وين كنتي لما تفاجأتي بالطلق ؟ وشو سويتي ؟ شاركينا بتجربتج ^__^

أنا ببدأ
وين كنتي اول ما حسيتي بالطلق ؟ وشو سويتي ؟
كنت أكلم أمي بالتلفون الساعه 10 الصبح يوم الجمعه وحسيت بلاوي انزلت مني قلت لها شوي وبكلمج قالت لي فيج شئ
قلت لها لا بس بروح الحمااااااااام واخذت التلفون معي وعلى طول اتصلت على زوجي
منو كان معاج وقتها وكيف تصرفتي ومنو خبرتي ؟ومنو وصلج المستشفى؟
محد عندي اهل زوجي مسافرين وزوجي في المسجد\ جاء من المسجد وداني الساعه 12 الظهر وصلت
متى جهزتي اغراض المستشفى لج وللبيبي ؟ وشو هيه الاغراض ؟
بدايه الشهر التاسع
كيف اتجهزتي للمستشفى << للولاده >> وشو كنتي لابسه وقتها ؟
كنت لابسه القميص اللي نايمه فيه وفي المستشفى لبسوني لبسهم اللي يجيب المرض
شو المواقف الي مابتنسينها في هالوقت ( تضحك او تقهر ) ؟
موقف يقهر
الدكتوره المناوبه الله لايوفقها كانت تصرخ على وتقول تستاهلين اللي بيجيك وشوفي خشمك كيف منفوووخ (كان عندي زلالالال) لانها كانت قبل اسبوع لازم تنويم انا وقعت على مسوئليتي وطلعت
موقف ضحك
قلت حق النيرس بروح الحمام ودتني وكانت بتدخل معي الحمام طردتها
ولما راحت طلعت من الحمام واروح البراد اشررررررررررررررب ماي وشافتني وقامت تصررررررررررررررخ وانا ميته على شكلها من الضحك ((طبعا هاذا اليوم الثاني ))
وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
احب اقولهم لا تصارخون لان محد بساعدج لا الدكتوره ولا امج ولا ريلج
كيف كانت ولادتج بشكل عام ؟
طبيعي بس من الساعه 12 لين الساعه 11 بالليل شفت الموت بس الحمد لله
منو اختار اسم البيبي ؟
زوجي

وينكم ووووووووووووووووووووووووووووووينكم

حشى ما اصدق

[COLOR="SeaGreen"]وين كنتي اول ما حسيتي بالطلق ؟ وشو سويتي ؟[/COLOR]
كنت بسيتي سنتر لما حسيت بالطلق وما كنت ادري انه هذا طلق …
منو كان معاج وقتها وكيف تصرفتي ومنو خبرتي ؟ومنو وصلج المستشفى؟
اللي كان معاي زوجي وحمواتي .. وكانوا يقولون ان هذا مو طلق … بعدين رحت حق امي … اللي راح معاي المستشفى امي وزوجي وأخوي وبعدين وصلوا حمواتي …
متى جهزتي اغراض المستشفى لج وللبيبي ؟
جهزت اغراض المستشفى بآخر الشهر الثامن
كيف اتجهزتي للمستشفى << للولاده >> وشو كنتي لابسه وقتها ؟
ما كان عندي وقت اتجهز .. وكنت لابسة عبايه
شو المواقف الي مابتنسينها في هالوقت ( تضحك او تقهر ) ؟
لما كنت بالولادة … شفت الكمام يطير فقمت وقلت حق السستر ترى الكمام طار طار

وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟

لا تنسون الدعاء والذكر …

كيف كانت ولادتج بشكل عام ؟
ممتازة
منو اختار اسم البيبي ؟في الأول ( أمي ) ، في الثاني ( حماتي ) ، في الثالث ( زوجي ) ، في الرابع ( أمي ) طبعا انا ما لي حق لكن اوعدكم في الخامس أنــــــــــــــــــــــــــــــــــــــــــــــــ ـــــــــــــــــــــــــــــــــــــــــــا …

انا ماحسيت بطلق بس شفت افرازات قويه وكنت توني داشه شهري رحت حق دكتورتي قالتلي انتي ولاده روحي تعشي وزهبي اغراضج وروحي الطبيب
وقتها كنت بشقتي ودقيت على اختي وقلت لها وقالت هذي اعراض الولاده ورحت معاها وريلي اللي وصلنا ومسكينه كانت والده صار لها شهر ونص طبعا من دريت مت من البجي من الخرعه
اختي اللي جهزت جنطتي وجنطت البيبي
دشيت الطبيب الساعه 10 بالليل وحطولي تحميله الطلق الصناعي مع العلم الرحم ماكان متوسع وردوا الساعه 6 الصبح وحطتلي تحميله بس ماكو فايده وقالتلي بوسع الرحم شوي قلت اوكي ويلريتني مارضيت عوار موطبيعي صراخي شال الدنيا ريلي من الخرعه انحاش
نسيت اقولكم انبط الماي وكملت 24 ساعه وكل شوي تقيس وماكو فايده موراضي راس البيبي ينزل ولا اتوسع وقرروا عمليه قيصريه طبعا مت من البجي لان امي كانت مسافره وحسيت اني محتاجتها وايد الله يخليها وطول بعمرها هذي اول صدمه طبعا دخلوني العمليات خدروني بطلت عيني ولا انا بالافاقه صعدوني غرفتي اسال عن البيبي قالو تحت بس كنت حاسه ان في شي موطبيعي وكانو يطلعون من الغرفه ويتكلمون المهم قمت ابجي ييبوا ولدي شان يعترفون ان حسوني تعبان شوي وعنده دكتور الاطفال يفحصه ماصدقت شوي ولا ريلي واخوي منادين الدكتور عشان يطمني ومصورينه بكامرة الفيديو وحاطين اسمي على ايده وقالي ان حسين فيه ثقب بالحجاب الحاجز ومحتاج عمليه وحولوه الرازي نفس يوم الولاده ومن الصبح سووله العمليه والحمدلله ظل بالطبيب اسبوعين وانا كل يوم والثاني رايحه الطبيب اشوفه حبيبي وعمليته كانت وايد كبيره اكبر من عمليه القلب والحمد لله كل شي عدا والحين عمره 3سنوات و3شهور
وعن الاسم انا وريلي اللي اخترنا الاسم

شكر لمروركم

وين كنتي اول ما حسيتي بالطلق ؟ وشو سويتي ؟
كنت نايمه وقعدت من النوم الساعه 6 وثلث الصبح بس كنت متوقعه اني راح اولد لان كان ينزل علي ماي شوي شوي قبلها بيوم … ماسويت شي نطرت الطلق يحمى

منو كان معاج وقتها وكيف تصرفتي ومنو خبرتي ؟ومنو وصلج المستشفى؟
كان معاي زوجي بس نايم وخليته نايم لوووول … دقيت على امي وقلت لها … زوجي وداني الساعه 10 الصبح بس ردونا لان كنت واحد سم بس رديت لهم الساعه 10 بالليل وكنت 7 سم يعني ولاااااده

متى جهزتي اغراض المستشفى لج وللبيبي ؟ وشو هيه الاغراض ؟
من الشهر الثامن وماخلصت الا قبل لا اولد بجم يوم لاني كل يوم اتذكر شي وحطه وانصح البنات يسون جذي عشان ماينسون شي
حطيت ملابس لي واللبيبي وشامبو وكريم الجسم ومشط وسليبر و و و وايد اشياء نسيت و الله

كيف اتجهزتي للمستشفى << للولاده >> وشو كنتي لابسه وقتها ؟
رحت لابسه عباتي واهم عطوني ملابس للولاده هناك

شو المواقف الي مابتنسينها في هالوقت ( تضحك او تقهر ) ؟
الهندي اللي كان يدز الول جير بط جبدي اثول اقوله اوقف صبر يقولي زين زين انا مايودي انتي ولاده الحين عباله خايفه من الولاده
اقوله صبر امي وزوجي راح يدوروني الحين مايدرون انا وين رحت ماعندي تليفون يقول انتي لاااا يخاف اقوله اوقف مايوقف عاد اشوه شفت امي توها صافطه السياره ودخلت المستشفى اشرت لها ويت عاد زوجي واختي يو عقبها وكلهم شفتهم عند باب الاصنصير يعني الاخ كان بركبني الاصنصير قبل لا يوصلون بشوي اشوه وصلوا …

وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
خل يكثرون من الدعاء وقراءة سورة الزلزله وادعية تسهيل الولاده الله يسهل عليهم إن شاءالله

كيف كانت ولادتج بشكل عام ؟
صعبه على كلام امي وزوجي والدكتور لاني كنت شبه مغيبه مادري عن شي
وكانت شفط على اخر لحظه لانهم بنزلوني العمليات اشوه مانزلوني الحمدلله

منو اختار اسم البيبي ؟
انا اخترت اسم بنوتي حبيبتي … وبخلي الاولاد على زوجي إن شاءالله

يعني مثلا.. وين كنتي اول ما حسيتي بالطلق ؟ وشو سويتي ؟
والله كنت سهرانه في بيت خالتي ام زوجي وبما ان بيت خالتي قريب من هارديز البدع قلت حق زوجي خل انروح هارديز مشتهيه برد
قالي يالله خل انروح مشي ورحنا وردينا تكرمون حسيت اني حصرانه دخلت الحمام ولا نهر من الماي استغربت كل هذا شسمونها
عاد وقفت عند الباب انادي زوجي ولا خالتي بعد عمري اوصلت الحمام قبل زوجي ها اشفيج قلت لها السالفه
عاد اهني اعرفت انها ولالالالالالاده

منو كان معاج وقتها وكيف تصرفتي ومنو خبرتي ؟ومنو وصلج المستشفى؟
اممممممممممم الاهل والاقارب اول شي اهل زوجي وبعدين زوجي وداني المستشفى وتالي امي يت

متى جهزتي اغراض المستشفى لج وللبيبي ؟ وشو هيه الاغراض ؟
كنت امجهزه كل شي من زمان يعني اول مارحت المستشفى عدتي معاي

كيف اتجهزتي للمستشفى << للولاده >> وشو كنتي لابسه وقتها ؟
والله رديت الشقه تسبحت ولبست عبايه

شو المواقف الي مابتنسينها في هالوقت ( تضحك او تقهر ) ؟
يوم حطو علي الطلق الصناعي من زود العوار بغيت انحاش من المستشفى بس تأثير البنج منعني
وبعدها لما زاد العوار قلبت على بطني وانا ابجي واقول ما ابي اولد خلاص

وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
الصراخ ما يفيد خشي صرختج وكل ماحسيتي بالعوار ضغطي لي تحت

كيف كانت ولادتج بشكل عام ؟
والله ولادتي صار متعسره وتعذبت وايد
بس الحمد لله اهم شي البيبي صاحي

منو اختار اسم البيبي ؟
انا وزوجي طلعنا نحب اسم حسين من قبل لانتزوج
فسميناه حسين نور العين

وسلامتج

لوووووووووووووووووووووووول

امبيييه موقفج الرها حده عجييب اتخيلت شكلج وانتي تتمشين رايحه تشربين مااي وانتي فيج ولاده لووووووووووول

والاسطووره عجييبه انتي مااتبيين تولديين لووووووووووووول

الله يهون علييج

ومشكوره حبيبتي على الموضوع

ولما احمل ان شاءالله اقولج

مو تضحكون انا بجريه ومن حملت وانا شايل هم الولاده من كثر ماكانوا يخرعوني البنات يالله انا ببدي بالاسئله:

وين كنتي اول ما حسيتي بالطلق ؟ وشو سويتي ؟
كانت الساعه 8 الصبح وكنت بفراشي نايمه من حسيت فيه ولا تحركت ولا قمت من مكاني كلش صرت علج لزقت بالفراش

منو كان معاج وقتها وكيف تصرفتي ومنو خبرتي ؟ومنو وصلج المستشفى؟
ماكان عندي احد زوجي بالدوام ولمن رجع من الدوام قلتله واتصلت على امي قلت لها تعبانه ورحت لمي ( ياطول بالي والله ) ولين الساعه 7 المغرب ودتني امي وخواتي العياده عند طبيبي لانه كان بعياده خاصه مو بمستشفي وضغطي ارتفع من شفت ويهه

متى جهزتي اغراض المستشفى لج وللبيبي ؟ وشو هيه الاغراض ؟
امي جهزت الجنطه اول مادخلت شهري لو ناطرتني جان ماشافتها

كيف اتجهزتي للمستشفى << للولاده >> وشو كنتي لابسه وقتها ؟
كنت نفنوف بيت قصير وفوقه عبايه

شو المواقف الي مابتنسينها في هالوقت ( تضحك او تقهر ) ؟
لمن قالي طبيبي الحين تروحين المستشفى قلتله ابي اروح اتعشي مع اني ماكنت يوعانه بس النحشه شلون تصير

وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
نصيحتي لاتصبرين على نفسج وايد من يصير قتها على طول روحي المستشفي احسن

كيف كانت ولادتج بشكل عام ؟
الحمدلله السهاله من الله والله حسيت بتعب وايد لاني دخلت المستشفى الساعه 7.30 المغرب وولدت من باجر الساعه 4 العصر

منو اختار اسم البيبي ؟
انا طبعا عقب هالتعب

وسلامتكم

للرفع

وين كنتي اول ما حسيتي بالطلق ؟ وشو سويتي ؟
على الأول : نزل ماي الساعة 12 الظهر
على الثاني : عوار خفيف لما زاد من الساعة 6 المغرب لما الساعة 12 بالليل رحت المستشفى

منو كان معاج وقتها وكيف تصرفتي ومنو خبرتي ؟ومنو وصلج المستشفى؟
على الأول : خالتي و عمي وصلوني المستشفى ، ريلي كان بالدوام مشغول
على الثاني : زوجي و خبرت امي و ابوي ، مساكين ياو المستشفى وراي الفجر

متى جهزتي اغراض المستشفى لج وللبيبي ؟ وشو هيه الاغراض ؟
من نهاية الشهر الثامن شغلي جاهز

كيف اتجهزتي للمستشفى << للولاده >> وشو كنتي لابسه وقتها ؟
على الأول : لبست نفنوف عنابي حفر مع توينز بيج و الشيلة مكس من اللونين
على الثاني: لبست بنطلون اسود مع قميص حفر تايغر و بودي اسود

شو المواقف الي مابتنسينها في هالوقت ( تضحك او تقهر ) ؟
على الأول: كنت يايبة معاي بالجنطة بيجامة حلوة اخذتها من ck و كانت تدخل فيني ليما التاسع ، طلعتها و ابي البسها اشوفها عند الورك مو راضية تدخل ، مع دخلة السيستر جان تضحك علي و تقولي ما يدخل ؟ ، وقتها عطيتها خزة اللي انقلب وجهها .
على الثاني : كنت طالبة ابرة ظهر من كنت بالشهر الرابع و مكتوب بالملف ، ولادتي كانت الفجر و دقوا على الدكاترة حضراتهم نايمين و قالوا لما نوصلج راح تكونين انفتحتي 7 سم و ما تسوى نعطيج ابرة ظهر ، اهني طلعت عيوني برة ، و قلت لهم انا اوريكم باكر ان ما اشتكيت عليكم و فضحتكم اوريكم ، الصراحة اتوصوا فيني و عطوني الكمام بذمة مع الابرة اللي بالوريد ، صحوني لما خلصوا و قالولي مادام خلاص ولدتي ، قلت بقلبي عبالي بعد لو حسيت بشي جان شقيتكم شق

وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
توكلوا على الله و اذكروا الله دايما في الطلق … و سورة مريم

كيف كانت ولادتج بشكل عام ؟
على الأول : كانت ولادتي قشرة ، و شفت العذاب و أهوال يوم القيامة
على الثاني : مثل ما قلتلكم ما حسيت بشي .. الفال حق اللي في بطني الحين

منو اختار اسم البيبي ؟
انا و زوجي

وين كنتي اول ما حسيتي بالطلق ؟ وشو سويتي ؟
كان الصبح عندي موعد عند دكتورتي فحصتني جان تقول 2 سانتي

منو كان معاج وقتها وكيف تصرفتي ومنو خبرتي ؟ومنو وصلج المستشفى؟
كنت انا واختي علبناموعد وارد البيت
متى جهزتي اغراض المستشفى لج وللبيبي ؟ وشو هيه الاغراض ؟
مجهزتها من دشيت شهري وبدبة سيارة زوجي

كيف اتجهزتي للمستشفى << للولاده >> وشو كنتي لابسه وقتها ؟
عبايتي

شو المواقف الي مابتنسينها في هالوقت ( تضحك او تقهر ) ؟
اول ماطلعت من الولاده جني بالعه راديو بس اسولف ومو بوعيي وقلت اشياء سخيفه افكر فيها

وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
اهم شي الخوف سيطري عليه لايسيطر عليج

كيف كانت ولادتج بشكل عام ؟
الحمدلله
منو اختار اسم البيبي ؟
زوجي

وين كنتي اول ما حسيتي بالطلق ؟ وشو سويتي ؟
هاليوم جايه خالتي وبنتها عندنا ..وعلى طول حسيت بشي دافي نزل مني ..وعلى طوووول طلعت وانا معطتهم وجهي ..لووووول بدال ظهري يعني هههههههه
منو كان معاج وقتها وكيف تصرفتي ومنو خبرتي ؟ومنو وصلج المستشفى؟
امي وام زوجي راحو معي المستشفى ..واللي وصلني اخوي بعد ماجاء من مشواربعيد وبالموت لقيت احد

متى جهزتي اغراض المستشفى لج وللبيبي ؟ وشو هيه الاغراض ؟
اول مادخلت التاسع ..ملابس للبيبي على قطعه وحده واغراض لي قمصان +شربات +مرطب ..الخ
كيف اتجهزتي للمستشفى << للولاده >> وشو كنتي لابسه وقتها ؟
اتروشت ..وجهزت نفسي ..شربت حليب دافي ..فستان ناعم بس بدلته

شو المواقف الي مابتنسينها في هالوقت ( تضحك او تقهر ) ؟
تقهر
بالشهر السابع كان الجنين نازل على رجله ..واقول للدكتور سوي لي سونار تأكدي مابي اولد كذا مو راضيه
بعد ساعات وانا الح عليها بالموووت رضت الله ياخذها مادري ليه مو راضيه وانا حدي ميته من الخوف

وشو تعلمتي من تجربتج وحابه تنبهين البنات الي بيربن له ؟ يعني شو نصايحج؟
اهم شي تحاول انها تتفاءل..وتحط في باله ان هالالام تقدر تسيطر عليه بالنفس العميق ..وذكر الله
واهم شي لاتجهد نفسهل بالصراخ اللي يرهقها
كيف كانت ولادتج بشكل عام ؟
طبيعي ..بس كانت بطلق صناعي وكانت 7 ساعات

منو اختار اسم البيبي ؟
زوجي
واخيرا يعطيج العافيه عسووووله