اللولب الهرموني

حبيباتي اللي مستخدمين اللولب الهرموني ممكن اعرف اشلون طريقة تركيبه لان لما سألت دكتوري قال ان راح يحط لي كمام الولاده علشان ما احس بالالم ومن سمعت هالكلمه وانا خايفه اركبه انا كنت استخدم اللولب العادي بس الحين ابي اركب الهرموني فهل تركيبه مثل العادي والا الهرموني تركيبه يختلف ؟

اتمنى اسمع منكم الرد

انا جربت الهرموني وما انصحك فيه لانه كله خرابيط بخرابيط

وفري فلوسك احسن لج واستخيري

انا عقب ما تعب رحت لدكتورة وقالت لي هذا اللولب يتركب للي يمرون بفترة سن الياس ويعانون من الام الدورة

ترى له تاثير سلبي عليج وراح ياخر نزول الدورة وتسبب مشاكل صحيه في الظهر وانتفاخات في الجسم

كلام اختي شهد مضبوط 100% لاني ركبته 9 اشهر وماتتخيلين شنو صار فيني بسببه
انقطعت الدورة 9 اشهر
انتفخ بطني
الام بالمفاصل
تورم بجسمي وخاصه القدم
وصرت جني بالستينيات عيوز
ولما رحت لدكتورة ثانية وفحصتني من الداخل لقت دم الدورة متجلط داخلي بسبب انقطاعها وشلته والحمدلله بس للحين اعاني من الم المفاصل وسويت بحث بالانترنت ولقيت اراء لاكثر من وحده كانت مركبته ويعانون نفس معاناتي ولهم نفس الاعراض
تراه خسارة صحه وفلوس

مشكورين حبيباتي على ردودكم بس اللي سمعته ان مضمون من ناحية عدم حدوث الحمل اكثر من اللولب العادي لان لما كنت مركبه لولب عادي حملت والحين ابي شيء اكثر امان . بشنو تنصحوني ؟ فيدوني الله يخليكم