|
|
بنات صارلي 10ايام نفاس لما اقعد الصبح اخذ اللهوم مع الحليب والتمر وانام واقعد اخذ العصيده والظهر اتغدا وبعدين شاي اعشاب وبينهم تمر او كيكة ددارسين والعشى اي شي وبعدين شاي وانام
صح ولا في شي نااقص تكفون الحقوني
يسلمو للكل
نظامج كله صح
بس الجاي تخلين بينه وبين الاكل ساعتين
وتدفي واللهوم 10 ايام الحين تبدين السفوف
انا استخدم تمر الاعشاب جاهز من ام خالد
بس ان ماعندج حطي تمر ورشاد عشان ينظف البطن
شنو مكوناته؟
مشكووووووووووووووووووووووووووووووووووره مااقصرتي والله
لانه اللهوم بس اول 10 ايام
مادري واصلني جاهزه من خبيره الاعشاب بالبرنامج محطوط لي
من اليوم العاشر الى العشرين تبديل اللهوم بسفوف
واشرب قهوه النفاس مرتين باليوم
ادور لج شنو مكوناته هو نفس اللهوم بس شوي حسيته حامي بالحلج ويلسع ونفس طريقته مع الحليب مره صبح ومره قبل النوم
سفوف :
1- فائدته :
مفعول مضاعف لتنظيف الرحم
تنشف و اتضيق فلازم اتكملين عليها لاخر النفاس ؟؟؟؟؟
2- فترة استخدامة:
السفوف استعماله من ثاني 10 ايام الين اتحسين انج نظفتي خلاص يعني ممكن استعماله 15 الى 20 يوم تقريبا .
السفوف يستعمل ابتداءا من اليوم العاشر الى نهاية الطمث يعني ياما اتحسين ان الدم خف وياج ممكن اتوقفينه طبعا من اليوم العاشر الى اليوم العشرين يستعمل بشكل يومي و بعدها مرة كل يومين يعني اتخففين تدريجيا من استعمال الاعشاب .
3- مكوناته:
فنجان رشاد
فنجان محلب
فنجان حبة سودا
فنجان حلبة ( اختياري (
فنجانين) بذور بقدونس(
فنجان بذور كرفس
نصف فنجان بذور لفت
فنجان ينسون
فنجان كمون
فنجان كرويا
فنجانين فوة
فنجان دارسين
فنجان نخوة
نصف فنجان زنجبيل
ملعقة متوسطة عنزروت
حبة صغيرة مرة كبر حبة النخي .
4- طريقة الاعداد :
تنظف البذور جيدا ..ثم تحمص على نار هادئة بدون زيت ثم تطحن فورا باستعمال المطحنة الكهربائية الى ان تصبح نفس البودرة
ثم تحفظ في علبة محكمة الاغلاق .
5- طريقة الاستخدام:
الاستعمال : ابتداءا من اليوم العشر للنفاس ..طبعا رح تتوقفين عن استعمال اللهوم تبدئين بالسفوف الي ينظف الرحم نفس ما ذكرت
و الجرعة ملعقة متوسطة يوميا على الريق مع اي نوع سوائل
انا شريت العلبه منها جاهزه
وأكلج دافي ؟ انتبهي من البارد انتبهي
وانحاشي من الخيار والباميه والملفوف والفاصوليا والبطيخ والرقي
وخلي عنج الملابس الخفيفه دايم ثقلي لبسج ودلاغات لاتفارقج ترى الهوا يدخل من الرجل والرأس
وحاولي ترتاحين وتنامين
وان شاء الله انا احاول التزم بس مرات اخربط
وان شاء الله نطلع من الشر 
الله يعطيج العافية بس التمررره لازم لازم معاها ( رشاد حب كوب + الحبه السوده + فلفل اسود رشي حسب الرغبه )
دوا القهوه تحطين ملعقه صغيره بأستكانة الجاي وتضيفين القهوه ( عنزروووت مطحوون نص كوب + مره مطحونه نص كوب + كموون نص كوب ) تخلطينهم وتحطينهم بغرشه وشربيه تنظف البطن وتشييييييييييييييييييل الهوووى كله والعنزروت وايد مهم يشيل الترسبات الي بالرحم
ام سلوووم العشى اهم شي تدرين ليش لان يثقل الرحم لي الصبح
سوي بيض ورشي عليه ادويه
العصيده حطي معاها ادويه رشاد وحلبه وحبه سوده وهم رشي شوية فلفل
سوي الخلطه هذي وضيفيها الصبح للحليب والله الخلطه هذي قالت لي اياه وحده نعرفها سعوديه وطنشتهاااا ولا لقيتها بال وتالي اكتشفتها من النت والله قالت لي تبين لحمج يخيط ويحبج الريال جربيهاااااااااااااااا والله والله خيااااااال
الخلطه ( ربع قلاص فلفل ابيض + ربع قلاص زنجبيل مطحون + ماش مطحون قلاص )
اخذي قفشه صغيره وحطيها بالحليب وشربيه الصبح الساعه 5 قومي وسوي حليب مع تمرتج الي قلت لج عنها وردي نامي
والله يا ام سلوم بتدعين لي اهم شي ان الله يرزقني بالولد اخو لبنتي ويرزق بنات المنتدى
بس حبيت اسأل يصير اخذه ايام الدوره وينفع للي متاخره عن الحمل
الحلا كله الله يرزقج ويرزقنا يصير اخذ دوا القهوه ولا ماينفع
واللي عندها شي للحمل ترسلي خاص لاني تعبت وعادي عندي اجرب كل شي لان ماخليت شي ماجربته