غرفه الولاده

السلام عليكم ؟؟

بنات شلونكم؟؟؟

بغيت أسالكم أدخلون زوجكم معاكم وانتو تولدون عادي ؟؟؟

انا ريلي دش و انا اطلق بس

بسلمن قالت الدكتوره خلاص البيبي ابيطلع ،،، طلع من الغرفه ،، و لمن يسولي فحص داخلي كان يطلع

لان انا اول بيبي انشالله هذا وودي حييييييييييييييييل ان يكون زوجي معاي بس كنت بشوف عادي

حبيبتي نصيحة لاتخلين ريلج يدش لأن فيه شغلات اذا شافها الريال يكره المرا بعدين ويشمئز منها خلي امج او خالتج احسن

انا بولادتي الاولى ما رضى ريلي يدخل بس هالمرة باحاول اقنعه يدش بس حزة الطلق يعني وقت الولادة انا مابيه يكون موجود

وانا بعد ما انصح ان يكون الزوج موجود وقت الولاده …… [COLOR="Red"]لكن[ضرورى يكون معاج اثناء الطلق علشان يشوف المعاناة وسبحان الله يحن قلبه عليج ويقدر التعب

انا راح اخليه يدش وقت اطلق بس وقت الصجيه لا يطلع بس عشان يواسيني

وقت الطلق اوكي .. بس حزة الحزة لااطبعا

لأن مارح ينفعني بشي وبيتعب نفسيا .. فالافضل ان مايكون موجود حزة طلعت البيبي ..

ووقت الفحص بعد مو حلو ان يكون موجود .. مادري فشلة

عادي خليه يمج عشان يعرف بقيمتج وشلون تتعبين عشان تييبيله ياهل يشيل اسمه
بس وقت طلعة الراس اكيد بخلي امي او يدتي يمي بس

شيدخلة؟ ريال فشلة
شدعوة يعني مايدري والا مايحس؟ اكيد يدري ويفهم
ماله داعي يشوف شي مايسره

اصلا اهو من قبل ما أحمل كان يقولي انسي ادش معاج غرفة الولاده
احسن لأن الكل نصحني مايدخل بس على قولة البنات ممكن حزة الطلق عشان يواسيني شوي

لا يدش ولا شئ خلي قاعد عند الباب وايد احسن بعد اهواا قاعد يشوف شنو صار فيني ماله داعي يكون مجابلني وقت الولاده شافني من اول ماحملت وشافت معاناتي من نسات وماكو اكل وبعدين يالنه الثقل وعوار جسم وماكو شئ ماصار فينا بالحمال لحين يت على الولاده وكافي بيشوفني اطلق وصارخ اعتقد كل ها كافي يخليه يعرف شلون الياهل الي يبي يشيل اسمه شلون طلع بعد معاناة وتعب حق الام بس الحمدالله على كل حال ويعرف يقدرني : )

بالعكس اخليه يدش اذا اهوة يبي هذا الشي و اتوقع الريال بالحظة ما يخلي مرته احلى شي يقعد معاي يواسيني على الي سواه فيني
بس وقت طلعت الياهل برة برة والله كريم ويسهل على الجميع ويتمم عليهم

انا ريلي دش و انا اطلق بس

الله يسهل علينا كلنا يارب هذا أهم شي وإذا ريلج يحب يكون معاج ماكو مشكله لأن إللي سمعته إنه في ستاره تفصل النص إللي تحت وقت الولاده علشان إذا أحد كان معاج