كمام الهادي عاججججل ؟؟!

السلام علييييييكم خواتي
انا حامل بالسادس و قاعده افكر اولد بالهادي على اساس كمامهم قالولي زين و قوي .. بس قالولي ايضا من كثر ما اهو قوي راح ادوخين و ما تشوفين حتى الياهل و اهو طالع ولا تحضنينه تكونين بسابع نومه ؟؟ صج هل كلام ؟؟ انا ابي كمام قوي لكن مو معناته ما اشوف البيبي و اهو طالع هذا احلى شيييي .. ياريت تفيدوني من خبرتكم الشخصيه اذا هل كلام صحيح ولا لأ ؟؟؟
و شكرررررررا

لا مو صحيح كمامهم حلو بس مو معناته ماتحسين بالالم
انا جربته حسيت بالالم وايد
بس مالله كتب اولد طبيعي خدروني و سوولي قيصريه
اختي جربته و اهي من كثر الالم اللي حسته بوقت طلعه الراس بس طلع جان تنام هاهاهاها
بس رفيجاتي و بنات من عايلتنا شافوا البيبي و حطوه على صدرهم
يعتمد على حالتج وقتها مو على الكمام

أول شى عسى الله يهون عليج و تولدين بالسلامة

انا جربته مرتين كمام الهادى ….عجيب ..يوديج فوق سحابة وردية ..وكله تبتسمين …
بـــــــــــــس !!!

قوى لدرجة إنج ممكن تنسين أشياء معينة لمدة 6 شهور ..دكتورتى : معصومة قالت لى …و صارت لى
بس أهو مثل المحبس ..يفجونه و يصكونه ..يعنى على دفعات …وقت الطلق يزيدونه لج ..وقت طلعت الراس يشيلونه مرة وحدة عشان تكونين معاهم بكامل وعيج و تساعدين الياهل يطلع …و تلمحين الياهل ترا بو جم دقيقة …تالى عـــــــــــــــاد
يخدرونج ..حق الخياط و العفسة إلى عقب … لا تحاتين حبيبتى ..آلاف أستخدموه و ما صار إلا العافية

و الله هذا اللى مخوفنى ، اخاف أغيب عن الوعى .

لا اسم الله عليج انشالله شدعوه مو لهالدرجه
توكلي على الله و ترى الهادي عنايه السسترات تههببببببببببببببببببببببببل

انا ولدت بالهادي والله يسامحهم حطولي كمام وما حسيت لا بالعوار ولا طلعة البيبي وما وعييت من كثر ما حطولي كمام والا اهلي حواليني وما شفت البيبي الا بالليل مع اني والدة الساعة 6 المساء وضاق خلقي اني ما حظنت البيبي ولا شفتها لين انولدت بس يعني ما تحسين بالعوار كلش كلش ولا بالخياط بعد وهذا اللي صار لي

لاشوفي اختي اذا في احد معاج بالغرفه احسن انا اول ماحطوه استانست غبت عن الوعي اسمعهم بس مثل حلمانه بعدين قمت اتشهد هاهاهاها خرعت امي وخالتي عاد امي تقول توني بصرخ والا الممرضه تقول لا عادي وشالوه بعدين انقردت لانها خففته لي يعني تقدرين تطلبين انهم يخففونه موقوي فكنت احس بكل العووا ونسيت اقولهم زيدوه من كثر العوار وصلت مرحله كسرت الابره بيدي وقمت اكسر ونتفت ريلي مسكين لانهم خلوني يومين اطلق وبالاخير قيصريه خفيف وايد يعني لو يشيلونه ثانيه تصحين كنت اشفطه حييييييييييل مابيه يطيح وبالاخير قيصريه كنت اتمني لما شالوه يقولون لي طلع البيبي والا يقولون عمليات بس الحمدالله على كل حال يعني لارحتي قولي للي معاج يقولون لهم يخففونه انا صديقتي تحبه تقول ماحس بشي بس وقت طلعة الراس يقعدوني حيل قومي ساعدينا وهذا كله دقايق والله يسهل عليج

انا بصراحه اول شي ماكنت اعرفله وقمت اصررخ من العوار وانا من الخوف ماكنت اشفط واايد لانه خرعوني يقولون لاتشفيطين وايد والمستشفى اهتز من صراخي بس السستر تقولي شفطي اشفط بس مو بقوه وانا انام واقعد لاني ماكنت نايمه سهرانه قبل الطلق المهم طلعت راس الياهل حسيت فيها عددددددل وشفت البيبي وحطيته على صدري بس عقبها ماادري عن الدنيا

شكرااااااااا على الردود الي تثلج الصدر .. ريحتوني الله يريحكم … انا عبالي قوة الكمام ما تتغير بس اذا اقدر اتحكم فيه شي زين .. انا الطلق لو ما احس فيه احسن و احسن لكن ابي اهم شي اشوف الياهل و اهو طالع و المه و بعدين كيفهم خل ينوموني يوم كامل مو مشكله .. شكرا يا احلى بنات و ياريت بعد البنات الي جربوا كمامهم يعطوني من خبرتهم و يفيدونا كلنا .. و الله يهون على الجميع

للاسف ماعندي فكره

انا جربته قوي حده ويخليج ما تدرين عن شي ولا تحسين في شي ابداااااااااااا

وبعد الولاده غبت عن الوعي ,,, بس عادي لانهم احيانا بعد الولاده يعطون مخدر

توكلى على الله انا عيالى الاول والثانى ما شفت

بس الثالث شفت

والله عجيييب انا خذيته ويدوخني بس حزت طلعت الياهل لا يشيلونه تكونين دايخه شويه وعقب مايطلع الياهل يحطونه على بطنج تشوفينه بعدين يبنجونج

بس صج عجيييييييييييييييب

والله يسهل عليج ودعواتج

ما قصرتوا و الله .. و الله يرزق كل محروم و يهون على كل حامل و يسهل علي ولادتي ياااااااارب حدي خايف الله كريم

والله عاد انا مثلج احاتي لاني انشالله بولد بالهادي مابي اتخدر لدرجه مادري شصير فيني ابي اشوف :// ونفس الوقت مابي عوار شسوي