|
|
شلونكم بنات وشخباركم
اليوم رحت للدكتوره جان تقولي المشيمه عندج نازله والأفضل انج تروحي الصباح وانا توني بالثامن
بنات شتنصحوني في علشان ترتفع المشيمة
والله حدي مكتأبه لاكملت شغلي ولا شريت أي شي ما عدا الكفر
وبعد نامي لاتتحركين ولا تمشين مو زييييييييييين 00
اهم شي الراحه ثم الراحه ثم الراحه ولا تشيلين شي ثقيل ورفعي ريلج
بس أحاتي الدوام يوم الاحد شرايكم آخذ مرضيتي من الخاص ولا أروح الصباح أحسن
ولا أداوم واستأذن؟؟؟
|
المشاركة الأصلية كتبت بواسطة gothygeekah
 مشكورين
بس أحاتي الدوام يوم الاحد شرايكم آخذ مرضيتي من الخاص ولا أروح الصباح أحسن ولا أداوم واستأذن؟؟؟ |
انا خذيت مرضي ويوم طولت اخذييت اجازه
وبعدين داومت بس بلغتهم اني مااقدر على ضغط الدوام
وربج سهلها وارتفعت الحمدلله الفال لج
ثاني شي المشيمه مالها علاج الا الراحه اذا انتي ماتقدرين ترتاحين لازم تروحين المستشفى ينوومونج
واهم شي انسدحي وارفعي رجوولج
لا طبعا لازم تاخذين اجازه
وماتشوفين شرانشالله
ثم
الراااااااااااااااااااحه
ثم
الراااااااااااااااااااااااااحه
لا تداومين من صجج؟ ولا تصعدين سلالم
ولا تسوين اي مجهود واحمدي ربج بالثامن مابقى شي ان شاءالله عالولاده
خليج دايم منسدحه …
والله يقومج بالسلاااامه يارب
ان شاء الله ماكو الا العافيه بس الصباح اضمن لج
ماتشوفين شر
والمشيمه النازله بترتفع بس
ترتاحين
ومالها علاج
غير النوم ورفعت الرجوووووووووووووول
والدوام سوى مجلس طبي بيعطونج 6 اسابيع
وربي يقومج بالسلامه
انتي ارتاحي هالفتره وانسدحي واللي تبينه كتبيه بورقه وخلي اي احد يروح ايبه لج اهم شيء سلامتج وسلامة البيبي وكلها اقل من شهر وتولدين يعني ارتاحي هالفتره …
ومثل ماقالتلج الدكتوره روحي الصباح احسن ينومونج هناك
و لاتشيلين ثقيل و لا تصعدين سلالم
و ان شاءالله تولدين و البيبي بصحه و عافيه 