|
|
قوه بنات
النساة ذابحتني مو قادره اتحمل نفسي
انا توني حامل يمكن دشيت الثاني ماراجعت لي الحين و هذا حملي الثاني
اللوعه شي مو طبيعي جنني برجع و انتوا بكرامه و من اوقف ادوخ و اطيح على طووووووووووووول وكله حاسه بخمول و بالم بجسمي مو طبيعي
اي ريحه ممكن تلوع و حارج و حموضه
و الم براسي و بعظامي
و كله ابي انام
و نفسيتي تعبانه حييييييييييييييل و خانقتني العبره
شسوي انا ناويه اراجع عقب العيد انشالله
الحين السؤال
اللي احس فيه عادي لانني نسيت شلون كانت نساتي المره اللي طافت
و شسوي عشان يخف الشي اللي فيني
والله ذكرتيني بنفسي كانت نساتي صعبة وايد مثلج واكثر والله كنت احس اني مو آنا اتصرف تصرفات غريبة حتى اهلي لاحظوا بس شسوي غصبا علي ومحد كان فاهمني بس الحمد لله على كل حال هذا صار كله قصص
واللي تمرين فيه عادي بس لا زم تراجعين الدكتورة في اقرب وقت ولا نتطرين بعد العيد
صاكه فيني الدنيا والله الواحد ما يحس بقيمة الصحه الا لما يفقدها
تعبانه حييييييييييييييييييييييييييييييييييييييييييييييل
ياربي ذكرتيني باشهري الاولي مت مت من النساه نفس اللي فيج صار فيني بس بصراحه مارحت مكان قاعده بالبيت وماقدر اطلع مكان صج صج عشت فتره عصيبه والنفسيه والبجي الله يعين كل حامل باشهرها الاولى
تحملي عزيزتي بس يطوف الشهر الثاني وتدخلين بالثالث تخف النساه ان شاء الله بس استمري على الفوليك اسيد
وماتشوفين شر والف الف مبروووك على الحمال والله يثبته ويهون عليج ويرزقج الولد الصالح المعافي كامل الخلقه والخلق
انا نساتي مثلج تعب تعب تعب تعب
وفوق هذا تخيلي ريجي ما أقدر أبلعه
يعني على طول الزباله(مكرمين) يمي والكلنكس
حتى أذا رحت مراجعتي للدكتوره معاي جيس فيه علبة كلنكس لي درجة ممرضتها الهنديه عقب لما كنت أراجعها تقول أنتي بالذات ما أنساج مع كلنكسج
ولا طلعات ولا روحات ولا ييات ولااااااااا شي ماغير فارشه لي فراش بغرفة التلفزيون ومنسدحه ولا أدري عن شي
حتى ولدي سدحوه بالمستشفى ما دريت عنه أمي وخالتي وخواتي الله لا يخليني منهم جابلوه بعد قلبي
امهم نيي للزبده
عندج جم طريقه خلاصة تجربتي
السفرجل زين ساعات يخفف اللوعه(تلقينه بقسم الفواكه والخضروات مثل العرموطه بس اكبر)
ولما تقومين الصبح لاتقومين بسرعه خلج 10 دقايق بالفراش وقومي شوي شوي
وخلي عند راسج بسكوت مالح أو توسته محمصه أكليها على الريج تركد جبدج شوي
ولاتخلين معدتج تخلى ترى المعده الخاليه تقلب خلي دايما يمج بسكوت مالح ولا توسته محمصه هالسوالف الي تركد الجبد
وراح يصرفولج حبوب تاكلين وحده قبل النوم بس شنو من تقطينها ترد اللوعه
يعني واظبي على الحبوب وبس تدشين الخامس خلاص كله يروح ان شاء الله لان البيبي يتحرك
اكليلج بسكوت مال المطاحن حق اللوعه وايد زين
مع التحية…………….
مال الرفاعي اللي بجياس من الجمعيه .
والله يتمم لج على خير .
امس راجعت دكتوري و عطاني حبوب حبه قبل النوم حق اللوعه و عطاني فولك اسد
اليوم احسن بنسبه 70% تقريبا الحمدلله ياربي هالحبوب وايد زينه
و امي قالتلي شربي نقوع علج البان بس اخاف تقلب جبدي ماحب ريحته حتى
الله لا يحرمني منكم والله انتوا صج خوات دنيا