قيصرية دار الشفا

السلام عليكم بنات

حبايبي انا مصدومة حيييل من شغلة !!

ولادتي ما بقى عليها شي و انا مخططة مع دكتورتي ان اولد قيصري في الرويال حياة..

مرة حماي توها امس والدة قيصري بعد بالرويال ، بس واااااااايد تعبوها الله يهداهم!!
عقب ما ولدت مباشرة ولدها شرب ماي جان إيي دكتور الاطفال سيدة حق ريلها ويقول لها ترى ولدك شرب ماي و نبي نسوي له زراعة دم و مادري شنو ، تخيلوا قاله جذي و هو توووووووووووه ميود الياهل مستانس فيه !! ماخلاه حتى يتهنى و عفسه !!!!!!!

و ثاني شي …

الحين حق القيصرية يايبيين جهاز يديد ينحط فيه دريب مسكن للالم بدل ما يحطون ابرة بظهرج…

و الله يا بنات انا موجودة و اجوف مرة حماي تتأذى لانه كل 10 دقايق يطلع صوت مزعججججججججج جنه صفاااارة!! و كله اتنادي الممرضات علشان يسكتونه و عقب ما يسكتونه ب10 دقايق هم بعد يرد يدق !!!

انا انقهرت قلت خلنا انحاجي مديرة الممرضات !!
جان اتيينا و اتييب لنا واحد مصري مسؤل التخدير .. حاس فيه شوي و سكت..

المهم انا بعدين مشيت رديت البيت..

اليوم الصبح يقولون لي ان مرة حماي ما قدرت اتنام بسبة هالجهاز كله يصفر عليها!! و ياريت سكن ألمها!! الا بالعكس كانت اتحس بألم..

فبنات احس روحي انعفست !!

لاني كنت واثقة ان الرويال خدمتهم زينه.. و مرتبة ان استقبالي بيكون هناك بس عقب اللي جفته خفت..

اوكي يمكن اللي ولدوا طبيعي ارتاحوا فيه لان اللي والدة طبيعي ما عندها مشكلة عقب الولادة.. بس اللي والدة قيصري هذي اللي تحتاج رعاية خاصة و اهتمام و اهني يبين اذا المستشفى خدمتهم شي ولا لا..

للامانه مرة حماي مدحت الممرضات و اهتمامهم وقت العملية، كانوا وايد زينين وياها في غرفة العمليات.. بس عقب العملية ما ريحوها و لا خدموها عدل..

الحين بنات افكر اولد في دار الشفا… لان دكتورتي هم اتولد بدار الشفا..
فسؤال…..

منو جربت ((قيصرية)) دار الشفا ؟؟؟؟

اقصد عنايتهم و اهتمامهم بعد العملية؟؟ يريحونج و يعطونج مسكن زين؟؟ و الا ما يهتمون عدل؟؟

فيدوني بنات لان لازم ارد على الدكتورة هاليومين و اخذ قرار وين اولد..

و السهالة من الله ان شالله..
لا تنسونا من صالح دعاؤكم..
و يزاكم الله خير

انا ولدت قيصري بالشفا صراحة خدمتهم تهبل وبالهم وسيع سواء بغرفة العمليات او بعد العملية …. والله كنت كل شوي اناديهم مسكن وغيره بس تحملوني عادي ..
للأمانة عن تجربة اقولج دار الشفا خدمة الممرضات عندهم تهبل …
وتقومين بالسلامة انشالله

حبيبتي السهالات من رب العالمين يمكن اهي دكتورها مو شااااااطر اهو الصراحة على الدكتووور اذا كان شاطر ماصارت هذي الاشياء وانتي بعد توكلي على الله اولا واخيييرا

احلى حمامة

حبيبتي شنو علاقة الدكتور بعد العملية؟؟ الدكتور ينفعج حزة العملية، بس عقبها السسترات هم المسؤولين عن رعايتج و اهتمامج و مسكنج و هالسوالف، الدكتور احتكاكج فيه بس وقت العملية و يمرج اليوم الثاني يتطمن على الجرح بس !!

انا بدار الشفااا قيصريه احسن مايكون يهبلون من كل ناحيه

هلا اختي الفرس الاصيل بصراحه اعرف وحدة توها والدة قيصري بدار الشفا مرتاحه منهم وايد و جتى السسترات على طول يطلون عليها و ما قصروا معاها…….استخيري و توكلي على الله ….و الله يسهل عليج و يقومج بالسلامة.

حبييبتي عن تجربه دار الشفا توكلي على الله وعزمي

انا والده قيصري بدار الشفا
والصراحه وايد ارتحت وكنت مرعووبه من القيصريه
بس مشالله ريحووني وبغرفه العمليات كله اضحك خخخخخخ خبله

وبالنسبه حق الجهاز بنت خالتي جربته بدار الشفا وقالت نفس السالفه يطلع صوت واذاها بس ارتاحت عليه
انا كنت ابيه بس قالو انه ماله داعي مدام حاطه ابره ظهر
وبعد الي عرفته انه عندهم سسترات بس حق القيصرية
فاتكلي عالله وروحي لهم وشكريني

يزاكم الله خير طمنتونيييييي ..

انا الحمدلله استخرت و بجوف شلون الله بيسرها ان شالله