|
|
بنات رفيجتي توها بالشهر الثاني ينزل معاها دم لونه بني خفيف ولما سوت سونار قالولها الكيس مافيه جنين وعلشان نتاكد اكثر تعالي بعد عشر ايام ونسوي سونار داخلي ويبين اكثر واللحين اهي موعارفه شتسوي لان وحده من ربعهم صار معاها نفس هالشي تقول اربع شهور واهم يقولونلها الكيس مافي جنين واخر شي طلع فيه جنين وولدت ومافيها الا العافيه؟؟
شرايكم انتو ومنو مر بنفس هالظروف واهي ليلحين تاكل حبوب مثبته مع النشا؟؟
خل تنطر موعدها الياي احسن و لا تاكل مثبتات الا باستشارة الدكتور
والله يعوضها خير ويقومها بالسلامه
ترا شغله عاديه الله يرزق رفيجتج اذا مو بهالحمال بالثاني والله يقسم اللي فيه الخير
سلاااااااااااااااااااااااام
حماتي في بجرها قالولها ان الجيس ماكو جنين ونيموها خلاص بنزلونه
انحاشت من المستشفي
بعد شهر راجعت جان يقولون لها كاهو اشحلاته قاعد يسبح
انا اختي كانت مشكلتها غير كله يقولون الجنين مافي نبض بس الحمدلله اخر شي طلع في نبض والحين اهي بالشهر السادس الله يتمم عليها وعلى كل حامل
لازم تنطر شوي انشالله يطلع فيه جنين ..
انا صارت فيني هالحمله نفس الشغله الكيس كبر والياهل مو قاعد يكبر .. اكتشفوه من اول شهر .. انا رحتلهم لاني ما كنت قاعده احس باي مقدمات حق الحمل … المهم رحت حق د. نجيبه القطان ورحت حق د. فرجينيا بالمواساه ورحت حق الدكتوره الهنديه اللي بالهادي نسيت اسمها ,, واخر شي رحت الصباح وكللللهم قالولي نفس الكلام … وبالصباح قالولي لازم كل اسبوع اسوي عندهم تحليل علشان يشوفون النتايج زينه ولا مو زينه .. وعطوني فتره معينه اذا ما طاح بروحه لازم انزله حقج لانه مو زين حق الرحم وحق الدوام وهالسوالف… وما طاح بروحه … رحت دار الشفا نزلته لان نسبة دمي قامت تنزل وهذا شي مو زين .. انا الحين منزلته قبل 10 ايام تقريبا …
سبحان الله اختي حملت عقبي باسبوع … وهم صارت فيها نفس الشي بس اهي نزل بروحه اول شي بني وبعدين انهد عليها الدم مثل الحنفيه .. سبحان الله عقب ما نزلته الكيس باسبوع اهي نزل الكيس بروحه ..
وهذا يسمونه الحمل الفاسد..
وانشالله ما اكون قرقت عليكم.gif "Eh S(6)")