أنا أخلص شهري الأسبوع الجاي

بنات أنا أخلص شهري الأسبوع الجاي وحدي زهقت
وتعبانه حتى النوم صاير بالحسره علي من التعب (الله يأجرنا انشالله)
ودي أولد هالاسبوع بس خايفه من هالسوالف ( الخروع والدارسين)ما ادري شرايكم؟ شنو اسوي ؟
مشيت على الشاطى كم مره وتعبت؟ ولا في نتيجة
كثرت من الجماع وتعبت؟ ولا في نتيجه
أشرب منقوع الزعتر كل يوم

وبعد كل هذا يقول الدكتور انتي مش مفتوحه !! أحس باكتئاب حيل
بصراحه أنا بجر ومشتاقه حيييييييييل للبيبي ودي أشوفه

الله يهون عليج أكلي رطب وأذا ماحصلتي تمر..وسمعت عن كف مريم مرت أخوي جربته وتمدحه يولدج بسرعه بعدالله ويسهل ولادتك أنشالله تلقينه عند الحواج….

الله يسهل عليج وعليج بالقرأن وانشالله تولدين بالسلامه

والبجر يطول ما عليه فات الكثير طولي بالج

الله يسهل عليج وتولدين باذن الله قريب

حبيبتي الدارسين والخروع اتسرع الطلق لما يكون الرحم اصلا مفتوح بس اذا مو مفتوح وايد ناس يستعجلون و ينبط عندهم الماي و يولدون يا طلق صناعي او قيصريه
كثري المشي و اذا كلش كلش مالج خلق سوي مثل مرت اخوي اذا بتولدين بخاص قولي حق دكتورتج اتدخلج طلق صناعي

الله يهون علييج يارب

الله يهونها عليج ياقلبي
المهم لا تنسين تقرين القرآن قبل ما تروحين .. و لا تحاتين شي ..