل لايمتن بعدين .. ويأثر على الولادة ..

وربي يهون عليج ياعمري

حبايبي كل شي بالعقل حلو لا البلعه الزايده و الاكل المومفيد حلو و لا الرجيم زين ركزوا على المفيد الخضراوات الفاكهه البروتين و خروا عن السكريات و الدهون و الزيادة الطبيعيه من 8-12 كيلو فوق جذي صعب ينزل

الله يعينج انا عشت نفس معاناتج بس ماقدرت انزل وانا حامل شي من الوزن صعب بس بعد الولاده نزلتوزني بس لاتحاتين انشالله مو خطر انا
اعرف حريم متااان ويولدون ومافيهم الا العافيه الله يسهل لج انشالله

اختي لازم تمسكين نفسج مو كلما اشتهيتي كليتي.. ترى البيبي يأذيه الأكل الزايد وبالذات الدهون.. وبعدين اذا زدتي وايد ابتتعبين بالولادة .. فخلي كل شي بحدود المعقول .. اكلي اللي تحتاجينه مو اللي تشتهينه.. والله يوفقج

انا من ادري اني حامل شهيتي تنفتح واتحلم بالاكل اقوم نص الليل اطبخ هههههههههه
بس بعد الولاده انزل لان خلاص الشهيه توقف لا تحاتون