|
|
مرحبا خواتي
بالنسبة للاخوات اللي ولدوا في مستشفى رويال حياة
اي غرفة اخترتي 00 وليش
ادري طبعا لازم تكون على حسب الميزانية
بس انا ودي اعرف الغرفة المناسبة اكثر واللي تكون حلوة وبدون بذخ زايد
طبعا ليلي ما افكر فيها لانها صغيرونة
بس من كاميليا وطالع 00 اي وحدة تحسون انها مناسبة بدون مبالغة
ويلا نشوف ردوكم يا حلوين واللي عندها خبرة بهذا المستشفى تتفضل نبي تجاربكم
بانتظاركم
أوراد
كنت بصراحه ابي اخذ الياسمين كنت قايله حرام مافي فرق بس السعر يفرق وايد بس لما رحت بولد طلعو فل مافي الا اللوتس فبعد عمري ريلي ماقصر واخذه لي
بس بصراحه انا كنت اقنع نفسي انه ماكو فرق بس لما اخذته صج حسيت بالفرق وااايد اكبر واشرح من الياسمين
وسلامتج
انا والده ليلي
والمستشفى بصراحه خدمة حلوه وارتحت لهم حيييل
وبصراحة ريحتوني 00 من ناحية الخدمة
يلا بنشوف تجارب الباقيين
اما بالنسبة لي خذيت ياسمين حجمها حلو واايد راقية و حمامين
و الخدمه روووووووووووووووووووووووووووعة و كنت ثاني ليلة ما قدرت انام كنت كلدقيقة ادق على السسترات طفرتهم بس والله انهم يهبوولن و لخدمه تينن و لمن ما كنت انام كنت اروح اقعد بالحاضنة عند البيبي و الدكتورة طبعا الروووعه خالدة المجيبيل
بس بسالج يا هما يعني عادي تروحين اتمشين حق الحاضنة اللي بالطابق
اللي انتي فيه 00 وبعدين ليش ما ياج النوم عسى ما في شي مطفرج
يحليلج شكل السسترات داخوا منج هههههههههههه بس الحمد الله نقلتي لي صورة حلوة عن
المستشفى
الكاميليا حلوة صح يا فافي 2 بس مدري كانها صغيرونة شوي
يعني المساحة تكفي تعتقدين حق الزوار؟؟؟
بس بصراحة اللي عجبني فيها اضواءها ج تينن الكاميليا اضواء خافتة وناعمة
مسوين عرض للصيف
من 1 مايو الى 100 يوم من تاريخه
الكاميليا 700 دك
بس ما ادري عن التفاصيل
ومرة ثانية الياسمين
الياسمين وايد اكبر واريح من ناحية حمامين
واوسع 00 الله يكتب اللي فيه الخير
و اذا في صور بعد احسن >>>> طرار و يتشرط
نبدي اول شي من الغرف الصغيرة الى الاجنحة الكبيرة
ليلي
كاميليا
ياسمين
لوتس
اوركيد بدون حديقة
اوركيد بحديقة
وطبعا تتفاوت السعر مع حجم الغرفة
بس احب اشوف المناسب بدون مبالغة وهذا عن طريج تجارب البنات اللي والدين بالرويال
فكرتج صح الناس من يشوفون مكان ابد يقعدون وكانه العيد
بس ليلى جنها صغيره حيل 00 ترى كاميليا انسب يمكن
ويلا نسمع المزيد