|
|
بليز فيدوني بكل شي تسونه أو تاكلوونه حق تثبيت الأجنة ؟؟
اكيد الراحة التامة وعدم الجماع .. وتشغيل القرآن ..
ابي الاشياء الثانية .. مثل شرب النشا مذوب بماي؟ .. الخ
وهل الصلاة اصليها وانا قاعدة ولا عادي ؟؟ لان حملي بعد اطفال انابيب مو حمل طبيعي ..
وشنو اهي المثبتت اللي يقولون دايما بداية الحمل ياخذونها .. هل اهي ابر او حبوب ؟؟ شسمها ؟
مشكورين جزاكم الله خير مسبقا
وخلج عادي
وارتاحي اهم شي
انتظر 
لا تركبين السيارة وتروحين مشاوير طويلة ولا فيها مطبات
المشي الوايد مب زين
النزول والطلوع من الدري مب زين
هذا كلام دكتوري من سقطت
وربي يثبت حمالج يارب
وعليج بسورة مريم وآل عمران كل يوم
انا كله منسدحه . ومشغله قرآن ..
بس شنو آكل ؟؟ شسوي اشياء معينة ؟؟
اقدر اتسبح كل يوم ؟؟
انصحج تسألين الدكتور اللي سوالج طفل انابيب علشان يكتبلج على مثبتات
انا اخذت اول ثلاث شهور
فولك اسيد+جلوكوفاج + تحاميل مثبته + ابره يوم وترك وابره كل 3 ايام وبيبي اسبرين طول فترة الحمل+ دوفيستون
ومن بداية الشهر الرابع فيتامينات حمل
والابره غيرتها لي وخلتها اسبوعيه
انا انصحج تاخذين ادوية مثبتة ولا تعتمدين على المأكولات لان ممكن جسمج ما يستفيد منها
وبالنسبة حتى لو تتسبحين كل يوم بس لازم اديرين بالج وانتي بالحمام ولا اطولين وانتي واقفه يعني خليج وانتي قاعده افضل
وربي يثبت حملج يارب
ادعي بعد كل صلاة :
اللهم ان كنت قدرت جنبينا في بطني اسألك ان تجعله سليما معافى من كل عاهة وبلاء
وان تجعله في احسن صورة ووان تنبته نباتا حسنا
وان تجعله من حفظة كتابك بمنك ورحمتك وعفوك يا الله.
يارب تثبت لي حملي وتيسر حملي وولادتي
قراءة القرآن
والراااااااحه التامه
لاتشيلين شي ثقيل
الله يثبته إن شاءالله ويرزقج الذريه الصالحه ياااااااارب
تستاهلين
خلي صلاتج عاديه وانتي واقفه
بس السياااره ممنوع لا تسوقين والمطبات اشويشوي
واتسبحي عااادي يقلبي
اهم شي لتثبيت البيبي الراحه واقري سوره البقره وكل يوم اقري المعوذات وايه الكرسي ومسحي علي بطنج
قتلج انا من قبل الخيااار وااايد زين
اكلي اكل صحي وجبات سريعه انسيها
اخذي فوليك اسيد
مثبتات الدكتوره توصفهم لج علي حسب حالتج وهي ادري فيها
لا تناططين ولا تصخرين ولا توقفين مده طوييييله
والله يتمم عليج ياااااارب
والمثبت اسمه دوفيستون
بس خللي الطبيب يوصفه لج حسب حالتج
واكو محاذير بالنسبه للأكل
القرفه ممنوعه
الرطب ممنوع
والخروع ممنوع
هذيل اللي اذكرهم والبنات مايقصرون
تحياتي
|
المشاركة الأصلية كتبت بواسطة منتج كويتي100%
 حبيبتي صلاتج صليها عادي طبيعي مو نفس ماي قولون البنات وانتي قاعده لان يقولج سبحان الله الصلاة علااج للمرأه الحامل
انصحج تسألين الدكتور اللي سوالج طفل انابيب علشان يكتبلج على مثبتات انا اخذت اول ثلاث شهور فولك اسيد+جلوكوفاج + تحاميل مثبته + ابره يوم وترك وابره كل 3 ايام وبيبي اسبرين طول فترة الحمل+ دوفيستون ومن بداية الشهر الرابع فيتامينات حمل والابره غيرتها لي وخلتها اسبوعيه انا انصحج تاخذين ادوية مثبتة ولا تعتمدين على المأكولات لان ممكن جسمج ما يستفيد منها وبالنسبة حتى لو تتسبحين كل يوم بس لازم اديرين بالج وانتي بالحمام ولا اطولين وانتي واقفه يعني خليج وانتي قاعده افضل وربي يثبت حملج يارب ادعي بعد كل صلاة : اللهم ان كنت قدرت جنبينا في بطني اسألك ان تجعله سليما معافى من كل عاهة وبلاء |
ياحياتي تسلم أناملج على الي كتبتيه .. الله يجعله بميزان حسناتج .