أتمنى يكون عندي توأم أرجو المساعدة !!!

هااااااااااااي بنات شلونكم … انا عندي بنت و ولد الله يخليهم لي يارب ويخليلكم عيالكم .. وانا ولاداتي قيصرية ويصير فيني سكر حمل واخذ أبر انسولين بالحمل وبعد الولادة الحمدلله السكر يروح.

زوجي الحين يحن علي انه يبي بعد ياهلين .. فا افترحت عليه ليش ما أييب توأم وافتك لأنه حمالي متعب وايد + اني مثل ماقتلكم ولادتي قيصرية وسكر حمل .

المشكلة اني ماعرف أروح حق أي دكتورة أو دكتور عشان التوائم.. في ناس من أهلنا راحوا حق د. فوزية القطان وماشالله كان عندها بنتين وصار عندها ولدين توأم الله يخليهم لها… بس مادري انا ما ارتاح حق فوزية القطان وخصوصا انه نفسيتها مو حلوة وكله تيي الولادة حدة حدة.. أبي مشورتكم وين أروح وبكون شاكرتلكم انا وزوجي وماقصرتوا خواتي.

والله ما عندي فكره يا عمري بس عسى ربي يرزقج كل ما تتمنين

قولي يالله بالصحه و العافيه…

كلهم نفس الشي و اللي يجيبه الله حياه الله

حبيبتي تر مال التواءم متعب فوق ما تصورين

و انت اصلا حمالج متعب و فيج سكر حمل

لنصيحة خلي طبيعي احسن لج

الدكتور جمال الأفغاني بالمواساة وحتى عنده علاج اذا تبين بنت او ولد والله يرزقج انشالله

ترى حمال التوأم متعب اكثر من الحمال العادي … و ممكن تحوشج ولاده مبكره …انتي قولي يا رب الصحه و العافيه و اللي فيه الخير الله يقدمه ..

و ترى لو خذيتي منشطات الدنيا اذا الله اتب لج التوأم راح تشوفينهم و اذا الله مو كاتب و لا دكتور و لا منشط راح يخليج اتيبين توأم

وبعدين حتى لو صار وبيوضجتج طلعت اثنين ترى مو شرط كلهم يلقطون

شوفي والله انا هالسالفه توها هالشهر صارت لي .. 3 بويضات وسبحان الله ولا وحده تلقحت ..

ان اراد شيئا كن فيكون خليها على الله يا بنت الحلال

والله انا مثلج ساعات يطق ببالي اني اييب توم بنات بس كثر اللي قريته بالمنتدي من بلاوي ابر المنشطات بصراحه خفت خلني جذي احسن …………….ز والله يرزقج بالتوم المعافين ياربي

الابر يمكن تصيب او تخيب مرات يكونون اكثر من توام
وبعدين انتي بروحج فيج سكر حمل وحمالج متعب ما انصحج

مشكوووووووووورين حبايبي لكل من رد على موضوعي والواحد يتمنى ويسعى والأكيد انه الباجي على الله سبحانه والله يتمم ويكتب اللي فيه الخير والصالح يااااااااااااااااااارب ويرزق كل محرومه انشالله الولد الصالح المتعافي