المشد الاندونيسي لبعد الولاده ضروري الله يرزقكم ويوفقكم

السلام عليكم … شلونكم يابنات …
بغيت استفسر عن المشد الاندونيسي لبعد الولاده سمعت انه احسن من مشد السونا … بس لما قعدت اشوف لقيت منه انواع فيه ابو 5 امتار وابو 10 امتار ماادري شنو الاحسن وفيه انواع وانا مااعرف الاصلي فياريت احد مجرب المشد ونفع معاه ياريت تقولي من وين شاريته وشلون طريقته وبجم سعره لان الاسعار حيل مختلفه وضروري جدا جدا تردون بسرعه الله يوفقكم ….

انا سألت خدامتي عنه ومدحتلي ايه وصج انا خدامتي متيينة بس ماعندها كرش تقول لمدة شهرين عند الولادة تلفة على بطنها وما تقطة الا وقت السباحة وتنام فيه
انا شريتة انشالله لي ولدت بلبسة وبس وقت النوم بقطه وبلبس كورسيه خفيف من انور حق بعد الولادة
وانا عندي بو 10 امتار

انا كلفني سعرة مع التوصيل 6 ونص

الصارحه وااايد يمدوحونه وانا شريت وااحد وانشالله بجربه واييب نفس النتيجه اللي فبالي ,, شريته من وحده تبيعه بالمنتدى وكلفني 6 مع التوصيل

صارلهم سنين يمدحونه
واي وحده تدش تقول شريته وبجربه واقولكم نتيجه بعدين
متى يجي بعدين هذا
اندنوسيتنا كانت تلبس واحد عادي
نفس اللي ينباع عند بودينار ونص
ماشفت طاقه تلف روحها فيها
والله مادري عن الناس