القيصريه بليزبليز ابي مساعده

شلونكم ياحلوووووين

بليز عندي سؤال و حيل محتاره وجد محتاجه مساعده…….

ابي اهل الخبره ابي وحده مجربه تجاوب علي بكل ضمير وتفصيل

انا راح اولد قيصريه والخاص مايستقبل حالتي (مابي اذكر تفاصيلها)

فعشان جذيه راح اولد بحكومه
سؤااااالي

اي احسن
مستشفى الفروانيه
والا
مستشفى الصباح

انا من تجربتي يوم جاني طلق جناح الوضع بالفروانيه احسن من الصباح بس……

العملياااااااااااااااااااات اكيد غير

ابي اللي جربت الولاده بالصباح او الفروانيه تقولي تجربتها
ادري السهاله من الله بس بعد الواحد يدور الافضل

انا جربت القيصرية بالصباح زينيين

شوفي اختى جربتها بالفروانيه تمدحها عنايتهم بالقيصريه غير عن الطبيعي
وبنت اختى جربت الصباح هم تمدحه ابرة ظهر وعنايه كل شوي يجون عندج

الله يسسهل عليج انشاءالله

اذا انتي عارفه ولادتج قيصريه حاولي تشوفين لج مستشفى خاص احسن …(او شوفي دكتوره زينه انصحج بنداء بو خضور شاطره بالعمليات) تدرين ليش ….انا اعلمج….لان بعد العمليه ما تقدرين تتحركيييييييييييييين و الظهر و المقعده وااااي يشبوووون عليج عوار..فماااكوووو حل غير انج كل ربع ساعه تحركين ظهر السرير عشان تغيريين وضعيتج (الحكومه اسرتهم تحريك يدوي انتي ما تقدريم تتحكمين فيه , اللي يزورونج اهم يفرونه لج عبااااله راح تستحيين كل شوي تقولين فرووو اللي ترفع وتنزل ظهر السرير…بس الحكومه كهربااااا بايدج تحركيين عالراااااااااااحه على كييييييييييفج خو اهم شي صحتج و راحتج……..هذا رايي

بس يقلبي دام تقولين انج حاله خاصه روحي الصباح قبل فتره قصيره ناس قالوا لي ان الصباااح مسوين تجهيزاات قوووووووووووويه للولاده يعني مطورين ..والعهده عالراوي

ماعندي فكره

ماتشوفين شر

اانا ولدت قيصيريه بالصباح والله ماعليهم ويهتمون فيك بس هذا قبل عشر سنوات الحين والله مادرى وشلونهم تغيروا والا على خبرى
الله يسهل عليك ويقومك بالسلامه وربك ييسر الامر

حبيبتي انا كنت بحمالي خابه نفسي واتحلم بالمظاهر والاستقبال واب افخم جناح احجزه .. تدهورت حالتي بالحمال ورحت الخاص بهذلوني ومات البيبي عندهم وقام كل مكان يدزني على الثاني لين اخر شي وصلت الصباح واهم اللي لحقوا علي من بعد ارادة رب العالمين طبعا ..والله ثم والله اني انصدمت انهم صج جذي حبوبين ويتعاطفون معاااج ومن غير كل التجهيزات عندهم وماتحتاجين حق شي وانتي مثل ماتقولين قيصريه ترى القيصريه يهتمون فيها زياده وتكون الاولويه لها بكل شي تبيه .. توكلي على الله والله يسهل عليج يارب ويقومج بالسلامه ويقر عينج بشوفة بيبيج اللهم امين ..

مشكوووووووووووووووورين وما قصرتوااااااااااااااااااااااااااااا
بعد ابي تجارب