استفسار عن مستشفى الجهراء

السلام عليكم

شلونكم بنات أخباركم

بنات بغيت أسئل إذا في وحده توها والده بمستشفى الجهراء الحكومي
أو تعرف وحده توها والده شلون ولادتهم وصج يعطون كمام بالولاده مثل ما سمعت

انا ولدت من 6 شهور هناك
عنايتهم واااااايد زينه
انا ولدت قيصري بنج كامل
قمت لقيتهم حاطين كمام
ما ادري اذا الطبيعي يحطون كمام
اتوقع يحطون

الي اعرفه المستشفيات الحكوميه مافيها كمام للطبيعي عشان جذي الناس ترووح للخاص
بالتوفيق ان شاء الله

أنا ما سئلت إلا لأني أعرف وحده ولدت عندهم طبيعي وحطوا لها كمام وتقول خدرها وما حست بشي وقت الولاده
فعلشان جذي سئلت لأني بعرف هو للكل ولا للحالات الخاصه

ام عامر في وحده من اهل ريلي كل توولد بالصباح وتقوول انها تعطي لووحده من السسترات مبلغ محترم عشاان يهتمووون فيها ويعطوونها كمام بووقت الولاده عاد مااتدرين اذا صج ولاحجي انتي رووحي الحوادث بالمستشفى وساليهم الله يهوون عليج ان شااء الله

شدعوه بنات محد ولد بمستشفى الجهراء ولا يعرف أحد ولد فيه
ترى الجهراء منطقه بالديره مو على المريخ

حبيبتى انا جربت عندهم ولادتين

طبيعي وقيصري

واثنينهم ماشاء الله عنايه وكمام

حتى بالقيصريه قبل لا يوافقون على القيصريه انها كانت طلبي انا عطونى كمام ولاادري عن اى شي

وبولادتى الطبيعيه الاولى عطونى وقومونى حزة الولاده وقالولي انى لازم اسوى دفع معاهم واولد

وبعد نزول البيبي عطتنى ابره بالوريد مخدر وخيطتتنى الدكتوره ونمت مادري عن شي وقعدونى بعدين عشان اكل

اهو مو مثل الخاص طبعا بس مافيه شي اقل شي خبره..

والولاده ولاده ماتخلا من الطلق والعوار

والله يسهل على الجميع

بالعكس الحكومه في كمام انا والده بالعدااان وفي ابرة ظهر اذا بغيتي…

الحريم تولد بالخاص بس علشان عنايه فقط لاغير…..

كلامج صحيح

بالقيصريه اعرضو علي ابرة الظهر وانا رفضت وقلت ابي البنج الكامل

فكل شي يعطون بالعام

أشكر كل أخت ردت عليه
وعسى ربي يسهل على كل حامل حملها
ويرزق كل محرومه بالذريه الصالحه
اللهم آمــــــــــــــين

انا ولدت عندهم وعطونى كمام ورعايتهم حلوه