ابي فندق طلعه الاربعين

…. حبايبي ..
انا بطلع من الاربعين وابي كل وحده اتقولي عن رايها بالفنادق والاحلى مع الاسعاااااااار بلييز …

مو شرط فندق
روحي منتجع شيك وايد حلـو اعتقد الغرفه ب50 اعتقد مو اكيـد
او روحي منتجع النخيـل وايـد حلو واعتقد بعد الغرفه ب50

عندج هيلتون المنقف هذا رقمهم 2256222
الراية كورتيارد ماريوت 2997000
ماريوت 2455550
موفامبيك وايد حلو البدع 2253100
ترى عندهم عروض بالويك اند
ان شاء الله اكون فدتج
اذا تبين ارخيص وحو روتانا المنشر ويمكم الكوت حلو وييديد بس ما عندي رقمهم

مشكورين حبايبي …

موفنبيك اللي بالمنطقة الحرة بالشويخ رومانسي وهادي وفيه حمام سباحه عجيب

مارينا حلو بس اسعارهم شوي غاليه

انا قبل لا اولد رحت مع ريلي فندق المارينا حجزنا خميس وجمعه والسبت

شوفي كنت مسويتها مفاجأه حقه بالرسبشن يابولي كتلوج فيه انواع من الورد المكتت على الفراش والشموع

اخترت انهم يكتبن اسم ريلي على الفراش بالورد الجوري غير الورد اللي منثر بالارض + الشموع + بوكيه احمر اينن كبير

ينحط على الطاوله

كل هذا طلع علي 271

هالحجي تقريبا شهر 1 اللي فات

وبصراحه الفندق فعلا روعه وهدووووء وحمامات السباحه حلوه والمطعم عجيب جنج فوق البحر تاكلين

الله يوفقج

انا جربت النخيل حلو بس مو رومانسي كلش جنه شاليه..والهيلتون حلو بس احس ما تسوى الليلة ب160 اللي اطل على البحر

لااا ترووحيييين الرااايه وييييه غرفه خاااايسه و قديييمه و عن تجربه ماتسوى الفلوووس والله انا فاره كل فناادق الكوييت تقرييبا و عاارفه الغرف شووفيي انصحج بالمنشر حده حده حده عجيييب و كل شي بالغرفه تتش يعني تحكميين بكل شي حتى بالحماام و انتي بكراامه وانتي بفرااشج والسووق حدرج يعني تستانسيين انشالله و اختاري غرفه رجال الاعمال مالتهم اقل من 100 دينار بس مو ذاكره رووحيي ورااح تدعييليي
وعندج صحارى وايد حلوو بس غالي في عندهم فيلا داخلها حمام سباحه حده عجييب …
وعندج موفمبك البدع الغرف اللي عالحمام سبااحه عجييبه وشرحه
واخر شي هيلتون المنقف و سلاااامتج و غيير هالفناادق لا تدوريين و عن تجربببببببببببببببه

الافضل انج تشوفين الغرف بنفسج وتختارين واتوقع الحين فتره ركود لازم في عروض على الغرف؟؟؟

جربت فندق المارينا حلو
انصحج بالمنشر كشخة
وموفمبيك المنطقة الحرة روعة بعد

روحي المارينا حدة حلو وهدوء رحتله بذكرى زواجي شهر 1 وكان الجو ولا اروع
وخذت الغرفة اللي فوق ب 77 الليلة

البنات يمدحون المنشر وشكله حلو جربيه

المارينا حلو ووايد يمدحون المنشر